Աղոթք

Աղոթքը սրտաբուխ հաղորդակցում է Երկնային Հոր հետ

Հիշեք ձեր կյանքի այն պահերը, երբ աստվածային օգնության և ուղղորդման կարիք եք ունեցել: Միգուցե ինչ-որ բան եք կորցրել, կարևոր հարց եք ունեցել կամ շտապ օգնության կարիք եք զգացել: Երբեմն, գուցե, պարզապես ուժի կամ քաջություն կարիք եք ունեցել առաջ գնալու համար: Աղոթքը Աստծուն անկեղծորեն դիմելու և Նրա հետ ձեր զգացմունքները, մտքերը և կարիքները կիսելու գործողություն է: Աղոթքի հրաշքն այն է, որ երբ դուք դիմում եք Երկնային Հորը, Նա լսում է ձեզ (տես Երեմիա 29․12-13)։ Անկախ նրանից, թե ով եք դուք, անկախ ձեր սխալներից կամ անկատարությունից, Երկնային Հայրը ցանկանում է, որ դուք հաղորդակցվեք Իր հետ աղոթքի միջոցով: Աստծո կատարյալ սերը երաշխավորում է, որ դուք ասեք Իրեն ամեն ինչ, և Նա կլսի:

Ի՞նչ է աղոթքը

Աղոթքը անկեղծ սրտաբուխ հաղորդակցում է Երկնային Հոր հետ։ Դա ամենամեծ օրհնություններից մեկն է, որ Աստված տալիս է Իր զավակներին՝ ամեն օր Իր երկնային առաջնորդությունից օգտվելու համար: Հիսուսն ուսուցանել է. «Դուք պետք է միշտ աղոթեք Հորը իմ անունով» (3 Նեփի 18.19)։

Թեմայի ակնարկ․ Աղոթք

Ավետարանի ուսումնասիրության ուղեցույցներ․ Հայր Աստվածը, Երկրպագել Հայր Աստծուն, Անձնական հայտնություն, Ծոմապահություն , Ապրել Հիսուս Քրիստոսի ավետարանով

Բաժին 1

Աստված Իր զավակներին հրավիրում է միշտ աղոթել

Հիսուսն Քրիստոսն ուսուցանում էր Իր հետևորդներին աղոթել Հայր Աստծուն (տես Մատթեոս 6.5-13, 3 Նեփի 17.11-20): Երկնային Հայրը պատվիրում է մեզ «միշտ աղոթել» (Վարդապետություն և Ուխտեր 19․38), որովհետև Նա սիրում է մեզ և ուզում է օրհնել մեզ։ Նա ցանկանում է, որ մենք Իրեն դիմելու ամենօրյա աղոթքի ձև հաստատենք։ Նա նաև ցանկանում է, որ մենք շարունակենք մեր սրտում աղոթել օրվա ընթացքում (տես Մոսիա 24․11-12, 3 Նեփի 20․1)։ Երբ մենք աղոթում ենք Երկնային Հորը Հիսուս Քրիստոսի անունով (տես 3 Նեփի 18․19, 19․6), մենք ցույց ենք տալիս մեր հավատքը մեր Փրկչի հանդեպ և Նրան հետևելու մեր պատրաստակամությունը։ Հետևաբար, մենք ակնածանքով արտաբերում ենք Տիրոջ անունը, երբ ավարտում ենք աղոթքը, ասելով «Հիսուս Քրիստոսի անունով, ամեն»:

Քանի որ աղոթքով մենք դիմում ենք Հայր Աստծուն, մենք աշխատում ենք օգտագործել բառեր, որոնք անկեղծությոն և ակնածանք են արտահայտում։ Նախագահ Դալլին Հ. Օուքսը բացատրել է․ «Մարգարե Ջոզեֆ Սմիթն ասել է. «Հրաշալի բան է խնդրել Աստծուց կամ մտնել Նրա ներկայությունը»: … Աղոթքի հատուկ լեզուն մեզ հիշեցնում է այդ արտոնության մեծության մասին»։ Աղոթքի սրբությունը նկատի ունենալով՝ մենք պետք է օգտագործենք «սուրբ գրությունների դերանունները, երբ դիմում ենք Աստծուն՝ Քեզ, Դու, Քո և Քո, այլ ոչ թե ավելի տարածված դերանունները՝ դու, քո և քոնը»:

Մտորելու հարցեր

Տերն ասել է Ջոզեֆ Սմիթին․ «Միշտ աղոթիր, որ կարողանաս հաղթող դուրս գալ. այո, որ կարողանաս հաղթել Սատանային, և որ կարողանաս խույս տալ Սատանայի ծառաների ձեռքից, որոնք նեցուկ են նրա գործին» (ՎևՈւ 10.5): Ի՞նչ է նշանակում՝ «միշտ աղոթեք»: Որո՞նք են այն պատճառները, որ թույլ չեն տալիս մեզ երբեմն մեր հարցերով դիմել Երկնային Հորը:

Սովորեք միասին

Սուրբ գրությունները աղոթքի բազմաթիվ օրինակներ են պարունակում։ Միասին կարդացեք 2 Նեփի 4․30-35 և Ալմա 34․17-27 և գտեք, թե մենք ինչպես պետք է աղոթենք և ինչի համար պետք է աղոթենք։ Ինչպե՞ս կարող է այս հատվածներում տրված աղոթքի ձևը ազդել մեր աղոթելու ձևի վրա։

Լրացուցիչ աղբյուրներ

Առակաց 55․17, Մատթեոս 7․7-11, 2 Նեփի 32․8-9, Ալմա 37․36-37, 3 Նեփի 18․15, 18-19, Վարդապետություն և Ուխտեր 19.28:
Մ․ Ռասսել Բալլարդ, «Արդ ուշադիր եղեք և միշտ աղոթեք», Լիահոնա, նոյ. 2020, 77-79:
Դեյվիդ Ա․ Բեդնար, Միշտ աղոթեք, Լիահոնա, նոյ. 2008, 41-44։

Բաժին 2

Անկեղծ աղոթքը Ձեզ ավելի կմոտեցնի Երկնային Հորը և Հիսուս Քրիստոսին

Երբեմն, երբ աղոթում ենք, մենք նորից ու նորից օգտագործում ենք նույն բառերը կամ արտահայտությունները: Պատկերացնու՞մ եք, որ օգտագործեք սովորական կամ անիմաստ լեզու ամեն անգամ, երբ հանդիպում եք ընկերների կամ ընտանիքի անդամների հետ: Այլ մարդկանց հետ անկեղծորեն շփվելու մեր ջանքերը պետք է հիշեցնեն մեզ, թե ինչպես խոսել Երկնային Հոր հետ աղոթքի միջոցով: Աստված ուզում է, որ մեր աղոթքները անկեղծ լինեն։ Մորմոնի Գրքում Ենովս մարգարեն դուրս «թափեց [իր] ողջ հոգին աղոթքով առ Աստված»՝ օրհնություններ փնտրելիս (Ենովս 1․9)։ Նմանապես, մենք դիմում ենք Աստծուն, երբ հատուկ օրհնություններ ենք ցանկանում մեր և ուրիշների համար։

Որպես երկրպագության եղանակ՝ աղոթքը կարող է մեզ մոտեցնել Երկնային Հորը (տես Վարդապետություն և Ուխտեր 88․62-64)։ Երբ անկեղծ աղոթքին միացվում է ծոմը, մենք կարողանում ենք ստանալ հայտնության ոգին, և մեր սրտերը կարողանում են մաքրվել և սրբագործվել (տես Ալմա 17․3, Հելաման 3․35)։

Մտորելու հարցեր

Պողոս Առաքյալը Սրբերին ուսուցանում էր «անդադար աղոթել» և «ամեն բանի մէջ գոհանալ» (Ա Թեսաղոնիկեցիս 5․17-18)։ Ձեր կարծիքով, ի՞նչ է նշանակում անդադար աղոթել: Ինչո՞ւ է երախտագիտություն արտահայտելը աղոթքի կարևոր մասը հանդիսանում: Ի՞նչ կարող եք անել, որպեսզի անկեղծ աղոթքը դառնա Երկնային Հորը մոտենալու ջանքերի ավելի մեծ մասը։
Երկնային Հայրը լսում է յուրաքանչյուր անկեղծ աղոթք և պատասխանում է։ Կան լուռ աղոթքներ և բարձրաձայն ասվող աղոթքներ։ Կարդացեք բարձաձայն ասվող աղոթքի հետևյալ օրինակները․ Մատթեոս 26․39-44, Հովհաննես 17․1, 2 Նեփի 4․24, Ենովս 1․4, Ջոզեֆ Սմիթ-Պատմություն 1.14։ Ինչպիսի՞ փորձառություն ունեք բարձրաձայն աղոթք ասելու հետ կապված: Ի՞նչ օգուտ եք ստացել բարձաձայն աղոթելուց։

