Fakalahi ki he Tohí
Lekooti ki Hono Muimuiʻi ʻo e Kumi Ngāué
|
ʻAho 1 | ||
|---|---|---|
|
Ngaahi Maʻuʻanga Tokoní: |
□ □ □ □ □ □ □ □ □ □ □ □ □ □ □ |
Fakakātoa Fakaʻahó |
|
Ngaahi Fetuʻutakí: |
□ □ □ □ □ □ □ □ □ □ |
Fakakātoa Fakaʻahó |
|
Ngaahi Fakatahaʻangá: |
□ □ |
Fakakātoa fakaʻahó |
|
Maʻuʻanga Fakamatalá: | ||
|
ʻAho 2 | ||
|---|---|---|
|
Ngaahi Maʻuʻanga Tokoní: |
□ □ □ □ □ □ □ □ □ □ □ □ □ □ □ |
Fakakātoa Fakaʻahó |
|
Ngaahi Fetuʻutakí: |
□ □ □ □ □ □ □ □ □ □ |
Fakakātoa Fakaʻahó |
|
Ngaahi Fakatahaʻangá: |
□ □ |
Fakakātoa fakaʻahó |
|
Maʻuʻanga Fakamatalá: | ||
|
ʻAho 3 | ||
|---|---|---|
|
Ngaahi Maʻuʻanga Tokoní: |
□ □ □ □ □ □ □ □ □ □ □ □ □ □ □ |
Fakakātoa Fakaʻahó |
|
Ngaahi Fetuʻutakí: |
□ □ □ □ □ □ □ □ □ □ |
Fakakātoa Fakaʻahó |
|
Ngaahi Fakatahaʻangá: |
□ □ |
Fakakātoa fakaʻahó |
|
Maʻuʻanga Fakamatalá: | ||
|
ʻAho 4 | ||
|---|---|---|
|
Ngaahi Maʻuʻanga Tokoní: |
□ □ □ □ □ □ □ □ □ □ □ □ □ □ □ |
Fakakātoa Fakaʻahó |
|
Ngaahi Fetuʻutakí: |
□ □ □ □ □ □ □ □ □ □ |
Fakakātoa Fakaʻahó |
|
Ngaahi Fakatahaʻangá: |
□ □ |
Fakakātoa fakaʻahó |
|
Maʻuʻanga Fakamatalá: | ||
|
ʻAho 5 | ||
|---|---|---|
|
Ngaahi Maʻuʻanga Tokoní: |
□ □ □ □ □ □ □ □ □ □ □ □ □ □ □ |
Fakakātoa Fakaʻahó |
|
Ngaahi Fetuʻutakí: |
□ □ □ □ □ □ □ □ □ □ |
Fakakātoa Fakaʻahó |
|
Ngaahi Fakatahaʻangá: |
□ □ |
Fakakātoa fakaʻahó |
|
Maʻuʻanga Fakamatalá: | ||
Foomu ki hono Muimuiʻi e Fetuʻutakí
Fetuʻutakí
Tokotaha pe kautaha:
Telefoní
Tuʻasilá:
ʻĪmeili:
Naʻe fakafeʻiloaki au ʻe:
Naʻá ku fetuʻutaki ki he tokotaha ko ʻení
-
ʻIo
-
ʻIkai
ʻAhó:
Ngaahi Meʻa Naʻe Aleaʻí
1.
2.
3.
Ngaahi ʻEkitivitī ki Hono Muimuiʻí
1.
2.
3.
Ngaahi Fetuʻutaki Foʻou
1. Hingoa:
Telefoní
Fax:
ʻĪmeilí:
Tuʻasilá:
2. Hingoa:
Telefoní
Fax:
ʻĪmeilí:
Tuʻasilá:
Vakaiʻi ʻo e ʻInitaviú mo e Fakatahaʻangá
ʻAhó
ʻAi ha ngaahi tatau ʻo e foomu ko ʻení kimuʻa pea toki fakafonú. Fakaʻaongaʻi e foomu ko ʻení ki hoʻo ngaahi ʻinitaviú mo e ngaahi fakatahaʻangá pea ke muimuiʻi ʻaki hoʻo fakalakalaká. Tānaki ha ngaahi fetuʻutaki foʻou ki hoʻo lisi fengāueʻaki mo e kakaí.
Tokotaha pe kautaha:
Naʻá ku mateuteu.
-
ʻIo
-
ʻIkai
-
Ngaahi Fakamatalá:
Ne u aʻusia ʻeku taumuʻá.
-
ʻIo
-
ʻIkai
-
Ngaahi Fakamatalá:
Ne u fakafofongaʻi lelei au.
