Lamesa nga gipahimutang alang sa tradisyonal nga iftar nga pagkaon nga motapos sa inadlaw nga pagpuasa atol sa Ramadan

Pagpuasa

Alang sa mga Muslim ug sa mga Santos sa Ulahing mga Adlaw, ang pagpuasa mao ang usa ka tulumanon nga nagdasig og espirituhanon nga paglambo ug temporal nga kaayohan ug modala sa matinud-anon nga mga miyembro nga mahiduol ngadto sa Dios.

Mga Muslim

Ang mga Muslim moapil sa tibuok kalibotan nga pagpuasa matag tuig atol sa Ramadan. Gikan sa kaadlawon hangtod sa kilumkilom alang sa bag-ong bulan, ang mga Muslim mopugong sa pagkaon, pag-inom, pagpanigarilyo, ug ubang pisikal nga katagbawan. Ang usa ka Muslim kinsa nagpuasa mohatag og regular nga mga halad ngadto sa kabos sa kataposan sa Ramadan ug sa tibuok tuig. Ang pagpuasa makapalambo og mga pagbati sa balaan nga pagtahod, debosyon, espirituhanon nga kalig-on, ug empatiya.

Ang mga Santos sa Ulahing mga Adlaw moamot aron sa pagtabang sa kabos isip kabahin sa ilang binulan nga pagpuasa

Mga Santos sa Ulahing mga Adlaw

Ang mga Santos sa Ulahing mga Adlaw sa kasagaran magpuasa sa unang Igpapahulay sa matag bulan. Sila magpuasa pinaagi sa pagdili pagkaon ug pag-inom sulod sa 24 oras o sa gidugayon sa duha ka kan-anan. Sila giawhag sa pagpuasa alang sa espesyal nga katuyoan, sama sa pagtinguha sa panalangin sa Dios alang sa usa ka sakop sa pamilya o pagdawat og balaan nga giya. Ang pagpuasa naglakip sa pag-ampo, pagpamalandong, ug paghalad og kwarta o ubang mga kapanguhaan sa pagtabang sa mga tawo kinsa kabos, gigutom, o nanginahanglan og kapuy-an.