Biblioteka
Fryma e Shenjtë
Pamja
grua duke ecur në mjedis të hapur

Udhëzuesi i Studimit të Ungjillit

Fryma e Shenjtë

Një lajmëtar dhe dëshmitar i Atit tonë Qiellor dhe Jezu Krishtit

A mund të mendoni për çaste kur e dinit se Ati Qiellor ishte i vetëdijshëm për ju ose kur ndiet mirënjohje për Shlyerjen e Jezu Krishtit? Ndoshta ju kujtohet një rast kur po e dëgjonit profetin e gjallë dhe e dinit se ajo që po jepte mësim ai, ishte e vërtetë. Ose mund t’ju kujtohet që po lexonit shkrimet e shenjta dhe patët një ndjenjë të fuqishme që ju pushtoi. Ndoshta e keni dalluar një nxitje që ju bëri të shmangni diçka të rrezikshme, ose ndiet paqe apo ngushëllim gjatë një kohe të vështirë. Këto janë të gjitha shfaqje të Frymës së Shenjtë. Perëndia u shtrin dorën fëmijëve të Tij dhe komunikon me ta nëpërmjet ndikimit dhe fuqisë së Frymës së Shenjtë. Ju merrni dhuratën e Frymës së Shenjtë kur pagëzoheni si anëtar/e i/e Kishës së Jezu Krishtit të Shenjtorëve të Ditëve të Mëvonshme. Ati juaj i dashur Qiellor bën të mundur për ju që të gëzoni dashurinë, udhërrëfimin e drejtimin e Tij dhe nganjëherë korrigjimin e Tij, nëpërmjet lajmëtarit të Tij, Frymës së Shenjtë.

Çfarë Është Fryma e Shenjtë?

Fryma e Shenjtë është anëtari i tretë i Kreut‑Perëndi. Ai është një personazh i shpirtit, pa një trup prej mishi e kockash (shihni te Doktrina e Besëlidhje 130:22). Fryma e Shenjtë zotëron karakteristikat e një qenieje hyjnore dhe shpesh i referohemi si “Shpirti”. “Fuqia” e Frymës së Shenjtë mund të përjetohet nga të gjithë fëmijët e Perëndisë. Ata që pagëzohen, marrin “dhuratën” e Frymës së Shenjtë, ose premtimin që Fryma e Shenjtë gjithmonë mund të jetë me ne.

Vështrim i përgjithshëm i temës: Fryma e Shenjtë

Udhëzues të studimit të ungjillit që kanë lidhje: Kreu-Perëndi, Dhurata e Frymës së Shenjtë, Zbulesa Vetjake

Pjesa 1

Fryma e Shenjtë Mund të Bëhet një Bekim i Paçmuar për Ju

Pamja
burrë duke u lutur

Sa më shumë që mësoni rreth Frymës së Shenjtë, aq më shumë do të dëshironi t’i merrni dhe përjetoni shfaqjet e Frymës së Shenjtë. Nefitët tek tempulli në Begati kishin një dëshirë të çiltër që t’u jepej Fryma e Shenjtë (shihni tek 3 Nefi 19:8–9). Ka hapa që mund t’i ndërmerrni për ta shtuar dëshirën tuaj që të ndieni Frymën e Shenjtë ose Shpirtin e Zotit (shihni te 1 Nefi 13:37; 2 Nefi 31:12–13; Moroni 7:31–32; 8:26). Fakti që Fryma e Shenjtë ju dërgohet që t’ju dëshmojë dhe t’ju japë dëshmi për Perëndinë, Atin dhe Jezu Krishtin dhe ju frymëzon që t’i ndiqni Ata, është një bekim i paçmueshëm (shihni te 2 Nefi 31:18).

Gjëra për t’i menduar

Veprimtaria për të mësuar me të tjerët

  • Jeta e Presidentit Lorenco Snou u ruajt pasi miqtë e tij u udhërrëfyen nga Fryma e Shenjtë. Lexoni historinë që gjendet te Mësime të Presidentëve të Kishës: Lorenco Snou dhe diskutoni përse miqtë e tij ishin në gjendje t’i dallonin dhe ndiqnin mbresat nga Fryma e Shenjtë. Kur e keni përjetuar mbrojtjen dhe ndihmën hyjnore që u komunikua nëpërmjet nxitjeve dhe ndjenjave nga Fryma e Shenjtë?

Mësoni më shumë

  • Geri E. Stivenson, “Si Ju Ndihmon Fryma e Shenjtë?”, Liahona, maj 2017, f. 117–120

  • Kevin R. Duncan, “The Sacred Roles of the Holy Ghost”, Ensign, tetor 2014, f. 62–65

Pjesa 2

Fryma e Shenjtë do t’ju Ndihmojë të Dini të Vërtetën për të Gjitha Gjërat

Pamja
grua duke mbajtur qiri dhe duke parë drejt qiellit

Perëndia dëshiron që të gjithë fëmijët e Tij ta mësojnë të vërtetën rreth planit të Tij për lumturinë dhe shpëtimin e tyre. Presidenti Rasëll M. Nelson paralajmëroi se kundërshtari punon “për ta mjegulluar vijën ndërmjet asaj që është e vërtetë dhe asaj që nuk është e vërtetë. Vërshimi i informacionit që është në dispozicion në majë të gishtave, për ironi, e bën gjithnjë e më të vështirë të përcaktosh se çfarë është e vërtetë.” Perëndia dëshiron që ju ta kuptoni qartësisht të vërtetën dhe mënyrën se si ajo mund t’ju ndihmojë që të gjeni gëzim dhe të përgatiteni për jetën e përjetshme. Fryma e Shenjtë është lajmëtari i Zotit për ta dhënë mësim të vërtetën dhe për të dëshmuar për të vërtetën. Profeti Moroni dha mësim: “Nëpërmjet fuqisë së Frymës së Shenjtë, ju mund të dini të vërtetën e të gjitha gjërave” (Moroni 10:5; theksimi i shtuar).

Gjëra për t’i menduar

  • Një mënyrë se si e mësoni të vërtetën nëpërmjet Shpirtit, është kur profetët dhe apostujt flasin nën ndikimin e Frymës së Shenjtë (shihni te Doktrina e Besëlidhje 68:3–4). Përse është e rëndësishme t’i dëgjoni dhe t’ua vini veshin mesazheve të dhëna nga profetët dhe apostujt? Zoti gjithashtu premton t’i forcojë fjalët tuaja me Frymën e Shenjtë kur jeni duke bërë punën e Zotit (shihni te Doktrina e Besëlidhje 100:5–8).

  • Në bisedën e tij “E Vërteta e të Gjitha Gjërave”, Plaku Dejvid F. Evans foli për mënyra të rëndësishme se si ju mund ta gjeni të vërtetën vetë. Kur e keni ndjekur këtë model për ta kërkuar të vërtetën nga Fryma e Shenjtë?

Veprimtaria për të mësuar me të tjerët

  • Ju mund të diskutoni se si kanë ndikuar te ju të dëgjuarit ose të lexuarit e mesazheve të konferencës së përgjithshme. Presidenti Rasëll M. Nelson premtoi se “shërbes[a] e Frymës së Shenjtë” do “t’ju ndihmojë për të dëgjuar atë që Zoti do t’ju vinte të dëgjonit” gjatë konferencës së përgjithshme. Cilat janë disa mënyra se si mund të përgatiteni për të mësuar nga Fryma e Shenjtë ndërsa i dëgjoni ose studioni mesazhet e konferencës së përgjithshme?

Mësoni më shumë

Burime të Tjera rreth Frymës së Shenjtë

Shtyp në Letër