-
ʻIo
-
ʻIkai
-
Ngaahi Fakamatalá:
Ngaahi meʻa naʻe aleaʻí:
1.
2.
3.
Ko e Hā Ne Fakahoko Leleí
Meʻa ʻOku Fie Maʻu Ke u Fakatupulakí
Ngaahi ʻekitivitī ki hono muimuiʻí:
1.
2.
3.
Ngaahi fakafeʻiloaki foʻoú:
1. Hingoa:
Telefoní
Fax:
ʻĪmeilí:
Tuʻasilá:
2. Hingoa:
Telefoní
Fax:
ʻĪmeilí:
Tuʻasilá:
Fengāueʻaki Lahi Ange mo e Kakaí
ʻIloʻi ʻa Kinautolu ʻOku Nau Fakahoko e Tuʻutuʻuní
-
Lau:Makehe mei he talanoa mo e kakai ʻokú ke ʻiló, ʻoku totonu foki ke ke fetuʻutaki ki ha ngaahi pisinisi. ʻI he taimi ʻokú ke fetuʻutaki ai ki ha ngaahi pisinisí, ʻe lelei ange hoʻo feingá kapau te ke talanoa ki he kakai ʻoku nau fakahoko e tuʻutuʻuni ki hono fakangāueʻi ʻo e kau ngāué. Fakaʻaongaʻi ʻa e ʻinitanetí mo e ngaahi saiti mītia fakasōsiale fakangāué ke ʻilo e kakai ke ke talanoa ki aí.
Hangē ko ʻení, ʻoku fie ngāue ʻa Siua ʻi he tafaʻaki tokoni fakakomipiutá. Mahalo te ne kumi ha kautaha mo feinga ke ʻilo ʻa e kakai ʻoku nau puleʻi ʻa e Potungāue Tekinolosia Fakamatalá. Te ne lava ʻo vakaiʻi e ngaahi fetuʻutaki ʻo e kautahá pe fakahoko ha fekumi ki he kakaí fakakautaha ʻi ha saiti mītia fakasōsiale. ʻE lava leva ke fetuʻutaki ki he kautahá ʻo ʻeke e kakai ko iá ʻaki honau hingoá. ʻI he taimi ʻokú ke fakaʻaongaʻi ai e ngaahi hingoá, ʻe fakaʻohovale he taimi ʻe niʻihi ʻa e vave ko ia hoʻo talanoa hangatonu ki he kakaí.
Ko e pisinisi mo e tokotaha kotoa pē te ke maʻú, ko ha maʻuʻanga tokoni ia. Ko e fetuʻutaki fakangāue kotoa pē ʻokú ke fakahoko mo ha pisinisi pe ko ha tokotaha ʻi ha pisinisi, ko ha fetuʻutaki ia. Ko e lahi ange e ngaahi fetuʻutaki fakataautaha ʻokú ke fakahoko mo e ngaahi pisinisí mo e kakai ʻi he ngaahi pisinisi ko iá, ko e vave ange ia hoʻo maʻu ha ngāué.
Fakaʻaongaʻi ha Lea Kuo Tohi
-
Lau:ʻE lava ke hoko e ngaahi lea kuo tohí ko ha founga lelei ke ke teuteu ai ki ha ngaahi fetuʻutaki lelei. ʻE tokoni atu ʻeni ke ke ongoʻi loto-falala ange ai mo lavameʻa ange. Ke tokoni atu he tafaʻaki ko ʻení, ko ha sīpinga ʻeni ʻo ha ngaahi lea ʻosi tohi ki ha ngaahi tūkunga kehekehe ʻe tolu ʻi he fetuʻutaki ki he kakaí pe ngaahi pisinisí.
Fetuʻutaki ki ha Tokotaha ʻOkú ke ʻIló
Pehē atu, “Mālō e lelei, (hingoa ʻo e tokotaha ʻokú ke fetuʻutaki ki aí), ko au (hingoa ʻoʻoú). ʻE lava ke ta talanoa ʻi ha miniti ʻe tolu pe fā?”
Fakamatala nounou atu e ʻuhinga hoʻo fetuʻutakí (ʻoua naʻa lōloa ange he sekoni ʻe 15).
Fakaʻaongaʻi hoʻo fakamatala Ko Au ʻi ha Sekoni ʻe 30.
Fakaʻaongaʻi ha fehuʻi ʻi he ngataʻangá ke kole ha tokoni (manatuʻi ke fakakau ha ngaahi fetuʻutaki, kakai ke tā ki ai, mo ha ngaahi ngāue ngali ʻatā).
Fakamālō ki he tokotahá ʻi hono taimí.
