Librarya
Pagkabanhaw

“Pagkabanhaw,” Mga Hilisgotan ug mga Pangutana (2023)

ang nabanhaw nga Kristo mipakita kang Maria Magdalena

Giya sa Pagtuon sa Ebanghelyo

Pagkabanhaw

Ang kadaogan ni Jesukristo batok sa kamatayon

Sa pipila ka higayon sa atong kinabuhi, matag usa kanato adunay higayon nga maghunahuna, “Unsay mahitabo kon kita mamatay?” “Makita pa ba nako pag-usab ang akong namatay nga mga minahal?” “Asa ko makakaplag og kalinaw kon usa sa akong minahal mamatay?”

Samtang wala ta sa tanang mga tubag, ang kamatuoran sa Pagkabanhaw ni Jesukristo magdala og kahupayan sa tanan nga nagbangotan. Ang kamatuoran nga ang tanan nga mamatay usa ka adlaw mabuhi pag-usab nagdala og kalinaw sa atong mga kalag ug nagsaad nga mas maayo nga mga adlaw naghulat sa unahan.

Sa pagbangon gikan sa kamatayon ngadto sa pagka-imortal, si Jesukristo nahimong “nahauna” sa Pagkabanhaw (see 1 Mga Taga-Corinto 15:20–23) ug mihatag og paagi kanatong tanan nga usa ka adlaw mabanhaw sama Niya.

Unsa ang Pagkabanhaw?

Ang pagkabanhaw mao ang paghiusa pag-usab sa espiritu ug sa lawas human sa kamatayon, dili na gayod mabulag pag-usab (tan-awa sa Alma 11:45). Kon mabanhaw kita, ang atong mga lawas mahimong hingpit ug imortal, dili na gayod mataptan og sakit ug mamatay. Tungod kay nabuntog ni Jesukristo ang kamatayon pinaagi sa Iyang Pagkabanhaw, ang tanang tawo mabanhaw sama Niya.

Kinatibuk-ang pagpasabot sa hilisgotan: Pagkabanhaw

May kalabotan nga mga giya sa pagtuon sa ebanghelyo: Pag-ula ni Jesukristo, Mortal nga Pangpangalagad ni Jesukristo, Plano sa Kaluwasan

Seksiyon 1

Si Jesukristo Nabanhaw

Si Kristo nagtudlo human sa Iyang pagkabanhaw

Si Jesukristo mao ang unang nabanhaw. Ang Iyang kadaogan batok sa kamatayon maoy pundasyon sa atong pagtuo. Si Propeta Joseph Smith mitudlo, “Ang sukaranan nga mga baroganan sa atong relihiyon mao ang pagpamatuod sa mga Apostoles ug mga Propeta, mahitungod ni Jesukristo, nga Siya namatay, gilubong, ug mibangon sa ikatulong adlaw, ug mikayab ngadto sa langit.”

Ang Ginoo mihatag og daghang pagpamatuod niining mahinungdanon nga doktrina. Ang matag usa sa upat ka Ebanghelyo naglakip sa mga asoy niadtong misaksi ni Jesus isip usa ka nabanhaw nga binuhat. Ang Basahon ni Mormon mipamatuod usab nga liboan ka mga tawo didto sa Amerika nakakita sa nabanhaw nga Manluluwas. Sa moderno nga panahon, ang mga saksi lakip ni Joseph Smith ug sa ubang mga propeta ug apostoles mipamatuod nga si Jesukristo nabanhaw ug buhi karon.

Mga butang nga angay hunahunaon

  • Hunahunaa nga ikaw usa ka abogado nga nagpundok og mga ebidensya aron mapamatud-an nga si Jesukristo nabanhaw gayod. Kinsa man ang imong tawagon isip mga saksi? Sa unsang paagi mapalig-on sa mga nakasaksi ang imong kaso? Sa unsang paagi ang pagpamatuod sa mga nakasaksi sa nabanhaw nga Ginoo makaapekto sa imong kaugalingon? Alang sa mga ideya, tan-awa sa Juan 20:1–20; 3 Nephi 11:3–17; ug Doktrina ug mga Pakigsaad 76:19–24.

  • Basaha ang Juan 20:26–29. Unsa nga mensahe ang mahatag sa Manluluwas niini nga tudling ngadto sa mga tawo kinsa wala pa makasaksi sa Iyang Pagkabanhaw? (Tan-awa usab sa Ether 12:5–6.) Bisan kon wala kita makakita sa nabanhaw nga Ginoo, makadawat gihapon kita og personal nga pagsaksi nga Siya nabanhaw. Unsa nga ebidensya sa Pagkabanhaw ang imong nasinati sa imong kinabuhi? Sa unsang paagi kini nga ebidensya nakaimpluwensya kanimo?

Mga kalihokan alang sa pagkat-on kauban sa uban

  • Si Presidente Gordon B. Hinckley (1910–2008) mipahayag: “Sa tanang mga kadaogan sa kasaysayan sa kalibotan, walay laing labaw ka talagsaon, walay laing labaw ka malukpanon sa mga epekto niini, walay labaw ka mahangtoron sa mga sangpotanan niini isip kadaogan sa gilansang nga Ginoo kinsa mibangon diha sa Pagkabanhaw nianang unang buntag sa Pasko sa Pagkabanhaw.” Hisgoti kon nganong importante man nga makahibalo nga si Jesukristo buhi karon. Si Presidente Hinckley misulat usab og mga pulong sa himno nga “Buhi ang Akong Manunubos.” Basaha o paminawa og dungan kini nga himno, ug dayon ipakigbahin ang mga hunahuna ug mga pagbati nga kini nakapadasig diha kanimo.

