Lipōtí—Taimi Lōloa Tahá: Miniti ʻe 25

Te ke toe fakahoko ʻa e Fakamāsilaʻi Hoʻo Ngaahi Taukeí ʻi he toenga ʻo hoʻomou ngaahi fakatahá.

Ngaahi Tukupā ʻo e Uike Kuo ʻOsí

1. Feinga ke ʻiloʻi fakaʻaho e ngaahi maʻuʻanga tokoní

2. Fai ha ngaahi fetuʻutaki fakaʻaho

3. Fetuʻutaki pea mo poupouʻi hoku hoa ngāué.

4. Akoako mo vahevahe ʻa e tefitoʻi moʻoni ki he ʻaho ní ʻi he Ko Hoku Fakavaʻé.

5. Akoako e ngaahi pōtoʻi kumi ngāué

Sitepu 1: Vakaiʻi Pē ʻe Kita ʻa Kita _{(miniti ʻe 5)}

Fakaʻaongaʻi e saati “Ko Hono Vakaiʻi ʻEku Ngaahi Ngāué” ʻi he peesi ii – iii ke vakaiʻi hoʻo ngaahi tukupā mei he fakataha fakaʻosi. ʻUluakí, hiki ʻa e fika totonu ʻo e ngaahi maʻuʻanga tokoni naʻá ke maʻú mo e ngaahi fetuʻutaki naʻá ke fakahokó. Hili iá peá ke fakafuofuaʻi leva hoʻo ngāue ke tauhi e tukupā takitaha ʻaki hono fakaʻilongaʻi kulokula, engeenga pe lanumata.

Sitepu 2: Vahevahe mo e Kulupú _{(miniti ʻe 10)}

Mou takitaha lipooti e tuʻunga hoʻomou ngaahi tukupaá ʻaki hono vahevahe hoʻomou ngaahi taumuʻá mo e ngaahi fika totonú ʻaki hono fakaʻilongaʻi “kulokula,” “engeenga,” pe “lanumata” hoʻomou ngāué. Vahevahe ʻa e meʻa naʻe ola leleí mo e founga naʻe tokoniʻi ai koe ʻe he Tamai Hēvaní.

Sitepu 3: Fili ʻo e Ngaahi Hoa Ngāué _{(miniti ʻe 2)}

Fili ha hoa ngāue mei he kulupú ki he uike ka hokó. Ko e ngaahi hoa ngāué ʻi he angamahení, ko ha ongo tangata pe ongo fafine mei he fāmili kehekehe.

Tuku ha kiʻi miniti siʻi he taimí ni ke ke fakafeʻiloaki ai koe ki ho hoa ngāué. Mo fefakafeʻiloakiʻaki mo aleaʻi e founga ke mo fetuʻutaki ai he lolotonga ʻo e uiké.

Uike #	Hingoa ʻo e Hoa Ngāué	Fakamatala Fetuʻutakí