Fetuʻutaki ki ha Tokotaha Naʻe ʻOatu Kiate Koe
Pehē atu, “Mālō e lelei, (hingoa ʻo e tokotaha ʻokú ke fetuʻutaki ki aí), ko au (hingoa ʻoʻoú), pea naʻe fokotuʻu mai ʻe (hingoa ʻo e tokotaha naʻá ne ʻoatu e fika fetuʻutakí) ke u fetuʻutaki atu. ʻE lava ke ta talanoa ʻi ha miniti ʻe tolu pe fā?”
Fakamatalaʻi nounou ʻa e ʻuhinga hoʻo fetuʻutakí (ʻoua naʻa lōloa ange he sēkoni ʻe 15).
Fakaʻaongaʻi hoʻo fakamatala Ko Au ʻi ha Sekoni ʻe 30.
Fakaʻaongaʻi ha fehuʻi ʻi he ngataʻangá ke kole ha tokoni (manatuʻi ke fakakau ha ngaahi fetuʻutaki, kakai ke tā ki ai, mo ha ngaahi ngāue ngali ʻatā).
Kapau ʻe lave ʻa e tokotaha ʻokú ke talanoa mo iá ki ha lakanga ʻatā ʻi he ngāueʻangá, kole ha ʻinitaviu. (Fakapapauʻi ʻokú ke ʻoange ha taimi ʻe ua ʻe lava ke mo fakataha ai.)
Fakamālō ki he tokotahá ʻi hono taimí.
Fetuʻutaki ki ha Tokotaha ʻOku ʻIkai ke ke ʻIlo (Ko ha Pisinisi)
ʻEke e hingoa ʻo e tokotaha ʻaʻana e pisinisí, pulé, pe ko e supavaisá.
Pehē ange, “Mālō. ʻE lava ke u lea kia (hingoa ʻo e supavaisá), kātaki?”
ʻI he tali mai ʻa e supavaisá, pehē atu, “Mālō e lelei, (hingoa ʻo e supavaisá), ko hoku hingoá ko (hingoa ʻoʻoú). ʻE lava ke ta talanoa ʻi ha miniti ʻe tolu pe fā?”
Fakamatalaʻi nounou ʻa e ʻuhinga hoʻo fetuʻutakí (ʻoua naʻa lōloa ange he sekoni ʻe 15).
Fakaʻaongaʻi hoʻo fakamatala Ko Au ʻi ha Sekoni ʻe 30.
Fakaʻaongaʻi ha fehuʻi ʻi he ngataʻangá ke kole ha tokoni (kau ai ha ngaahi fetuʻutaki, ngaahi ngāue ʻoku ngali ʻatā, ʻinitaviu ke maʻu ha fakamatala, mo e alā meʻa peheé).
Kapau ʻe lave ʻa e tokotaha ʻokú ke talanoa mo iá ki ha lakanga ʻatā ʻi he ngāueʻangá, kole ha ʻinitaviu. (Fakapapauʻi ʻokú ke ʻoange ha taimi ʻe ua ʻe lava ke mo fakataha ai.)
Fakamālō ki he tokotahá ʻi hono taimí.
Ngaahi ʻInitaviu ke Maʻu ha Fakamatalá
-
Lau:Ko e ʻinitaviu ke maʻu ha fakamatalá ko ha founga fengāueʻaki ia ʻe taha mo e kakaí ʻoku mālohi ʻaupito. ʻI he ngaahi ʻinitaviu ke maʻu ha fakamatalá, ʻokú ke fetaulaki ai mo ha kakai ke maʻu faleʻi meiate kinautolu ki hoʻo ngāué, ke ako lahi ange fekauʻaki mo kinautolu pe ko ʻenau ngāué, pea ke mou fehokotaki lelei. ʻOku hangē tofu pē ia ko e ʻinitaviu ngāué, ka ʻoku siʻisiʻi ange ai e ongoʻi ilifiá ʻi he ongo tafaʻakí koeʻuhí he ʻoku ʻikai ha ngāue ia ʻe kau ai. Ka neongo ia, kapau ʻe ola lelei, ʻoku hangē pē ia ko ha toki ʻosi ha ʻinitaviu filifilí, pea mahalo ʻe ʻave ai ho fika fetuʻutakí ki ha kakai tokolahi mo ha ngaahi faingamālie lahi ange. Ko e ngaahi ʻinitaviu ko ʻení ko ha faingamālie lelei ia ke fakatupulaki ai ho ngaahi vā fetuʻutaki fengāueʻaki mo e kakaí.
Naʻe vahevahe ʻe Maikolo e aʻusia ko ʻení ʻi he founga naʻe tākiekina ai ia ʻe he ʻinitaviu kumi fakamatalá, ki ha lavameʻa fakaofo ʻi heʻene kumi ngāué mo e ngāue maʻuʻanga moʻuí.
