Աղոթք

Ակնածալից հաղորդակցություն Աստծո հետ, որի ընթացքում մարդ շնորհակալություն է հայտնում և օրհնություններ է խնդրում: Աղոթքներն ուղղվում են Երկնային Հորը՝ Հիսուս Քրիստոսի անունով: Աղոթքները կարող են ասվել կա՛մ բարձրաձայն, կա՛մ լուռ: Մարդու մտքերը նույնպես կարող են աղոթք լինել, եթե ուղղված են Աստծուն: Արդարների երգը կարող է աղոթք լինել Աստծուն (ՎևՈՒ 25.12):

Աղոթքի նպատակը ոչ թե Աստծո կամքը փոխելն է, այլ ապահով դարձնելը մեր և ուրիշների օրհնությունները, որոնք Աստված կամենում է շնորհել, բայց որոնք մենք պետք է խնդրենք, որ ստանանք:

Մենք աղոթում ենք Հորը՝ Քրիստոսի անունով (Հովհ. ԺԴ.13–14; ԺԶ.23–24): Մենք իրոք կարողանում ենք աղոթել Քրիստոսի անունով, երբ մեր ցանկությունները Քրիստոսի ցանկություններն են (Հովհ. ԺԵ.7; ՎևՈՒ 46.30): Ապա մենք խնդրում ենք այն բաները, որոնք ճշմարիտ են, և այդպիսով, հնարավոր է, որ Աստված շնորհի (3 Նեփի 18.20): Որոշ աղոթքներ անպատասխան են մնում, որովհետև ոչ մի կերպ Քրիստոսի ցանկությունը չեն արտահայտում, այլ մարդու եսասիրության արդյունքն են (Հակ. Դ.3; ՎևՈՒ 46.9): Իսկապես, եթե մենք անարդար բաներ ենք խնդրում Աստծուց, այն դատապարտություն կդառնա մեզ համար (ՎևՈՒ 88.65):

Այն ժամանակ սկսեցին կանչել Տիրոջ անունը, Ծն. Դ.26.
Զոհասեղանի տեղն Աբրահամը կանչեց Տիրոջ անունը, Ծն. ԺԳ.4.
Աբրահամի ծառան աղոթեց, որ Իսահակի համար կին գտնելիս օգնություն ստանա, Ծն. ԻԴ.10–19.
Աստված արգելի, որ ես մեղք չգործեմ Տիրոջ դեմ և չդադարեմ ձեզ համար աղոթելը, Ա Թագ. ԺԲ.23.
Տերը լսում է արդարների աղոթքը, Առակ. ԺԵ.29.
Դուք ինձ կգտնեք, եթե ձեր ողջ սրտով որոնեք ինձ, Երեմ. ԻԹ.12–13.

Աղոթեք նրանց համար, ովքեր չարչարում են ձեզ, Մատ. Ե.44 (Ղուկ. Զ.28; 3 Նեփի 12.44).
Աղոթիր քո Հորը, որը ծածուկում է, Մատ. Զ.5–8 (3 Նեփի 13.5–8).
Այս ձևով դուք աղոթեք, Մատ. Զ.9–13 (Ղուկ. ԺԱ.2; 3 Նեփի 13.9).
Խնդրեք և ձեզ կտրվի, Մատ. Է.7 (3 Նեփի 14.7; ՎևՈՒ 4.7; 6.5; 66.9).
Հիսուսը վեր ելավ սարը՝ առանձին աղոթք անելու, Մատ. ԺԴ.23.
Արթուն կացեք և աղոթեք, որ փորձության մեջ չմտնեք, Մատ. ԻԶ.41 (Մար. ԺԴ.38; 3 Նեփի 18.15–18; ՎևՈՒ 31.12).
Թող խնդրի հավատքով, առանց երկմտելու, Հակ. Ա.5–6 (ՎևՈՒ 42.68; 46.7).
Արդարի ջերմեռանդ աղոթքը շատ զորավոր է, Հակ. Ե.16.

Ականջ դրեք այն Հոգուն, որը մարդուն սովորեցնում է աղոթել, 2 Նեփի 32.8–9.
Ես կանչեցի առ նա զորավոր աղոթքով, Ենովս 1.4.
Ես ծոմ եմ պահել և աղոթել եմ շատ օրեր, Ալմա 5.45–46 (Ալմա 26.22).
Նրանք նվիրվել էին շատ աղոթքի ու ծոմի, Ալմա 17.3.
Հիշո՞ւմ եք ինչ է ասել Զենոսն աղոթքի և երկրպագության վերաբերյալ, Ալմա 33.3.
Խոնարհեցրեք ձեզ և շարունակեք աղոթքով, Ալմա 34.18–27.
Խորհուրդ արա Տիրոջ հետ բոլոր քո գործերում, Ալմա 37.37.
Դուք պետք է միշտ աղոթեք Հորն իմ անունով, 3 Նեփի 18.19–20.
Աղոթեք ձեր ընտանիքներում, 3 Նեփի 18.21.
Հիսուսն աղոթեց Հորը, 3 Նեփի 19.31–34 (Հովհ. ԺԷ; 3 Նեփի 18.16).
Նա նրանց պատվիրեց չդադարել սրտում աղոթելը, 3 Նեփի 20.1.
Եթե նրանք սրտի անկեղծ միտումով չեն աղոթում, այն նրանց չի օգնում, Մոր. 7.6–9.

Մի խնդրեք այն բաները, որոնք չպետք է խնդրեք, ՎևՈՒ 8.10.
Միշտ աղոթեք, որ դուք հաղթող դուրս գաք, ՎևՈՒ 10.5.
Ես քեզ պատվիրում եմ, որ աղոթես՝ ինչպես բարձրաձայն, այնպես էլ քո սրտում, ՎևՈՒ 19.28.
Հոգին ձեզ կտրվի հավատքի աղոթքով, ՎևՈՒ 42.14.
Գնա աղոթքի տուն և քո հաղորդությունները մատուցիր, ՎևՈՒ 59.9 (Մատ. ԻԱ.13).
Ծնողները պետք է իրենց երեխաներին աղոթել սովորեցնեն, ՎևՈՒ 68.28.
Տերը՝ իրենց Աստվածը, հապաղում է լսել նրանց աղոթքները, ՎևՈՒ 101.7–8 (Մոսիա 21.15).
Եղիր խոնարհ. և Տերը՝ քո Աստվածը, կպատասխանի քո աղոթքներին, ՎևՈՒ 112.10.