Ահարոնյան քահանայություն

Կրել ապաշխարության և մկրտության ավետարանի բանալիները՝ մեղքերի թողության համար

Հիսուս Քրիստոսի Վերջին Օրերի Սրբերի Եկեղեցում Աստծո հետևորդները օգնում են իրագործել փրկության և վեհացման Նրա աշխատանքը: Քահանայությունը՝ Աստծո հավերժական զորությունն ու իշխանությունը, վերականգնվել է Երկրի վրա՝ օգնելու Աստծո զավակներին վերադառնալ Իր մոտ՝ Նրա հետ սուրբ ուխտեր կապելու և պահելու միջոցով:

Քահանայությունը կազմված է երկու մասից, որոնցից յուրաքանչյուրը պատասխանատու է ավետարանական կյանքի կարևոր ոլորտների համար: Ահարոնյան քահանայությունը «նախապատրաստական» կամ «փոքրագույն» քահանայությունն է: Ահարոնյան քահանայությունը կրում է հրեշտակների սպասավորության, ապաշխարության ավետարանի և մեղքերի թողության համար ընկղմումով մկրտության բանալիները (տես Վարդապետություն և Ուխտեր 13․1): Ահարոնյան քահանայություն կրողները պատրաստում, օրհնում և սպասավորում են հաղորդության հացն ու ջուրը: Նրանք նաև սպասավորում են Եկեղեցու նյութական գործերը, օրինակ՝ անդամներին հետևելը և ծոմապահության նվիրատվությունները հավաքելը։

Ի՞նչ է Ահարոնյան քահանայությունը։

Քահանայությունը Աստծո հավիտենական զորությունն ու իշխանությունն է: Քահանայություն կրողները օգնում են Աստծուն իրականացնել Իր զավակների փրկությունն ու վեհացումը սուրբ ուխտերի և արարողությունների միջոցով: Ահարոնյան քահանայությունը ավելի բարձր՝ Մելքիսեդեկյան քահանայության հավելումն է (տես Վարդապետություն և Ուխտեր 107․1, 6, 13-14)։ Այսօր Եկեղեցում արական սեռի արժանավոր անդամները կարող են ստանալ Ահարոնյան Քահանայություն՝ սկսած այն տարվա հունվարից, երբ կդառնան 12 տարեկան: Ահարոնյան Քահանայության պաշտոններն են՝ սարկավագ, ուսուցիչ, քահանա և եպիսկոպոս:

Թեմայի ակնարկ․ Ահարոնյան քահանայություն

Ավետարանի ուսումնասիրության առնչվող ուղեցույցներ․ Քաhանայության Վերականգնում, Մելքիսեդեկյան քահանայություն, Քաhանայության բանալիներ

Բաժին 1

Հովհաննես Մկրտիչը Ջոզեֆ Սմիթին և Օլիվեր Քաուդերիին շնորհեց Ահարոնյան Քահանայությունը՝ վերականգնելով այն:

Նկար

Հովհաննես Մկրտիչն Ահարոնյան քահանայություն է շնորհում Ջոզեֆ Սմիթին։

Ադամից մինչև Մովսեսը մարգարեները կրել են Մելքիսեդեկյան Քահանայություն: Սակայն Մովսեսի ծառայության ժամանակ Իսրայելցիները մերժեցին Եհովային օրհնությունները և այս ավելի բարձր քահանայությունը վերցվեց սովորական մարդկանցից։ Մարգարեները շարունակում էին կրել Մելքիսեդեկյան Քահանայություն: Ղևի ցեղի արական սեռի անդամները, այդ թվում Ահարոնի սերունդները, կրում էին Ահարոնյան քահանայություն։ (Տես Վարդապետություն և Ուխտեր 84․23-27։)