“ʻI he taimi naʻá ku kumi ngāue aí, naʻá ku ʻilo ko e lahi taha ʻo e ngaahi lakanga ngāue ʻataá ʻoku faʻa maʻu pē ia taʻe tuʻuaki atu ki tuʻa. Naʻá ku ʻilo kuo pau pē ke ʻi ai ha faingamālie ai maʻaku. Kapau te u fakahoko e ngaahi fetuʻutaki totonú, ne u maʻu ha loto-falala te u lava ʻo fakafofongaʻi lelei au. Naʻe ʻave au ʻe ha niʻihi ʻo ʻeku ngaahi fetuʻutakí ki ha kakai ne nau ʻilo ʻoku nau ngāue ʻi he ngāueʻanga ne u saiʻia aí. Ne u fetuʻutaki kiate kinautolu ʻi he telefoní, ʻīmeili, pea mo aʻu tonu ki ai. Naʻá ku fakamatalaʻi ange ʻeku saiʻia he ngāueʻangá pe kautahá peá u kole ange pe ʻe lava ke u maʻu ha miniti ʻe 15 ʻo honau taimí. Ne nau mei tali kotoa pē ʻeku kolé!
“Ne u ʻilo vave ai naʻe fie maʻu ke u mateuteu ki he ngaahi fepōtalanoaʻaki pehení pea maau mo ha ngaahi fehuʻi. Ne u ʻilo foki ko e ngaahi fepōtalanoaʻaki pehení ko ha founga ia ʻe lava ke fili ai kita ki he sitepu hokó, ʻo hangē ko e ʻuluaki ʻinitaviú. Naʻe vakavakai mai e kakaí kiate au, ke ʻilo pe te u feʻunga mo ʻenau kautahá pe ʻikai. Kapau ne nau saiʻia ʻiate au, te mau toe fakataha pē pe te nau ʻave ʻeku fika fetuʻutakí ki ha ngaahi fetuʻutaki kehe. Naʻe kamata ke u fakatokangaʻi naʻe ʻomi ʻe he ngaahi ʻinitaviu kumi fakamatalá ha mālohi ke u maʻu ai ha ngaahi faingamālie ke kau hono filifilí ʻo ʻikai ke u tatali ki ha ʻinitaviu ngāue totonu. Naʻe kamata ke liliu ʻeku ngaahi ʻinitaviu kumi fakamatalá ki ha ngaahi ʻinitaviu ngāue totonu, pea naʻe fakahoko kotoa ia ki ha ngaahi ngāue naʻe ʻikai tuʻuaki. Naʻe fakaiku ʻeni ki ha uike ʻe taha ne u maʻu ai ha ngaahi faingamālie ngāue ʻe fā! Talu mei he taimi ko iá, naʻe tupu e hiki lakanga kotoa pē pe ngāue naʻá ku maʻú mei heʻeku fengāueʻaki mo e kakaí kae pehē ki he ngaahi ʻinitaviu kumi fakamatalá.”
Ngaahi ʻInitaviu Kumi Fakamatalá: Ngaahi Fokotuʻu ki he Lavameʻá
-
Lau:Manatuʻi, ʻi he taimi ʻoku kamata ai haʻo ʻinitaviu kumi fakamatala, ʻoku fakahoko ʻe he tokotaha ʻokú ke fakataha mo iá ha ngāue lelei maʻau. Ko ha ngaahi fokotuʻu ʻeni ʻe niʻihi ke tokoni atu ke ke fakaʻaongaʻi lelei ai e taimi ʻo e tokotahá mo maʻu ha aʻusia lelei. Mou fetongitongi ʻo takitaha lau leʻolahi ha fokotuʻu ʻe taha ʻi hoʻomou takai ʻi he kulupú.
-
Fakaʻaongaʻi ha lea kuo tohi(vakai, peesi 198–200) ke ke kole ʻaki ha ʻinitaviu kumi fakamatala.
-
Tomuʻa fekumi fekauʻaki mo e ngāueʻangá pe kautaha ʻa e tokotahá kimuʻa.
-
Tomuʻa teuteu ha ngaahi fehuʻi lelei.
-
Kapau ʻe fie maʻu, fakahoko e fetuʻutakí ʻi ha ngaahi founga kehekehe ke maʻu ha ʻinitaviu.
-
ʻOua naʻá ke kole ha taimi ʻo ha taha ʻo laka hake he miniti ʻe 15 ki he 30.
-
ʻOua naʻá ke fakalaka he taimi ne mo felotoi ki aí.
