Ngaahi Meʻa Ke Fili Mei Ai ki he Fakatahá

Neongo ko ha tukupā uike ʻe 12 ʻa e kalasi ko ʻení, ka ʻoku lava pē ke liliu e ngaahi fakatahá. ʻOku lahi ha ngaahi kulupu ʻoku nau fili ke fakahoko e vahe ʻe 10 ʻo e Kumi ha Ngāue Lelei Angé ʻi he ngaahi ʻuluaki uiké, koeʻuhí ke nau kamata ʻahiʻahi ngāue ʻaki leva e ngaahi taukei ko iá ʻi heʻenau kumi ngāué.

Hili pē hoʻo fakakakato e ngaahi vahe kotoa ʻi he Kumi ha Ngāue Lelei Angé hokohoko atu e fakatahá ʻo tuʻo taha pe lahi hake ʻi he uiké, ʻi he toenga ʻo e uike ʻe 12. Ko e ngaahi fakataha ko ʻení ʻoku meimei ke houa ʻe taha, pea te ke ngāue ʻaki e konga ko e “Fakamāsilaʻi Hoʻo Ngaahi Taukeí” ke lipooti hoʻomou ngaahi tukupaá, ako e konga ko e Ko Hoku Fakavaʻé, ʻahiʻahi ngāue ʻaki hoʻo ngaahi taukeí, pea fakahoko ha ngaahi tukupā fakauike.

Ko ha ngaahi fokotuʻu ʻeni ʻe niʻihi kuo pehē ʻe he ngaahi kulupu kehé ʻoku lelei. Te ke lava ʻo fakaʻaongaʻi e ngaahi fokotuʻu ko ʻení pe haʻu pē mo ha fokotuʻutuʻu pē ʻaʻau fekauʻaki mo e ngaahi meʻa ke fili mei ai ki he ngaahi fakatahá. ʻOku ʻi he peesi 17 e ngaahi sīpinga ʻasenitá.

Fili 1:Fakataha ʻi ha houa ʻe 8–9 ʻi he ʻuluaki fakatahá ke fakakakato kotoa e ngaahi vahé. Pea fakataha fakauike leva ʻi ha houa nai ʻe taha ʻi he uike ʻe 11 ʻoku toé.

Fili 2:Fakataha tuʻo ua ʻi ha houa ʻe 4–5 ʻi loto ʻi he fuofua uike ʻe uá ke fakakakato kotoa e ngaahi vahé. Pea fakataha fakauike leva ʻi ha houa nai ʻe taha ʻi he uike ʻe 10 ʻoku toé.

Fili 3:Fakataha tuʻo fā ʻi ha houa ʻe 2–3 ʻi he fuofua uike ʻe uá ke fakakakato kotoa e ngaahi vahé. Pea fakataha fakauike leva ʻi ha houa nai ʻe taha ʻi he uike ʻe 10 ʻoku toé.

Fili 4:Fakataha fakauike ʻi ha houa ʻe ua he uike takitaha, ʻo ngāue ki ha vahe ʻe taha he uike. ʻE fie maʻu ha uike ʻe 10 ke fakakakato kotoa ai e ngaahi vahé. Fakataha fakauike ʻi ha houa nai ʻe taha ʻi he uike ʻe ua ʻoku toé.