Ահարոնի սերնդից և առաջնեկ լինելով Հովհաննես Մկրտիչը կրում էր Ահարոնյան քահանայություն (տես Վարդապետություն և Ուխտեր 68․19-18, 84․26-27)։ Հիսուսի և Նրա Առաքյալների մահից հետո մարդիկ կամայական փոփոխություններ կատարեցին քահանայության արարողություններում և Եկեղեցում։ Այդ ուրացության հետևանքով Ահարոնյան քահանայությունը՝ ավելի բարձր քահանայության հետ միասին, որոնք շնորհվել էին Պետրոսին, Հակոբոսին և Հովհաննեսին և Քրիստոսի մյուս աշակերտներին (Ղուկաս 9․1-2), վերցվեցին Երկրից։ 1829 թվականին հարություն առած Հովհաննես Մկրտիչը հայտնվեց Ջոզեֆ Սմիթին և Օլիվեր Քաուդերիին և շնորհեց նրանց Ահարոնյան քահանայությունը՝ կրկին Երկրի վրա վերականգնելով այդ իշխանությունը (տես Վարդապետություն և Ուխտեր 13․1, 27․7–8, Ջոզեֆ Սմիթ-Պատմություն 1․68-72)։

Մտորելու հարցեր

Հովհաննես Մկրտչի կյանքն ու ծառայությունը այսօր կարող են ոգեշնչման աղբյուր լինել Ահարոնյան քահանայություն կրողների համար: Կարդացեք Մատթեոս 11․7-13 հատվածները (այդ թվում՝ Ջոզեֆ Սմիթի թարգմանություն, հատված 13, ա), Ղուկաս 7․24-30 և Հովհաննես 5․32-35։ Այս հատվածներից ի՞նչ եք սովորում Հովհաննես Մկրտչի վերաբերյալ Փրկչի զգացմունքների մասին։ Ձեր կարծիքով, ինչո՞ւ է Հիսուսը Հովհաննեսին նկարագրում այդ ձևով։ Ինչպե՞ս կարող են Հիսուս Քրիստոսի աշակերտները այսօր հետևել Հովհաննես Մկրտչի օրինակին։
Ահարոնյան քահանայությունը՝ Աստծո պարգև վերնագրով իր ուղերձում Նախագահ Գորդոն Բ. Հինքլին ուսուցանում է․ “[Սարկավագների, ուսուցիչների և քահանաների] պարտականությունն է՝ հսկել Եկեղեցին, որ չլինի անօրինություն, և հրավիրել բոլորին գալ Քրիստոսի մոտ»։ Այսօր Եկեղեցում Ահարոնյան քահանայություն կրոներից շատերը երիտասարդ տղամարդիկ են: Ինչպե՞ս կարող են այդ երիտասարդ տղամարդիկ իմաստալից կերպով կատարել իրենց պարտականությունները ծխերում և ճյուղերում։

Սովորեք միասին

Ահարոնյան քահանայության վերականգնման մասին Օլիվեր Քաուդերիի պատմությունը օգնում է մեզ հասկանալ այդ օրերին տեղի ունեցածի միջավայրը և մանրամասները։ Կարդացեք այդ պատմությունը Ջոզեֆ Սմիթ - Պատմության վերջում։ Հրավիրեք խմբի անդամներին պատմել, թե որ պահերը հատկապես մեծ նշանակություն ունեն իրենց համար։ Հրավիրեք խմբի անդամներին պատկերացնել, թե ինչ կզգային, եթե այդ օրը լինեին Ջոզեֆի և Օլիվերի հետ։ Ձեր կարծիքով, ինչո՞ւ էր այդ իրադարձությունը կարևոր ավետարանի վերականգնման համար։

Լրացուցիչ աղբյուրներ

Ելից 28․1–4, Ղևտացոց 8․1-13, Վարդապետություն և Ուխտեր 84․18
Թոմաս Ս․ Մոնսոն, «Քահանայություն՝ սրբազան պարգև», Լիահոնա, մայիս 2015, 88-90:
The Restoration of the Priesthood Authority and Organization (video), Gospel Library
Սրբեր. Հիսուս Քրիստոսի Եկեղեցու պատմությունը վերջին օրերում, հ. 1, Ճշմարտության դրոշը, 1815–1846 (2018), 65–75
Եկեղեցու նախագահների ուսմունքները․ Ջոզեֆ Սմիթ (2011), 79-87

Բաժին 2

Ահարոնյան քահանայությունը ապահովում է հիմնական բանալիները և ծառայությունը

Նկար

երիտասարդ տղամարդիկ խոսում են կնոջ հետ

Ահարոնյան քահանայությունը երբեմն հայտնի է որպես ավելի ցածր քահանայություն և սուրբ գրություններում կոչվում են Մելքիսեդեկյան քահանայության հավելում (Վարդապետություն և Ուխտեր 107․14)։ Բայց Ահարոնյան քահանայությունն ունի էական զորություն և իշխանություն՝ ապահովելու սուրբ ուխտեր և արարողություններ, որոնք անհրաժեշտ են փրկության և վեհացման համար:

Ահարոնյան քահանայությունը ընդգրկում է հրեշտակների սպասավորության, ապաշխարության ավետարանի և մեղքերի թողության համար ընկղմամբ մկրտության բանալիները (տես Վարդապետություն և Ուխտեր 13․1, 107.20):

Մտորելու հարցեր

Հովհաննես Մկրտիչը աշխարհի համար պատրաստեց ճանապարհը՝ դիմավորելու Հիսուս Քրիստոսին: Նա ուսուցանեց ապաշխարության ավետարանը և մեղքերի թողության համար ընկղմումով մկրտության մասին, անգամ մկրտեց Փրկչին (տես Մարկոս 1․1-11, Հովհաննես 1․15-34)։ Ձեր կարծիքով, ինչո՞ւ են այս սկզբունքներն ու արարողությունները նախապատրաստում Քրիստոսի գալուստը: Ինչպե՞ս են ապաշխարությունը և մկրտությունը պատրաստում Քրիստոսի աշակերտներին այսօր ստանալ տաճարային արարողությունները և կապել ու պահել համապատասխան ուխտերը:
Ահարոնյան քահանայություն կրողների հետ խոսելով Վարդապետություն և Ուխտեր 13 բաժնի մասին, Նախագահ Գորդոն Բ. Հինքլին հորդորել է․ «բացել Վարդապետություն և Ուխտերը … և կարդալ այդ խոսքերն ու հիշել դրանք։ Դրանք քահանայության կանոնադրությունն են։ … Դրանք վկայում են այն մասին, որ քաhանայությունը գործում է և իրական է ամեն առումով»։ Ինչպե՞ս կարող է Վարդապետություն և Ուխտեր 13 բաժինն օգնել երիտասարդ քահանայություն կրողներին ճիշտ կենտրոնացում ունենալ և գործել։ Ահարոնյան քահանայության մասին այս ճշմարտությունների ըմբռնումն ինչպե՞ս կարող է օգնել Եկեղեցու բոլոր անդամներին հասկանալ արարողությունների արժեքը, ինչպիսիք են՝ մկրտությունը, ամեն շաբաթ հաղորդության ընդունումը և դրանց հետ կապված ուխտերը:

Սովորեք միասին

Հիսուս Քրիստոսի Վերջին Օրերի Սրբերի Եկեղեցու բոլոր անդամների համար կարևոր է հասկանալ Ահարոնյան քահանայության պարտականություններն ու օրհնությունները, սակայն Եկեղեցու շատ անդամներ չեն գիտակցում, թե որքան կարևոր են Ահարոնյան քահանայության արարողություններն ու պարտականությունները: Ձեր խումբը կարող է սովորել Ահարոնյան քահանայության իրավունքների և պարտականությունների մասին՝ ուսումնասիրելով հետևյալ աղբյուրները՝ անհատապես կամ փոքր խմբերով.
- Ահարոնյան քահանայություն․ Ընդհանուր ձեռնարկ․ Ծառայել Հիսուս Քրիստոսի Վերջին Օրերի Սրբերի Եկեղեցում, գլուխ 10, Ավետարանի գրադարան, Վարդապետություն և Ուխտեր 107․85-88։
- Հրեշտակների սպասավորության բանալիները․ Վարդապետություն և Ուխտեր 13․1, 84․26, 107․20
- Նախապատրաստական ավետարան․ Վարդապետություն և Ուխտեր 13․1, 84․26-27, 107․20
- Արտաքին արարողություններ սպասավորելու իշխանություն․ Վարդապետություն և Ուխտեր 84․26-27, 107․20, Bible Dictionary, Aaronic Priesthood։

Երբ խմբի անդամները կարդան վերը նշված հղումները, հրավիրեք նրանց կիսվել խմբի մնացած անդամների հետ իրենց սովորածով:

Լրացուցիչ աղբյուրներ

Մատթեոս 3, Ղուկաս 3.1-22։
Դալլին Հ. Օուքս, «The Aaronic Priesthood and the Sacrament», Ensign, նոյեմբեր, 1998 թ․, 37-40
Դեյլ Գ. Ռենլանդ, Քահանայությունը և Փրկչի քավող զոհաբերությունը, Լիահոնա, նոյեմբեր 2017, 64–67
“Keys of the Aaronic Priesthood” (video), ChurchofJesusChrist.org