-
Mateuteu ke tali e ngaahi fehuʻi ko ʻení:
-
Te ke lava ʻo kiʻi fakamatala mai fekauʻaki mo koe?
(Fakaʻaongaʻi hoʻo Ko Au ʻi ha Sekoni ʻe 30.) -
Ko e hā hono ʻuhinga ʻokú ke fie maʻu ai e ngāué ni?
-
-
ʻI he tupulaki ʻa e fetalanoaʻakí, mahalo ʻe lelei ke ke kole ha fetuʻutaki pe ngaahi faingamālie ngāue kehe.
-
Vakaiʻi taimi totonu leva ia mo fakahoko ha fakamālō.
-
Muimuiʻi ha faʻahinga tukupā pē naʻá ke fakahoko.
-
Ngaahi Naunau kuo Tohí
Ngaahi Sīpinga ʻo ha Ngaahi Lavameʻa ʻi he Tohi Aʻusia Fakaako mo Fakangāué
-
Hiki vāhenga ʻo laka hake he $10,000 he taʻu kotoa pē ʻi ha taʻu ʻe nima ʻi hono palani ʻo e ngaahi meʻá, fetuʻutakí, mo hono fakatokolahi ʻo e kau ngāue tokoní. (Faʻē)
-
Lavaʻi ha GPA 3.GPA 5 ʻi he akoʻanga māʻolungá lolotonga ʻeku ngāue mo vaʻinga ʻi ha ngaahi sipoti kehekehe ʻaki ʻeku palaniʻi mo fakamahuʻingaʻi e ngaahi ʻekitivitií mo e ngaahi fatongiá. (Tokotaha ako)
-
Fakahū ha paʻanga ne laka hake he $200,000 ʻi he ʻuluaki taʻú ʻi hono tokangaʻi ʻeku patisetí mo mapuleʻi ʻeku ngaahi fakamolé. (Pule Pisinisi)
-
Aʻusia ha peseti ʻe 99 ʻi he tuʻunga lelei hono kasaʻi ha ngaahi meʻa faingataʻa ʻe lauafe ʻi ha ngaahi ukamea makehe, ʻo fakafehoanaki ki he tuʻunga peseti ʻe 92 ʻa e kautahá. (Tokotaha kasa)
Ngaahi Tokoni ki he Tohi Aʻusia Fakaako mo Fakangāué
-
Tohi fakatatau mo e ngaahi fiemaʻu ʻa e pule ngāué. ʻOku fakaʻaongaʻi ʻe he tokolahi taha ʻo e kau pule ngāué, ha taimi nounou ange ʻi he sekoni ʻe 10 ke lau vave hifo ai hoʻo tohi aʻusia fakaako mo fakangāué, ko ia ai ʻoku fie maʻu ke ke ʻai ke mahinongofua kiate kinautolu ʻa e ʻuhinga ʻokú ke hoko ai ko ha tokotaha feʻungá.
-
Tafaʻaki taupotu ki ʻolungá mo e tafaʻaki toʻohema hoʻo tohi aʻusia fakaako mo fakangāué. ʻI he taimi ʻoku lau fakavave ai ʻe he kau pulé hoʻo tohi aʻusia fakaako mo fakangāué, ʻoku nau tokanga taha pē ki he konga ki ʻolungá mo e tafaʻaki toʻohemá, ko ia ai, fokotuʻu hoʻo fakamatala mahuʻinga tahá ai.
-
Fakamatala fakapoini kae ʻikai ko ha fakapalakalafi. ʻAi ke faingofua hono maʻu ʻe he kau pule ngāué hoʻo fakamatalá.
-
Fakaʻaongaʻi ha fokotuʻutuʻu ʻoku mahinongofuá. Fokotuʻutuʻu hoʻo tohi aʻusia fakaako mo fakangāué ʻi ha fōtunga fakasitepu, ʻo fokotuʻutuʻu fakafaʻahinga tatau e fakamatalá koeʻuhí ke faingofua hono maʻu mo mahino ki he kau pule ngāué hoʻo tohí.
-
ʻOua naʻá ke fakaʻaongaʻi e ngaahi tohi aʻusia fakaako mo fakangāue kuo ʻosi faʻu atu ʻe he komipiutá (templates). ʻOku ʻikai lava ʻe he ngaahi polokalama fakakomipiuta ʻoku fakaʻaongaʻi ʻe he kau pule ngāué ke sikeni (scan) ʻaki e ngaahi tohi aʻusia fakaako mo fakangāué ʻo lau e ngaahi tohi kuo ʻosi faʻu ʻe he komipiutá (templates), ʻa ia ʻoku ui ko e application tracking system (ATS), pea ʻoku ʻikai faʻa ʻasi lelei e ngaahi tatau ʻosi fokotuʻutuʻu fakakomipiutá ʻo hangē ko e ngaahi tohi aʻusia fakaako mo fakangāue toki faʻu peé.
-
ʻOua naʻá ke fakaʻaongaʻi ha ngaahi fakamatala ngāue. Ko ha meʻa ia he kuohilí, pea mahalo te ke tō ai ʻi he ʻikai ke ke fakatatau ki he lolotongá.
-
Fakakau ha fakamatala nounou ʻoku felāveʻi mo e ngaahi fiemaʻu ʻa e pule ngāué. Fakaʻaongaʻi e konga 1/4 pe 1/3 ʻo e pēsí ke hiki ai ha fakamatala nounou ʻoku fakakau ai ha ʻuluʻi fakamatala, ko ha fakamatala nounou, mo ha ngaahi foʻi lea mahuʻinga.
-
Fakaʻaongaʻi ha ngaahi foʻi lea mahuʻinga mei he fakamatala ngāué. ʻOku maʻu ʻe he ngaahi lea mahuʻingá ʻa e tokanga ʻa e kau pule ngāué, pea ʻoku fakapolokalamaʻi ʻa e ATS ke ne kumi kinautolu.
-
Fakamatalaʻi hoʻo ngaahi lavameʻá ʻo fakaʻaongaʻi e tatau ʻo e tohi aʻusia fakaako mo fakangāue ʻo e ngaahi fakamatala tākiekina-mālohí. ʻOku totonu ke fakakau ʻi he ngaahi fakamatala tākiekina-mālohi ko ʻení ha ngaahi fakamatala fakaikiiki ʻo ha ngaahi fika, peseti, lahi ʻo e paʻangá, mo e ngaahi alā meʻa peheé.
-
ʻOange ha puipuituʻa. ʻI hono ʻoange ha fakafehoanaki pe kiʻi puipuituʻa ʻo ha tūkungá, ʻokú ke makehe ai koe mei ho kaungā kumi ngāué.
-
Fakakau hoʻo aʻusia fakaako kotoa pē, tatau ai pē kapau ʻokú ke lolotonga fakahoko ia. Fakapapauʻi ʻokú ke fakamatalaʻi ʻokú ke lolotonga fakahoko ia pe fakaʻasi ai ʻa e ʻaho fakaʻosi akó.
-
Tauhi ke maʻa hoʻo tohi aʻusia fakaako mo fakangāué. ʻAi e ngaahi ʻuluʻi fakamatalá mo e fokotuʻutuʻú ke tatau pea ke ʻataʻatā.
-
Fakapapauʻi ʻoku ʻikai ʻi ai ha ngaahi fehalaaki ʻi he sipelá pe kalamá. ʻE fakatooki vave koe ʻe he ngaahi fehalaaki ko ʻení.
-
Fakaʻaongaʻi ha ngaahi mataʻitohi angamaheni. Fakaʻaongaʻi maʻu pē ʻa e ngaahi mataʻitohi angamaheni serif pe san serif.
-
ʻOua naʻa toe siʻisiʻi ange e lalahi ʻo e mataʻitohí ʻi he 11-point font size. ʻE fie maʻu hoʻo tohi aʻusia fakaako mo fakangāué ki he faingofua taha ko ia ʻe lava ke lau ai ʻe he kau pule ngāué.
-
ʻAi ke peesi pē taha hoʻo tohi aʻusia fakaako mo fakangāué. Tauhi pē ke peesi ʻe taha kae ʻoua kuo aʻu hoʻo aʻusia fakapalōfesinale felāveʻi tonú ki ha taʻu ʻe 7.
-
Fakaʻaongaʻi ʻa e ʻuluʻi fakamatala tatau ki he kotoa ʻo hoʻo ngaahi tohi kumi ngāué. Ko e ʻuluʻi fakamatalá ko e konga ia ʻo e tohi aʻusia fakaako mo fakangāué ʻoku faʻa ʻasi ai ho hingoá mo e ngaahi fakamatala fetuʻutakí.
-
ʻOua naʻá ke fakakau ha ngaahi hingoa fetuʻutaki fakamoʻoni (references) ʻi hoʻo tohi aʻusia fakaako mo fakangāué. ʻOku ʻosi pehē pē ʻe he kau pule ngāué ʻoku ʻi ai ha kakai ke nau fakamoʻoni kiate koe, pea ka nau ka fie maʻu kinautolu, te nau kole atu ke ʻoange ia.
