Pag-ampo

Ang mga Muslim ug ang mga Santos sa Ulahing mga Adlaw nagtuo nga ang mga tawo kinahanglan nga makigsulti sa Dios pinaagi sa inadlaw nga pag-ampo. Ang pag-ampo importante sa duha ka tinuhoan.

Mga Muslim

Ang mga Muslim nagtuo nga ang pag-ampo adunay importante nga tahas sa pagpadayon sa hugot nga pagtuo. Ang mga Muslim mohalad og lima sa inadlaw nga mga pag-ampo gamit ang mga pulong nga direkta gikan sa Qur’an ug ritwal nga mga aksiyon samtang nag-atubang ngadto sa Balay sa Dios, nga gitawag og Ka’bah, sa Mecca. Agig dugang sa ritwal nga inadlaw nga mga pag-ampo, ang mga Muslim mohalad og personal nga mga pag-ampo. Pinaagi sa pag-ampo, ang mga Muslim makapadayon sa ilang relasyon sa Dios, makaangkon og kalig-on sa paglikay sa tintasyon, ug sa pagtinguha og kapasayloan ug giya. Ang mga Muslim magpundok sa masjid (moske) aron moapil sa pag-ampo sa kadaghanan.

Mga Santos sa Ulahing mga Adlaw

Ang mga Santos sa Ulahing mga Adlaw nagtuo nga usa ka sugo ang pag-ampo ug nga ang mahigugmaong Dios nagtinguha sa tanan Niyang mga anak sa pagpakigsulti Kaniya pinaagi sa pag-ampo. Ang pag-ampo makatabang sa mga tawo nga mahiduol ngadto sa Dios nga Amahan ug sa Iyang Anak, nga si Jesukristo, makaangkon og kalig-on sa pagbuntog sa kalisdanan ug kasubo, ug makadawat og giya sa pagbuhi og pamilya ug pagserbisyo sa uban. Ang mga Santos sa Ulahing mga Adlaw gitudloan sa pag-ampo tagsa-tagsa, isip mga pamilya, ug isip bana ug asawa. Ang relihiyoso nga mga panagpundok mao ang mga oportunidad sa pagdungan og pag-ampo isip usa ka kongregasyon.