Duol nga distansya sa bulawanon nga pultahan sa al-Nabawi Mosque sa Medina, Saudi Arabia

Mga Propeta

Ang mga Muslim ug ang mga Santos sa Ulahing mga Adlaw nagtuo sa importante nga tahas sa mga propeta sa paghatag og giya gikan sa Dios.

Mga Muslim

Ang mga Muslim nagtuo nga ang Propeta nga si Muhammad (SAW) ug si Jesukristo (AS) direkta nga mga kaliwat ni Adan (AS) pinaagi ni Abraham (AS). Si Muhammad (SAW) gipadala sa Dios aron sa pagreporma sa mga relihiyon ni Abraham. Ang mga pagpadayag nga gihatag pinaagi ni Propeta Muhammad (SAW) nakaestablisar pag-usab sa hugot nga pagtuo sa usa ka Dios ug sa mga baroganan sa matarong nga pagpuyo. Ang mga Muslim nagtuo sa mga propeta sa Daan ug Bag-ong Tugon, ug kini mao ang labing importante nga pagtuo sa hugot nga pagtuo nga si Propeta Muhammad (SAW) mao ang kataposan nga propeta.

Mga Santos sa Ulahing mga Adlaw

Ang mga Santos sa Ulahing mga Adlaw nagtuo nga ang Dios naggiya sa Iyang mga anak pinaagi sa mga propeta. Ang Dios mitawag og mga propeta sa karaang mga panahon, sumala sa narekord sa Balaan nga Biblia, apan ang ebanghelyo ni Jesukristo nawala mga siglo na ang nakalabay ug kinahanglan nga ipahiuli. Tungod niini nga rason, ang Dios mitawag ni Joseph Smith isip usa ka propeta aron sa pagpahiuli sa simbahan ug ebanghelyo ni Kristo. Ang mga Santos sa Ulahing mga Adlaw nagtuo sa padayon nga pagpadayag gikan sa Dios pinaagi sa wala maputol nga sumpay sa mga propeta gikan niadtong 1820 hangtod karon.