Ngaahi Maʻuʻanga Tokoní

Ola Lelei ʻi Hono Tuʻo 16

Lau:Tau lau fekauʻaki mo e founga naʻe fakalakalaka ʻaupito ai e kumi ngāue ʻa ʻIsapelá ʻi he taimi naʻá ne kamata fakahoa ai ʻene ngaahi taukei ngāué ki he ngaahi fiemaʻu ʻa e pule ngāué.

“Kuo laka hake he māhina ʻe tahá ʻeku kumi ngāué. Naʻe ʻi ai ha fale ngāue ʻi hoku koló naʻá ku fie ngāue ai, pea naʻe faʻa ʻi ai haʻanau ngaahi lakanga naʻe ʻatā. Naʻá ku tuʻunga lelei ʻaupito ki he lakangá, peá u kamata tohi leva ki ai. Naʻe tuʻo 15 ʻeku kole ngāue ki he lakanga tatau mo e ʻikai pē ke nau fetuʻutaki mai ki ha ʻinitaviu. Ko hono moʻoní naʻá ku toutou ʻave pē e tohi aʻusia fakaako mo fakangāue tatau mo pehē ʻe kehe ʻa e olá. Pea naʻá ku ʻilo leva fekauʻaki mo e feinga ke ʻilo e ngaahi fiemaʻu ʻa e pule ngāué, pea naʻá ne liliu e meʻa kotoa pē.

“Naʻá ku vakai ki he fakamatala ngāué mo kumi e ngaahi taukei mo e pōtoʻi ngāue mahuʻingá. ʻI heʻeku toe vakai ki heʻeku tohi aʻusia fakaako mo fakangāué pea mo e tohi kumi ngāue naʻá ku toutou fakahuú, naʻe ʻikai haʻane meimei ofi ki he meʻa naʻe fie maʻu ʻe he pule ngāué. Tā neʻineʻi ke ʻikai ke nau toe tā mai. Naʻá ku fakapapauʻi leva ʻeku ngaahi taukei mo e pōtoʻi ngāue naʻe hoa mo e ngaahi fiemaʻu ʻa e pule ngāué peá u toe kole ngāue ko hono tuʻo 16 ia. Hili ha ʻaho ʻe ua mei ai peá u maʻu ha fetuʻutaki ki ha ʻinitaviu! Ne nau foaki mai ha ngāue maʻaku ʻi he ʻosi pē ʻa e ʻinitaviú, peá u kamata ngāue ʻi he uike tatau pē. Naʻe tupu ʻeku lavameʻá mei hono fakahoa ʻeku ngaahi taukeí ki he ngaahi fiemaʻu ʻa e pule ngāué.”

Foki ki he peesi 51.