Ուսուցման փորձ 10

Որոշել՝ ինչ ուսուցանել. Օգտագործել սուրբ գրությունները և ուսուցչի ձեռնարկը

Ակնարկ

Այս ուսուցման փորձը լուսաբանում է հետևյալ հասկացությունները.

• Ուսուցչի ձեռնարկի նախաբան

• Ընդունել և հարմարեցնել ծրագիրը

• Օգտագործել ուսուցչի ձեռնարկը և սուրբ գրությունները դասը պատրաստելիս

Հիմնական գաղափարներ

Քույր Մյուրեյն իր ծխում ամիսը երկու անգամ հաճույքով էր ուսուցանում Ավետարանի վարդապետության դասը: Չնայած ոգևորությամբ էր ընդունել սեմինարիայի ուսուցչի նոր կոչումը, նա ցանկանում է իմանալ, թե ինչպես ամեն օր արդյունավետ դաս պատրաստի. «Հսկայական պատասխանատվություն է ամեն օր դաս պատրաստելն ու ուսուցանելը»: Ինձ օգնելու համար ի՞նչ ռեսուրսներ են առկա:

Ուսուցչի ձեռնարկի նախաբան

Ամեն աշխատանքային օր դաս պատրաստելը կարող է դժվար և ժամանակատար աշխատանք լինել:

Դիտեք «Ուսուցչի ձեռնարկի նախաբան» (4:01) տեսանյութը, որն առկա է churchofjesuschrist.org կայքում: Այս տեսանյութում դուք կսովորեք, թե ինչպես պետք է օգտագործել սուրբ գրությունները և ուսուցչի ձեռնարկը դասերն արդյունավետ ձևով պատրաստելու համար:

Նշում. Եթե դեռևս չեք ստացել ուսուցչի ձեռնարկը, դիմեք ձեր ղեկավարին: Կարող եք նաև գտնել ինստիտուտի բոլոր ձեռնարկները churchofjesuschrist.org/manual/institute կայքում, իսկ սեմինարիայի ձեռնարկները՝ churchofjesuschrist.org/manual/seminary կայքում:

Ուսուցչի ձեռնարկի վարժություն

Նշում. Սեմինարիայի և ինստիտուտի ուսուցչի ձեռնարկների յուրաքանչյուր դասը կազմակերպված է այնպես, որ նպաստի ձեր արդյունավետ պատրաստվելուն: Ուսուցչի ոչ բոլոր ձեռնարկներն են կազմակերպված կամ պիտակավորված նույն կերպ, սակայն նմանատիպ նյութ առկա է ուսուցչի բոլոր ձեռնարկներում: Ուսուցման այս փորձի վարժությունները հիմնված են սեմինարիայի վերջին թողարկված ձեռնարկների վրա:

Բացեք ձեր ուսուցչի ձեռնարկի ցանկացած դաս կամ օգտագործեք «Դասի օրինակ—3 Նեփի 11.1–17» վերնագրով թերթիկը, որը տրված է այս ձեռնարկի հավելվածում:

Կարդացեք դասը և ուշադրություն դարձրեք հետևյալ տարրերին: Երբ բացահայտեք յուրաքանչյուր տարրը, նշում կատարեք հետևյալ ցուցակում.

• Դասի վերնագիր

  Դասի վերնագիրը ցույց է տալիս դասում ընդգրկված սուրբ գրության գլուխները:

• Սուրբ գրությունների խմբի նախաբանը

  Սուրբ գրության խմբի նախաբանը հակիրճ ներկայացնում է սուրբ գրությունների խմբի ենթատեքստը և բովանդակությունը:

• Հատվածների խմբավորում և համատեքստի ամփոփում

  Հատվածների խմբավորումը ցույց է տալիս հատվածների մի որոշակի շարք, որոնք կենտրոնանում են որոշակի թեմայի կամ գործողության վրա: Ենթատեքստային ամփոփումը ներկայացնում է խմբավորված հատվածների իրադարձությունները կամ ուսմունքները:

• Դասի կառուցվածքը

• Վարդապետության կամ սկզբունքի սահմանումներ

  Վարդապետության կամ սկզբունքի սահմանումները սուրբ գրության ճշմարտությունների հակիրճ սահմանումներ են:

• Մեկնաբանություն և պատմական տեղեկություն և ուսուցման օժանդակ գաղափարներ (դրանք գուցե չլինեն բոլոր դասերում)