  • Daghang dinasig nga mga artista ang mihulagway sa higayon dihang ang mga indibidwal nakakita sa nabanhaw nga Manluluwas. Pangita og mosunod nga mga hulagway o uban pa nga ganahan nimo. Ipakigbahin kon unsay natabang niini nga mga imahe kanimo nga masabtan ang mahitungod sa Pagkabanhaw ni Jesukristo. Sa unsang paagi kini nakatabang nimo nga mobati mahitungod Kaniya? Unsa kaha ang imong bation kon anaa ka pa didto?

Si Maria ug ang Nabanhaw nga Ginoo.
Si Kristo mipakita ngadto ni Tomas human sa pagkabanhaw
Si Cleopas ug usa ka disipulo naglingkod aron mokaon sa dihang ilang nailhan ang Manluluwas

Pagkat-on pa og dugang

Seksiyon 2

Kitang Tanan Mabanhaw

Pamilya nga anaa sa usa ka haya

Tungod kay si Jesukristo nabanhaw, kitang tanan mabanhaw usab. Wala madugay human sa Pagkabanhaw ni Jesukristo, daghang matinud-anon nga mga tawo ang nabanhaw usab (tan-awa sa Mateo 27:52–53). Samtang dili tanan mabanhaw sa samang higayon, ang tanan sa kataposan makadawat og hingpit, imortal nga lawas pinaagi sa mahimayaong gasa sa kinatibuk-an sa pagkabanhaw.

Ang atong nabanhaw nga mga lawas susama sa mga lawas nga anaa nato karon, lamang imortal, hingpit—dili na magsakit ug kasakit. Kita “makadawat sa usa ka kahingpitan sa himaya” (Doktrina ug mga Pakigsaad 93:33–34; tan-awa usab sa Alma 11:43). Atong nabanhaw nga mga lawas makapahimo nato nga makabalik sa presensya sa Dios ug mahukman. Kadtong naghinulsol sa ilang mga sala makatagamtam og kinabuhing dayon ug makapuyo sa presensya sa Dios sa kahangtoran.

Mga butang nga angay hunahunaon

  • Ang anak nga lalaki ni Corianton nga si Alma ang Batan-on “nabalaka mahitungod sa pagkabanhaw sa mga patay” (Alma 40:1). Busa gitudloan ni Corianton si Alma—ug ang mga mambabasa sa Basahon ni Mormon—sa daghang importante nga mga kamatuoran kalabot sa Pagkabanhaw. Basaha kon unsay iyang gitudlo sa Alma 40–41. Samtang magbasa ka, timan-i ang mga kamatuoran mahitungod sa Pagkabanhaw nga importante nganha nimo. Sa unsang paagi kaha kini nga mga kamatuoran nakatabang ni Corianton nga mobati og kalinaw? Sa unsang paagi kini makaimpluwensya sa mga desisyon nga imong gihimo karon?

  • Nahibaloan ni Apostol Pablo nga pipila sa mga Santos sa Corinto wala motuo sa Pagkabanhaw. Basaha ang 1 Mga Taga-Corinto 15, nga hatagan og espesyal nga pagtagad ang mga pagtulun-an ni Pablo mahitungod sa Pagkabanhaw. Aniay pipila ka pangutana nga pamalandongan samtang ikaw magtuon:

    • Mga bersikulo 12–15: Nganong makawang man ang pagsangyaw ug ang pagtuo kon walay pagkabanhaw?

    • Mga bersikulo 16–19: Ngano nga kita “makasasala gihapon” kon walay pagkabanhaw? Nganong kita mahimong “labing makaluluoy”?

    • Mga bersikulo 55–58: Sa unsang paagi nga ang imong kahibalo sa Pagkabanhaw makatabang sa paghimo kanimo nga “lig-on” ug “dili matarog”?

Kalihokan alang sa pagkat-on uban sa laing tawo

  • Ang gipahiuli nga ebanghelyo ni Jesukristo nagtudlo nga ang gasa sa pagkabanhaw gihatag nga walay kondisyon ngadto sa tanang tawo, apan daghan sa mga anak sa Dios ang wala masayod niini nga panalangin. Hisgoti kon sa unsang paagi ang Pagkabanhaw makahimo og kalainan sa imong kinabuhi. Mahimo usab nimong makita nga bililhon ang paghisgot sa personal nga mga kasinatian ni Sister Reyna I. Aburto sa iyang pakigpulong nga “Ang Lubnganan Walay Kadaogan” ug kang Elder S. Mark Palmer sa “Mahimong Kalipay ang Atong Kaguol.” Sa unsang paagi sila si Sister Aburto ug Elder Palmer napanalanginan pinaagi sa kahibalo sa Pagkabanhaw? Sa unsang paagi kini nga kahibalo makapanalangin kanato?

Pagkat-on pa og dugang

Ubang mga Kapanguhaan mahitungod sa Pagkabanhaw