-
Liliu hoʻo tohi aʻusia fakaako mo fakangāué ki ha PDF. Kapau te ke ʻīmeili pe fakahū hoʻo tohi aʻusia fakaako mo fakangāué ʻi he ʻinitanetí, liliu ia ki ha tohi PDF. Kapau he ʻikai, ʻoku kiʻi fakatuʻutāmaki he ʻikai tatau e polokalama ʻoku fakaʻaongaʻi ʻe he pule ngāué mo ia naʻá ke fakaʻaongaʻí. ʻE malava ke liliu ai e founga fokotuʻutuʻu ʻo hoʻo tohí pea ʻikai lava ke lau ʻe he pulé hoʻo tohi aʻusia fakaako mo fakangāué.
-
Kumi ha tokoni fakakomipiuta. Kumi ha ngaahi maʻuʻanga tokoni ko ha kaungāmeʻa, fāmili, komiunitií, pe naunau ʻi he ʻinitanetí ke tokoni atu ke faʻu ha ngaahi tohi ʻoku matamata-leleí.
Ngaahi Tokoni ki he Tohi Tala Ngāué
-
Tohi ia ʻo fakataumuʻa ki he pisinisi, kautaha, pe ko e faingamālie ngāué.
-
Fakaʻaongaʻi ha ngaahi fakamatala tākiekina-mālohi ke tohoakiʻi ʻaki e tokanga ʻa e tokotaha laukongá mo ke ʻasi makehe ai. ʻI hoʻo ngaahi tohi tala ngāué, ngāue ʻaki ha ngaahi tohi faingofua mo fakahangatonu.
-
ʻAi ke nounou. Ko e angamahení, ʻoku ʻikai totonu ke toe lahi hake ʻi he foʻi palakalafi nounou ʻe tolú ʻa e tohi tala ngāué pea ʻoua naʻa laka hake he vaeuaʻi pēsí.
-
Kole ha ʻinitaviu.
-
Fakaʻaongaʻi ʻa e ʻuluʻi fakamatala tatau ki he kotoa ʻo hoʻo ngaahi tohi kumi ngāué. Ko e ʻuluʻi fakamatalá ko e konga ia ʻo e tohi aʻusia fakaako mo fakangāué ʻoku faʻa ʻasi ai ho hingoá mo e fakamatala fetuʻutakí.
Ngaahi Tokoni ki he Tohi Kole Ngāué
-
Tohi ia ki he ngāué.
-
Fakaʻaongaʻi ha ngaahi lavameʻa ke fakamatalaʻi ʻaki hoʻo pōtoʻi ngāué.
-
Fakafonu ke kakato mo tonu ʻa e fakamatalá.
-
Fakapapauʻi ʻoku ʻikai ʻi ai ha ngaahi fehalaaki fakasipela pe fakakalama.
-
Feinga ke ʻilo ʻa e ngaahi lea mahuʻingá pea fakaʻaongaʻi kinautolu ʻi hoʻo tohi kole ngāué.
Tohi Aʻusia Fakaako mo Fakangāue ʻi Hono Hokohokó
ʻOku lisi ʻi he tohi aʻusia fakaako mo fakangāué ʻa e hokohoko ʻa hoʻo aʻusia fakangāué ʻi ha founga fakahokohoko ʻo kamata ʻaki ʻa e ngāueʻanga fakamuimui tahá.
ʻOku fakaʻatā koe ʻe he foungá ni ke fakahaaʻi hoʻo hisitōlia ngāué kakato, kae mahalo he ʻikai ke ne fakahaaʻi e ʻuhinga ʻokú ke hoko ai ko e lelei taha ki he lakanga ʻokú ke kole ngāue ki aí.
Tohi Fakamatala Fakaako mo Fakangāué
ʻOku lisi ʻi he tohi fakamatala fakaako mo fakangāué hoʻo ngaahi taukei mo e pōtoʻi ngāue mahuʻingá. ʻOku fakaʻatā koe ʻe he foungá ni ke ke fakamahinoʻi ʻa e ʻuhinga ko koe ʻa e lelei taha ki he ngāue ʻokú ke tohi ki aí.
Tohi Aʻusia Fakaako mo Fakangāue Fakalūkufuá
ʻOku lisi ʻi he tohi aʻusia fakaako mo fakangāue fakalūkufuá hoʻo ngaahi taukeí, pōtoʻi ngāué mo e hisitōlia ngāué. ʻOku fakaʻatā koe ʻe he foungá ni ke ke fakamahinoʻi ʻa e ʻuhinga ko koe ʻa e lelei taha ki he foʻi ngāue ʻokú ke tohi ki aí mo ke fakakau foki ai ha fakahokohoko ʻo ho hisitōlia ngāué.