Բաժին 3

Ահարոնյան Քահանայությունը նախապատրաստական քահանայություն է

Նկար

պատանիները դասարանում

Սերունդներ շարունակ Ահարոնյան քահանայությունը պատրաստում էր Իսրայելի զավակներին Հիսուս Քրիստոսի կողմից ի վերջո տրված ավելի բարձր օրենքին: Հովհաննես Մկրտչի առաքելությունն էր պատրաստել աշխարհը Քրիստոսի գալուստին: Այդ պատճառով Ահարոնյան քահանայությունը հայտնի դարձավ որպես «նախապատրաստական քահանայություն»: Սուրբ գրությունները նաև ուսուցանում են, որ Ահարոնյան Քահանայությունը կրում է նախապատրաստական ավետարանի բանալիները, որը ներառում է ապաշխարությունը և մեղքերի թողության համար մկրտությունը (տես Վարդապետություն և Ուխտեր 84․26-27)։

Այսօր Ահարոնյան քահանայության կրողները օգնում են աշխարհին նախապատրաստել Հիսուս Քրիստոսի Երկրորդ Գալուստին: Նրանք օգնում են մարդկանց պատրաստվել Տիրոջ տանը ուխտեր կապելուն և դրանք պահելուն և արարողություններ ստանալուն՝ մեղքերից ապաշխարելու և մկրտվելու միջոցով: Եվ Ահարոնյան քահանայություն կրելը պատրաստում է Հիսուս Քրիստոսի հետևորդներին կյանքի ընթացքում Մելքիսեդեկյան քահանայությունում ծառայությանը:

Մտորելու հարցեր

Ահարոնյան քահանայության քվորումի թեման կարող է օգնել յուրաքանչյուր երիտասարդի հասկանալ իր աստվածային ինքնությունը և իր նպատակը՝ որպես քահանայություն կրող: Կարդացեք թեմայի մասին Ընդհանուր ձեռնարկի 10.1.2 բաժնում։ Ձեր կարծիքով, ինչպե՞ս է այս թեման ոգեշնչում երիտասարդ տղամարդկանց կատարել արդար ընտրություններ: Ահարոնյան քահանայության քվորումի թեմայի ո՞ր ուղղությունները կարող եք ավելի լավ ներառել ձեր սեփական աշակերտության մեջ:
Ահարոնյան քահանայության միջոցով ստացված արարողություններն ու ուխտերը նախապատրաստում են մեզ այն արարողություններին և ուխտերին, որոնք կապված են Մելքիսեդեկյան քահանայության հետ: Ապաշխարությունը, մեղքերի թողության համար ընկղմումով մկրտությունը, հաղորդությունը և ուխտերով ապրելը ինչպե՞ս կարող են պատրաստել ձեզ կապելու և պահելու ուխտերը և ստանալու Տիրոջ տան արարողությունները:

Սովորեք միասին

Ահարոնյան քահանայությունը որպես ամբողջություն Հիսուս Քրիստոսի Վերջին Օրերի Սրբերի Եկեղեցու էական մասն է, բայց այն նաև օրհնում է առանձին քահանայություն կրողներին: Դիտեք Let Every Man Learn His Duty: Aaronic Priesthood տեսանյութը (3:34)։ Ձեր կարծիքով, քահանայություն կրելը ինչպե՞ս է ազդում այդ երիտասարդ տղամարդկանց որոշումների վրա: Երբ ձեր խումբը լսում է տարբեր երիտասարդների, որոնք պատմում են, թե ինչ նշանակություն ունեն իրենց համար քահանայության զորությունն ու իշխանությունը, հրավիրեք խմբի անդամներին կիսվել իրենց տպավորություններով և մտքերով։

Լրացուցիչ աղբյուրներ

Հենրի Բ․ Այրինգ, Նախապատրաստական քահանայություն, Լիահոնա, նոյ 2014, 59–62։
Գարի Ի. Ստիվենսոն, «Քահանայության ձեր աշխատանքային գծատետրը», Լիահոնա, մայիս 2019, 47–50
“Aaronic Priesthood Shining Forth” (video), Gospel Library
Եկեղեցու Նախագահների ուսմունքները. Հարոլդ Բ. Լի [2011], 89-98