Ngaahi Maʻuʻanga Tokoní
Ko e ʻInitaviú
Fili ʻa e ngaahi fatongiá pea fakatātaaʻi ʻa e ngaahi meʻá ni.
Fai ʻInitaviú: “Ko e hā te ke lava ʻo talamai fekauʻaki mo koé?”
Tokotaha ʻInitaviu 1: “Ko hoʻo ʻuhingá ki he meʻa ʻoku ou manako hono faí? ʻIkai ha meʻa lahi, moʻoni. ʻOku ʻikai ke ʻi ai ha meʻa ia ʻoku ou fuʻu saiʻia ai pe manako ai. Meimei ko e nofonoa pē.
Tokotaha ʻInitaviu Hono 2: “ʻIo … sai, ʻoku ou…”
Tokotaha ʻInitaviu Hono 3: “ʻIo, fakaʻofoʻofa. Hangē ko hoʻo vakaí, ʻoku ou fakamoleki ha taimi he hikihiki meʻa mamafá. ʻOku totonu foki ke u ʻalu ki he ngaahi kalasi mapuleʻi e ʻitá. Ka ko hai ʻoku fie ʻalu ki ai? Ke ʻilo ʻeku ʻuhingá?
Tokotaha ʻInitaviu 1: “Pe ko hoʻo ʻuhingá pe ʻoku fēfē ʻeku ngāué? Ke ʻiloʻi ʻoku teʻeki ai ke u fuoloa ʻi ha ngāue. ʻOku vave ʻeku taʻeoliʻiá pea ʻikai pē ke u toe ʻalu au. … Mahalo pē naʻe ʻikai totonu ke u lea ʻaki ia.”
Tokotaha ʻInitaviu Hono 2: “Ko e …”
Tokotaha ʻInitaviu Hono 3: “Ko ʻeku ʻuhingá, ko e tama ʻokú ne akoʻi e kalasi mapuleʻi e ʻitá, … te u lava pe ʻo fesi ua ia. Ko hai leva ʻe hoko ko hoku pulé? Ko koe? ʻEi, ʻoku ʻikai ke ke hangē koe ko e faʻahinga ʻoku nau vakaiʻi maʻu pē pe ʻoku mau femoʻuekiná, ʻokú ke pehē? Hangē mautolu ia ha kau leká? Naʻe fai pehē hoku pule fakamuimuitahá, pea naʻe ʻikai ke u saiʻia ai.”
Fai ʻInitaviú: “Ko e hā ka mau ka fakangāueʻi ai koé?”
Tokotaha ʻInitaviu Hono 2: “ʻOku totonu ke mou fakangāueʻi au koeʻuhí he…ʻoku…
Tokotaha ʻInitaviu 1: “He ʻoku ou fie maʻu ha ngāue. Ne u fakakaukau naʻe haʻu ʻeku faʻeé ʻo talanoa mo koe ki ai ʻaneafi. Naʻá ne pehē ʻoku totonu ke maʻu haʻaku ngāue. Ko ia?”
Hoko atu hoʻo laú ki he peesi hono hokó.
Tokotaha ʻInitaviu Hono 3: “ʻOku mou vale kapau he ʻikai ke mou fakangāueʻi au. Naʻá ku fakatokangaʻi he taimi naʻá ku hū mai aí ʻoku ʻi ai ha ngaahi meʻa ʻoku fuʻu fie maʻu ke liliu ʻi he feituʻú ni. ʻOku ou ofo he kei lele hoʻomou pisinisí. Te u lava ke fakaleleiʻi kotoa ia. ʻIo. Te mou fakamālō mai kiate au ʻi hono fakahaofi hoʻomou pisinisí.
Tokotaha ʻInitaviu Hono 2: “Koeʻuhí he ʻoku … ah …”
Fai ʻInitaviú: “Ko e hā ho vaivaiʻanga lahi tahá?”
Tokotaha ʻInitaviu Hono 3: “ʻOku ʻikai haku faʻahinga vaivaiʻanga ʻoʻoku. Fēfē koe? Masiʻi, ʻoku ou fehiʻa au he faʻahinga fehuʻi peheé.”
Tokotaha ʻInitaviu Hono 2: “Ngaahi vaivaiʻanga? Ah …”
Tokotaha ʻInitaviu 1: “Um … ko e kaihaʻá. Ko ʻeku ʻuhingá, ʻoku ʻikai ko e kaihaʻa, moʻoni. Naʻe ʻikai ko ha kaihaʻa ia. Ko ha talanoa lōloa ia. Ko ʻeku ʻuhingá naʻe ʻai pē ke u toki fakafoki. Naʻá ku pehē ʻe tuku ʻe hoku pulé ke u kiʻi fakaʻaongaʻi taimi nounou pē ia.”
Foki ki he peesi 99.