Սովորեք միասին

Կարդացեք կամ դիտեք The Soul’s Sincere Desire, քույր Քերոլ Ֆ. Մակքոնկի։ Իր այս ուղերձում քույր Մակքոնկին ասում է․ «Մենք հավատքով աղոթում ենք, հավատքով լսում և հնազանդվում, որպեսզի կարողանանք սովորել լինել մեկ Հոր և Որդու հետ»: Քննարկեք, թե յուրաքանչյուրն ինչ սովորեց այդ ուղերձից։ Ինչպե՞ս կարող է աղոթքը համարվել Երկնային Հոր հետ անցկացվող ժամանակ:

Լրացուցիչ աղբյուրներ

Հովհաննես 14․13-14, Հակոբոս 5․16, 2 Նեփի 4․34-35։
Ռասսել Մ․ Նելսոն, Խնդրեք, փնտրեք, թակեք, Լիահոնա նոյ. 2009, 81-84։
Դեյվիդ Ա․ Բեդնար, Խնդրեք հավատքով, Լիահոնա, մայիս 2008, 94-97:
Neil L. Andersen, “I Hear Him through Sincere Prayer and Reflection,” Inspiration (blog), Dec. 27, 2021, ChurchofJesusChrist.org

Բաժին 3

Երկնային Հայրը լսում է ձեր աղոթքները և պատասխանում

Երբևէ մտածե՞լ եք՝ արդյոք Աստված լսում է ձեր աղոթքները։ Երկնային Հայրը միշտ լսում է մեր անկեղծ աղոթքները և պատասխանում դրանց․ «Խնդրեք եւ կտրուի ձեզ. որոնեցէք եւ կգտնէք, դուռը թակեցէք եւ կբացուի ձեզ» (Մատթեոս 7.7): Բայց Տերը պատասխանում է մեր աղոթքներին համաձայն Իր կամքի և ժամանակի (տես Մոսիա 7.33, Վարդապետություն և Ուխտեր 64․31-32)։

«Աղոթքը մի գործողություն է, երբ Հոր կամքը համընկնում է զավակի կամքի հետ։ Աղոթքի նպատակը ոչ թե Աստծո կամքը փոխելն է, այլ ապահովելը մեր և ուրիշների օրհնությունները, որոնք Աստված կամենում է շնորհել, բայց որոնք մենք պետք է խնդրենք, որպեսզի ստանանք»:

Մտորելու հարցեր

Որո՞նք են ձեր սրտի մեծագույն ցանկությունները։ Ինչպե՞ս կարող են փոխվել ձեր ցանկություններն ու աղոթքները, եթե ձգտեք համապատասխանեցնել ձեր կամքը Աստծո կամքին։
Երկնային Հայրը հաճախ պատասխանում է մեր աղոթքներին Սուրբ Հոգու միջոցով: Երբեմն մենք ստանում ենք մեր աղոթքների պատասխանները, երբ կարդում և ուսումնասիրում ենք սուրբ գրությունները: Աստված նաև օգնություն և պատասխաններ է տալիս այլ մարդկանց միջոցով։ Կարդացեք սուրբգրային հետևյալ հատվածները, դիտարկելու որոշ ուղիներ, որոնց միջոցով Աստծո հաղորդակցությունը կարող է ձեզ հասնել Սուրբ Հոգու միջոցով. Գ Թագավորաց 19․12, Վարդապետություն և Ուխտեր 8․2-3, 11․11-14։ Ե՞րբ եք զգացել, որ Աստված լսում է ձեր աղոթքները։

Սովորեք միասին

Խմբի անդամներով թվարկեք, թե ինչպես կարող ենք օգտագործել տեխնոլոգիաները ուրիշների հետ հաղորդակցվելու համար: Քննարկեք հետևյալ հարցը․ «Ինչո՞ւ ենք մենք երբեմն դժվար համարում մեր Երկնային Հոր հետ արդյունավետ հաղորդակցությունը»։ Միասին կարդացեք 3 Նեփի 14.7-11: Ի՞նչ Էր ուսուցանում Հիսուս Քրիստոսը մեր աղոթքներին պատասխանելու Երկնային Հոր պատրաստակամության մասին։

Լրացուցիչ աղբյուրներ

Վարդապետություն և Ուխտեր 88․63-65, 112․10
Thomas S. Monson, “Come unto Him in Prayer and Faith,” Ensign, Mar. 2009, 5-9
Prayer (video), Gospel Library
Ռիչարդ Գ. Սքոթ, Սովորենք հասկանալ աղոթքների պատասխանները, Ensign, նոյ․ 1989, 30-32։
Ջեյմս Բ․ Մարտինո, «Դիմեք Նրան և պատասխանները կգան», Լիահոնա, նոյ․ 2015, 58-60։
Are You Really There? (video), Gospel Library