Peesi 2 ʻi he peesi hokó
Sīpinga 1 ʻo e Tohi Tala Ngāué
Sīpinga 2 ʻo e Tohi Tala Ngāué
Sīpinga 3 ʻo e Tohi Tala Ngāué
Liliu ha Meʻa ʻOku ʻIkai Lelei ke Lelei
|
Ngaahi Meʻa ʻe Ngali ʻIkai Leleí |
Mahalo ko e Meʻa ʻe Hohaʻa Moʻoni ki ai e Pule Ngāué ko e |
|---|---|
|
Fuʻu māʻolunga ʻa e tuʻunga fakaako mo fakangāué |
ʻAmanaki ki ha vāhenga māʻolunga Hiki vave ki ha lakanga lelei ange |
|
ʻIkai hokohoko lelei e hisitōlia ngāué |
Mahalo ʻe taʻefalalaʻanga He ʻikai nofo maʻu ʻi he ngāué |
|
ʻIkai ha aʻusia felāveʻi tonu |
Lava ke fuʻu mamafa ʻa e akoako ngāué pea fuoloa ʻIkai lava ʻo fakahoko e ngāué |
|
Tokotaha ngāue kei siʻi ange |
ʻIkai fakapotopoto feʻunga ʻIkai ha taukei |
|
Tokotaha ngāue motuʻa ange |
Taukei kuo ʻosi hono taimí Lava ke mavahe vave mei he ngāueʻangá |
|
Siʻisiʻi e pōtoʻi ngāué |
Tuʻunga malava ke akó Fakaangaanga ki ha ngāue ʻUlungaanga fakangāué |
|
Siʻi e tuʻunga pe fakamoʻoni fakaakó |
ʻIkai feʻunga ʻa e ʻilo ke fakahoko ʻaki e ngāué Mahalo ʻe fie maʻu ke akoʻi |
|
Ngaahi ngāue lahi ʻi ha vahaʻataimi nounou |
Lava ke mavahe vave mei he ngāueʻangá ʻIkai tukupā moʻoni |
|
Tuli pe tukuange mei he ngāueʻanga kimuʻá |
ʻIkai fengāueʻaki lelei mo e niʻihi kehé Kovi ʻa e ʻulungaanga fakangāué |
|
Fuoloa e taʻengāué |
Ngaahi taukei kuo ʻosi hono taimi Fakaangaanga ki ha ngāue Mahalo ʻe fie maʻu ke akoʻi |
|
Hisitōlia faihiá |
ʻIkai falalaʻanga |
Hoko atu ki he peesi hokó.
Ko ha sīpinga ʻeni ʻe niʻihi ʻo e ngaahi fehuʻi ʻinitaviú mahalo te ke fie liliu ai ha meʻa ʻoku ʻikai leleí ki ha lelei.
-
Ko e hā naʻá ke mavahe ai mei hoʻo ngāueʻanga motuʻá?
-
Ko e hā nai hoʻo tōnounou lahi taha ʻi he ngāueʻangá, pea ko e hā naʻá ke ako mei aí?
-
Ko e hā ho vaivaiʻanga lahi tahá?
-
Fakamatala angé fekauʻaki mo ha taimi naʻá ke taʻefemahinoʻaki ai mo hoʻo pule ngāué?
-
Fakamatala angé fekauʻaki mo ha taimi naʻá ke fengāueʻaki ai mo ha kasitomā pe kaungā-ngāue faingataʻa.
Alea Leleí
ʻOku fie maʻu ke ke tali ha ngaahi fehuʻi ʻiate koe pē kimuʻa peá ke toki fakahoko ha ngaahi alea fakangāué. Mahalo ʻe ʻaonga atu e lisi ko ʻení.
-
Ko e hā e tuʻunga vāhenga siʻisiʻi taha te ke lava ʻo talí?
-
Ko e hā e lahi ʻo e vahe ʻoku faʻa ʻoatu ʻe he kautahá ki hoʻo ngaahi taukeí?
-
Ko e hā e ngaahi lelei ʻi he ngāueʻangá (benefits) ʻoku mahuʻinga kiate koé?
-
Tokangaʻi ʻo e moʻui leleí
-
Maʻu vāhenga mālōloó
-
Mālōlō ko e puke
-
Mālōlō ʻo ʻeveʻeva
-
Ngaahi totongi makehé
-
-
Ko e hā hoʻo ongo ki he fefonongaʻakí?
-
Ko e hā hoʻo ongo ki he taimi-tēpile ngāué?
Tomuʻa fakakaukau ki ha ngaahi tafaʻaki ʻe ngali hoko ai ha palopalema peá ke lisi leva ha ngaahi founga ʻe lava ke veteki ʻaki e ngaahi palopalema ko iá.