Akó—Taimi Lōloa Tahá: Miniti ʻe 45

Lau:ʻOku muimui ʻa e kumi ngāue ola leleí ʻi he kiʻi founga faingofua ko ʻení:

Ngāue ʻi he Tui + Ngāue Mālohi + Ngāue Fakapotopoto = Lavameʻa

Naʻá ke ako ʻi he ongo vahe ne toki ʻosí ha ngaahi taukei ke tokoni atu ke ke ngāue fakapotopoto. ʻI he vahe ko ʻení, te ke akoako fakahoko ai kinautolu.

1. ʻOku Maʻu ʻa e Haohaoá ʻi He Toutou Fakahoko Maʻu Peé

Lau:ʻOku Maʻu ʻa e Haohaoá ʻi He Toutou Fakahoko Maʻu Peé ʻE tokoni atu ia ke ke ongoʻi fiemālie ange mo mateuteu ʻi he taimi ʻokú ke ʻi ha ʻinitaviu ngāue moʻoni aí.

Ko e ngaahi taukei fakaʻinitaviu ʻeni kuó ke akó:

• Teuteu kimuʻa he ʻinitaviú.

• Kamataʻi lelei ʻa e ʻinitaviú.

• Fakaʻaongaʻi hoʻo Ko Au ʻi ha Sekoni ʻe 30.

• Liliu e ngaahi meʻa naʻe ʻikai lava leleí ke lava lelei.

• Fai ha ngaahi fehuʻi.

• Fakaʻosi lelei ʻa e ʻinitaviú.

Te tau fetongitongi leva hono fakahoko ha ʻinitaviu akoakó.

ʻOku ʻi ai ha fatongia ʻe tolu ʻi he ʻinitaviu akoako takitaha:

1. Ko e tokotaha kumi ngāué

2. Ko e fai ʻinitaviú

3. Ko e kulupu feedback

ʻI hoʻomou takitaha fakahoko hoʻomou ʻinitaviu akoakó, mou tomuʻa sio ʻi he foʻi vitiō ko ʻení ke sio he founga ke fakahoko ai ʻení. Lau leva mo muimui he ngaahi fakahinohino ʻo e ʻekitivitií.

Mamataʻi:“Practice Interview Example [Sīpinga ʻo e ʻInitaviu Akoakó],” maʻu ʻi he srs.lds.org/videos. (ʻIkai ha vitiō? Vakai, peesi 138.)

ʻEkitivitií _{(miniti ʻe 35)}

Mou lau fakakulupu ʻa e ngaahi sitepu kotoa pē kimuʻa pea kamata ʻa e ʻekitivitī ko ʻení.

Sitepu 1: Vahevahe ki ha ngaahi kulupu tautau toko tolu kae ʻikai toe tokolahi ange ʻi he toko onó.

Sitepu 2: Fokotuʻu ha sea ʻe ua ʻo fehangaaki ʻi muʻa ʻi hoʻomou kulupú.

Sitepu 3: Ki he ʻuluaki takaí, ʻoku fie maʻu ʻe he kulupu takitaha ha tokotaha tokoni ke hoko ko e tokotaha fai ʻinitaviu ʻuluakí mo ha taha ke hoko ko e tokotaha kumi ngāue ʻuluakí. ʻE nofo leva e toengá ʻi he kulupu feedback. Ko hai ʻe fie kamatá?

Sitepu 4: Lau e ngaahi fakahinohino ki ho fatongiá kimuʻa pea kamata ʻa e ʻinitaviu akoakó.

1. Tokotaha kumi ngāué, peesi 143.

2. Fai ʻInitaviú, peesi 144.

3. Kulupu feedback, peesi 145.

Sitepu 5: Fakahoko e ʻinitaviu akoakó. ʻOku totonu ke miniti ʻe ono ki he valu ʻa e ʻinitaviu takitaha, kau ai ʻa e feedback.

Sitepu 6: Fetongi e ngaahi tuʻungá pea toe fakahoko ʻa e ʻinitaviu akoakó kae ʻoua kuo maʻu ʻe he tokotaha kotoa ha faingamālie ke hoko ko ha tokotaha kumi ngāue.

Aleaʻi:

• Naʻe tokoni fēfē atu ʻa e akoakó ki hoʻo teuteu ʻinitaviú?

• ʻE lava fēfē ke hoko ʻa e akoako ki ha ʻinitaviú ko hano fakatātaaʻi ʻo e tuí?

Fakaʻosí

Mamataʻi:“Practice Makes Perfect [ʻOku Maʻu ʻa e Haohaoá ʻi He Toutou Fakahoko Maʻu Peé],” maʻu ʻi he srs.lds.org/videos. (ʻIkai ha vitiō? Vakai, peesi 146.)

Aleaʻi:Ko e hā e ngaahi meʻa mahuʻinga taha naʻá ke ako mei he vahe ko ʻení?

Lau:ʻOku tokoni atu ʻa e akoako ki he ngaahi ʻinitaviú ke fakalakalaka hoʻo ngaahi taukeí mo ke ngāue fakapotopoto.

Ngāue ʻi he Tui + Ngāue Mālohi + Ngāue Fakapotopoto = Lavameʻa

Te ke ʻilo ʻoku lelei hoʻo ʻinitaviú ʻi he taimi ʻokú ke maʻu ai ha ngaahi faingamālie ngāué. Kapau ʻokú ke toutou ʻinitaviu maʻu pē kae ʻikai maʻu ha faingamālie ngāue, fakatupulaki leva hoʻo ngaahi taukeí ʻaki ha toe lahi ange hoʻo akoakó, pea te ke sio leva ki ha ola lelei lahi ange. ʻE tāpuekina koe ʻe he Tamai Hēvaní ʻi hono fakahaaʻi hoʻo tuí ʻi hoʻo akoakó.