  Մեկնաբանությունը և նախնական տեղեկությունը պատմական ենթատեքստի կամ սուրբ գրության հատվածների մասին լրացուցիչ մեջբերումներ և բացատրություններ է տրամադրում: Ուսուցման օժանդակ գաղափարները առաջարկներ են վարդապետություն և սկզբունքներ ուսուցանելու համար, որոնք միգուցե չեն ներկայացվել կամ նշվել դասի կառուցվածքում: Դրանք կարող են նաև առաջարկներ ընդգրկել տեսալսողական նյութերի օգտագործման համար, ինչպիսիք են՝ տեսասկավառակների ելույթները կամ churchofjesuschrist.org կայքում տրված տեսանյութերը:

Ավետարանն ուսուցանելու և ուսանելու հիմունքները ուսուցչի ձեռնարկում

Սեմինարիայի և ինստիտուտի ուսուցչի ձեռնարկները նախատեսված են օգնելու ձեզ միավորելու Ավետարանն ուսուցանելու և ուսումնասիրելու հիմունքները, երբ պատրաստվեք և ուսուցանեք յուրաքանչյուր դասը:

Դիտեք «Ծրագրի հիմունքները» (2:15) տեսանյութը, որն առկա է churchofjesuschrist.org կայքում: Դիտելիս ուշադրություն դարձրեք, թե ինչպես են սեմինարիայի և ինստիտուտի ուսուցչի ձեռնարկներն օգնում ուսուցիչներին յուրաքանչյուր դասին միավորել Ավետարանն ուսուցանելու և ուսումնասիրելու հիմունքները:

Ընդունել և հարմարեցնել ծրագիրը

Տասներկու Առաքյալների Քվորումից Երեց Դալլին Հ. Օուքսն ուսուցանել է, թե ուսուցիչները ինչպես պետք է օգտագործեն սեմինարիայի և ինստիտուտի ծրագրի նյութերը․

«Մենք նախ ընդունում ենք, ապա՝ հարմարվում: Եթե մենք լիովին խորասուզված ենք նշանակված դասի մեջ, որը պետք է ուսուցանենք, ապա մենք կարող ենք հետևել Հոգուն, որ հարմարեցնենք այն» (“A Panel Discussion with Elder Dallin H. Oaks” [Seminaries and Institutes of Religion satellite broadcast, Aug. 7, 2012], 6; si.churchofjesuschrist.org):

Որպես սեմինարիայի և ինստիտուտի ուսուցիչներ, մենք ընդունում ենք ուսուցչի ձեռնարկում տրված ուսումնական ծրագիրը և հարմարեցնում այն մեր ուսանողների կարիքներին:

Ընդունել	հարմարեցնել
Ծրագիրը ընդունել նշանակում է կարդալ և խորասուզվել սուրբ գրությունների և ուսուցչի ձեռնարկի նշանակված դասի մեջ: Ուսումնական ծրագիրը նաև կօգնի ձեզ հասկանալ սուրբ գրությունները, սուրբ գրությունների ոգեշնչված հեղինակների մտադրությունը և դարձի բերող սկզբունքներն ու հիմնական վարդապետությունը: Վստահեք բովանդակությանը և օգտագործեք այն ձեր դասարանում:	Ծրագիրը հարմարեցնել նշանակում է ընկալել դասն ըստ Հոգու ուղղորդման, որպեսզի բավարարեք անհատ ուսանողների կարիքները և օգնեք նրանց հաջողության հասնել:

Օգտագործել սուրբ գրությունները և ուսուցչի ձեռնարկը դասը պատրաստելիս

Երբ արդյունավետ եք օգտագործում ձեր ուսուցչի ձեռնարկը, դուք կարող եք ուսանելի դասեր պատրաստել, որի համար ձեզանից ժամեր չի պահանջվի:

Դիտեք «Ծրագրի ակնարկ» (4:45) տեսանյութը, որն առկա է churchofjesuschrist.org կայքում: Այս տեսանյութը ամփոփում է՝ ներկայացնելով, թե ինչպես ձեր սուրբ գրությունները և ուսուցչի ձեռնարկը միասին օգտագործելով կկարողանաք արդյունավետ դասեր պատրաստել ձեր ուսանողների համար:

Դիտեք «Սուրբ գրությունները և ուսուցչի ձեռնարկի օգտագործումը» (5:11) տեսանյութը, որն առկա է churchofjesuschrist.org կայքում: Այս տեսանյութում Քույր Վիլսոնը կիսվում է դասը պատրաստելիս սուրբ գրությունները և ուսումնական ծրագիրը միասին օգտագործելու մասին կարևոր խորհրդով: Դիտելու ընթացքում ուշադրություն դարձրեք կարևոր գաղափարներին, որ հիշեք դրանք դասերը պատարստելիս:

Դասի նախապատրաստության վարժություն

Այժմ ձեր հերթն է, որ օգտագործեք ձեր սուրբ գրությունները և ուսուցչի ձեռնարկը՝ դասը պատրաստելիս: Բացեք ձեր ուսուցչի ձեռնարկի ցանկացած դաս կամ օգտագործեք «Դասի օրինակ—3 Նեփի 11.1–17» վերնագրով թերթիկը, որը տրված է այս ձեռնարկի հավելվածում:

Հետևյալ քայլերն ավարտելուց հետո նշում կատարեք, որը ցույց կտա, որ ավարտել եք դասի պատրաստման տվյալ մասը:

• Կարդացեք դասի վերնագիրը և անցեք ձեր սուրբ գրությունների խմբին:

• Կարդացեք սուրբ գրությունների խմբի նախաբանը:

• Մանրակրկիտ ուսումնասիրեք սուրբ գրությունների խումբը՝ կարդալով, ուսումնասիրելով և աղոթելով ոգեշնչման համար:

• Ուսումնասիրեք դասի կառուցվածքը, հատուկ ուշադրություն դարձնելով վարդապետության և սկզբունքի սահմանումներին:

• Հաշվի առեք ձեր ուսանողների կարիքները և որոշեք, թե առավելապես որ սկզբունքների կարիքը նրանք ունեն:

• Որոշեք, թե ըստ ձեր ուսանողների կարիքների, որքան ուշադրություն պետք է դարձնեք տարբեր սկզբունքներին:

• Կարդացեք դասի մեջ տրված բոլոր օժանդակ նյութերը և դիտարկեք, թե ինչպես կարող եք օգտագործել այդ նյութը ձեր դասի ընթացքում:

Պատրաստ եղեք քննարկելու այդ փորձառությունը գործնական պարապմունքի ձեր ղեկավարի կամ խմբի հետ:

Ամփոփում և կիրառություն

Սկզբունքներ, որոնք պետք է հիշել

Սուրբ գրությունները ձեր ուսուցման նյութի աղբյուրն են, իսկ ուսուցչի ձեռնարկը ձեր դասը պատրաստելու աղբյուրն է:

• Ծրագիրը կազմակերպված է այնպես, որ օգնի ձեզ արդյունավետ և տպավորիչ դասեր պատրաստել:

• Դուք կարող եք ընդունել և հարմարեցնել ուսումնասկան ծրագիրը ուսանողների կարիքները բավարարելու համար:

• Երբ հարմարեցնում եք ծրագիրը, հատկապես հաշվի առեք ձեր ուսանողների կարիքները և Սուրբ Հոգու հուշումները:

• Դուք կարող եք բավարարել ուսանողների կարիքները, երբ դասին պատրաստվելիս արդյունավետորեն օգտագործեք ուսումնական ծրագիրը:

«Նրանք, ովքեր կանչված են մարգարեի կողմից հաստատելու վարդապետության ճշմարտացիությունը, որը ուսուցանվում է Եկեղեցում, վերանայում են ուսումնական ծրագրի յուրաքանչյուր բառը, յուրաքանչյուր նկարը, յուրաքանչյուր գծապատկերը, որը դուք ստանում եք։ Մենք կարող ենք բացահայտել ուսումնական ծրագրի զորությունը, պարզապես գործի դնելով մեր հավատքն առ այն, որ դա ոգեշնչվել է Աստծուց։ …

Ուսումնական ծրագրի բովանդակությանը, ինչպես նաև դրա հաջորդականությանը հետևելը կբացի ուսուցանելու մեր առանձնահատուկ պարգևները և ոչ թե կխեղդի դրանք» (Henry B. Eyring, “The Lord Will Multiply the Harvest” [an evening with Elder Henry B. Eyring, Feb. 6, 1998], 4, 5, si.churchofjesuschrist.org):

«Ուրեմն՝ ի՞նչ»:

Որպեսզի եզրափակեք ուսումնական այս փորձը, գրի առեք որոշ բաներ, որոնք դուք կանեք` ըստ այսօրվա ձեր սովորած սկզբունքների: