Kinabuhi Human sa Kamatayon

Ang mga Muslim ug ang mga Santos sa Ulahing mga Adlaw nagtuo nga ang espiritu sa tawo magpadayon human sa kamatayon, magpuyo sa kahimtang sa kalipay o kaalaot hangtod sa panahon sa pagkabanhaw. Ang duha nagtuo nga ang tanang tawo mabanhaw ug modawat sa ilang ganti sa Adlaw sa Paghukom.

Mga Muslim

Ang mga Muslim nagtuo nga sila mabanhaw human sa kamatayon aron mobarog nga may tulubagon sa ilang mga aksiyon. Ang Qur’an nagtudlo, “Nianang Adlawa, ang mga tawo moduol … aron ipakita ang ilang mga binuhatan: bisan kinsa ang nakahimo og gamay nga kaayohan makakita niini, apan bisan kinsa ang nakahimo og gamay nga daotan makakita niana” (99:6–8). Ang Dios maloloy-on gayod, ug Siya mopasaylo niadtong tinud-anay nga mosunod Kaniya.

Mga Santos sa Ulahing mga Adlaw

Ang mga Santos sa Ulahing mga Adlaw nagtuo nga ang pisikal nga pagkabanhaw nahimong posible pinaagi sa sakripisyo ni Jesukristo ug sa Iyang pagkabanhaw. Ang Basahon ni Mormon nagtudlo nga ang tanan adunay tulubagon alang sa ilang mga aksiyon diha sa pagkabanhaw: “Ang adlaw moabot nga ang tanan mobangon gikan sa mga patay ug mobarog sa atubangan sa Dios, ug pagahukman sumala sa ilang mga buhat.” (Alma 11:41). Ang Dios modestino sa Iyang mga anak ngadto sa usa sa tulo ka gingharian sa himaya. Kadtong kinsa nahigugma sa Dios, nagserbisyo Kaniya, naghupot sa Iyang mga sugo, ug tinud-anay nga naghinulsol sa tanan nilang mga sala makadawat sa labing mahimayaon niini nga mga gingharian.