Ուսուցման փորձ 11

Ուսուցման փորձ 11. Որոշել՝ ինչպես ուսուցանել. Օգնել ուսանողներին իրականացնել իրենց դերը

Ակնարկ

Այս ուսուցման փորձը լուսաբանում է հետևյալ հասկացությունները.

• Որոշել՝ ինչպես ուսուցանել

• Հասկանալ ուսանողների դերը սովորելու ընթացքում

• Օգնել ուսանողներին իրականացնել իրենց դերը

Հիմնական գաղափարներ

Դասին պատրաստվելիս կարևոր է, որ հավասարակշռեք, երբ որոշում եք, թե ինչ պետք է ուսուցանեք և ինչպես:

Ուսուցման փորձ 10-ում դուք սովորեցիք ինչպես օգտագործել ուսումնական ծրագիրը, երբ որոշում եք ինչ պետք է ուսուցանել սուրբ գրությունների խմբում: Այժմ դուք պատրաստ եք որոշել, ինչպես պետք է ուսուցանեք ձեր ուսանողներին:

Ուսանողների դերը ուսումնական գործընթացում

Որպեսզի ուսանողները հոգևոր աճ ապրեն, դուք պետք է հասկանաք, թե որն է նրանց դերը ուսումնական գործընթացում և պատրաստեք ուսումնական վարժություններ, որոնք կօգնեն նրանց ակտիվորեն իրականացնել իրենց դերը:

Այս ուսուցման փորձի ընթացքում գրի առեք ցանկացած ոգեշնչում կամ միտք, որ կստանաք, որպեսզի օգնեք ձեր ուսանողներին կատարել իրենց դերը ուսումնական գործընթացում:

Ավետարանի ուսուցում և ուսումնասիրություն ձեռնարկի վարժություն

Ուսումնասիրեք բաժին 1.3.3 (էջ 6-7) և բաժին 4.3.4-ի առաջին երեք պարբերությունները (էջ 55)՝ Ավետարանի ուսուցում և ուսումնասիրություն. Ձեռնարկ Սեմինարիաների և Կրոնի Ինստիտուտների ուսուցիչների և ղեկավարների համար (2012): Կարդալիս փնտրեք հետևյալ հարցերի պատասխանները.

• Ո՞րն է ուսանողի դերը ուսումնական գործընթացում:

• Ձեր կարծիքով, որո՞նք են առավել կարևոր բաները, որ կարող եք անել, որպեսզի օգնեք ձեր ուսանողներին իրականացնել իրենց դերը:

Այս հարցերի ձեր պատասխանները գրի առեք ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

Մարգարեական խորհուրդ ուսանողի դերի վերաբերյալ

Շատ Բարձրագույն Իշխանավորներ շեշտել են ուսանողներին օգնելու կարևորությունը, որպեսզի նրանք իրականացնեն իրենց դերը սովորելու ընթացքում:

Դիտեք «Մարգարեական ուսուցում սովորելու գործընթացում ուսանողի դերի մասին» (4:14) տեսանյութը, որն առկա է churchofjesuschrist.org կայքում: Այս տեսանյութում Եկեղեցու ղեկավարներից մի քանիսը վկայում են ուսումնական գործընթացում ուսանողի դերի կարևորության մասին:

Անձնական մտորումներ

Հիշեք, երբ է ձեր ուսուցիչը պատրաստել վարժություններ, որոնք ներգրավել են ձեզ սովորելու գործընթացի մեջ: Այժմ հիշեք այնպիսի դասեր, երբ ուսուցիչը ակտիվորեն չի ներգրավել ուսանողներին: Համեմատեք և հակադրեք այդ երկու փորձը:

• Ի՞նչ տարբերություն եք նկատել, երբ ձեզ և մյուս ուսանողներին ներգրավել են սովորելու գործընթացում:

• Ի՞նչ է արել ուսուցիչը, որպեսզի օգնի ձեզ կատարել ձեր դերը որպես ուսանող:

Այս հարցերի ձեր պատասխանները գրի առեք ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

Օգնել ուսանողներին կատարել իրենց դերը

Ուսանողները կարող են իրականացնել իրենց դերը ավետարանի ուսումնական գործընթացում, երբ հրավիրեք նրանց բացատրել, կիսվել և վկայել ավետարանի վարդապետության և սկզբունքների մասին: Ավետարանի վարդապետությունը և սկզբունքները բացատրելը, դրանցով կիսվելն ու դրանց մասին վկայելը խորացնում է ուսանողների հասկացողությունը, բարելավում է ավետարանը մյուսներին ուսուցանելու նրանց ունակությունը և ամրացնում է նրանց վկայությունը: (Տես Ավետարանի ուսուցում և ուսումնասիրություն, բաժին 2.6 [էջ 31–33]:)

• Ուսանողները կարող են բացատրել սուրբ գրության տվյալ հատվածը կամ սկզբունքը իրենց իսկ բառերով: Կարող եք հրավիրել ուսանողներին զույգերով, փոքր խմբերով, ամբողջ դասարանով, դերակատարությամբ կամ գրելով բացատրել վարդապետություններն ու սկզբունքները:

• Ուսանողները կարող են կիսվել տվյալ սուրբ գրության կամ սկզբունքի հետ կապված իրենց մտքերով, փորձառությամբ կամ զգացմունքներով: Կարող եք հրավիրել ուսանողներին կիսվել տվյալ վարդապետության կամ սկզբունքի վերաբերյալ իրենց զգացմունքներով կամ համապատասխան անձնական փորձով: Նրանք կարող են նաև պատմել ուրիշների կյանքի այն փորձառությունների մասին, որոնց ականատեսն են եղել իրենք: Դա կարելի է ներկայացնել բանավոր կամ գրավոր:

• Ուսանողները կարող են վկայել այն վարդապետության կամ սկզբունքների մասին, ինչը գիտեն, որ ճշմարիտ է: Դուք կարող եք հրավիրել նրանց վկայել այն մասին, ինչ իրենք գիտեն, որ ճշմարիտ է և փոխել է իրենց կյանքը: Կարիք չկա, որ ուսանողները սկսեն «Ես ուզում եմ բերել իմ վկայությունը» կամ «ես գիտեմ» արտահայտություններով: Վկայություն բերել նշանակում է համոզմունքի կամ ճշմարտության մասին հայտարարություն կատարել:

Մասնակցությունը բարելավում է ուսումնական գործընթացը

Դիտեք «Բացատրել, կիսվել և վկայել. ուսանողների վկայությունները» (2:28) տեսանյութը, որն առկա է churchofjesuschrist.org կայքում: Այս տեսանյութում ուսանողները խոսում են իրենց դերը իրականացնելու մասին, երբ սեմինարիայում նրանք բացատրում, կիսվում և վկայում են:

Ուսանողակենտրոն դասարան

Դիտեք Ուսանողակենտրոն դասարան. օրինակ» (6:51) տեսանյութը, որն առկա է churchofjesuschrist.org կայքում: Այս տեսանյութում Քույր Վելլերն օգնում է ուսանողներին կատարել սուրբ գրություններից սովորելու իրենց դերը: Տեսեք, թե ինչպես է նա իրականացնում այդ նպատակը:

Դիտեք «Ուսանողակենտրոն դասարան. ուսուցչի մտորումները» (3:01) տեսանյութը, որն առկա է churchofjesuschrist.org կայքում: Այս տեսանյութում Քույր Վելլերը քննարկում է ուսանողներին օգնելու կարևորության մասին, որպեսզի նրանք մասնակցեն սովորելու գործընթացին:

Ուսուցչի ձեռնարկի վարժություն

Ձեր ուսուցչի ձեռնարկի յուրաքանչյուր դասում տրված են հարցեր, վարժություններ և եղանակներ, որոնք կօգնեն ձեր ուսանողներին իրենց ակտիվ մասնակցությունը բերել սուրբ գրություններից սովորելու ընթացքում: Բացեք ձեր ուսուցչի ձեռնարկի ցանկացած դաս կամ օգտագործեք «Դասի օրինակ—3 Նեփի 11.1–17» վերնագրով թերթիկը, որը տրված է այս ձեռնարկի հավելվածում: Ընտրեք հարցեր, վարժություններ և եղանակներ, որ կարող եք օգտագործել, օգնելով ուսանողներին սովորելու գործընթացում կատարել իրենց դերը:

Գրանցեք մի քանի հարցեր, վարժություններ կամ եղանակներ, որոնք գտել եք ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

Ուսուցանել ուսանողներին իրենց դերը

Ուսանողները ավելի լիարժեք կմասնակցեն, եթե հասկանան իրենց դերը ավետարանը սովորելու գործընթացքում: Սեմինարիայի ուսուցչի ձեռնարկներում հիմնականում առաջին դասերից մեկը տեղեկություն է հաղորդում ուսանողներին իրենց դերի մասին սովորեցնելու վերաբերյալ: Արագ վերանայեք դաս 1՝ «Սովորողի դերը» Մորմոնի Գրքի սեմինարիայի ուսուցչի ձեռնարկում և մտածեք, թե ինչպես կարող եք օգտագործել այդ դասում տրված սկզբունքները, երբ ձեր ուսանողներին սովորեցնեք ուսումնական գործընթացում ունեցած իրենց դերի մասին:

Դիտեք «Սովորեցնել ուսանողներին իրենց դերի մասին» (6:27) տեսանյութը, որն առկա է churchofjesuschrist.org կայքում: Այս տեսանյութում Եղբայր Հովելն ուսումնական տարվա սկզբում ուսուցանում է իր ուսանողներին իրենց դերի մասին:

Գրի առեք մտքեր, որոնք կուզենայիք օգտագործել ուսումնական տարվա սկզբում և ընթացքում ուսանողներին իրենց դերի մասին ուսուցանելիս: Գրի առեք ձեր մտքերը ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

Ամփոփում և կիրառություն

Սկզբունքներ, որոնք պետք է հիշել

• Դուք կարող եք օգնել ձեր ուսանողներին հասկանալ, ընդունել և կատարել իրենց դերն ավետարանն ուսումնասիրելիս:

• Կարևոր է, որ ուսումնական տարվա սկզբում և ընթացքում սովորեցնեք ձեր ուսանողներին ավետարանն ուսումնասիրելիս իրենց դերի մասին:

• Դուք կարող եք օգնել ուսանողներին իրականացնել իրենց դերը ուսումնական գործընթացում, հրավիրելով նրանց բացատրել, կիսվել և վկայել վարդապետության և սկզբունքների մասին:

• Ուսուցչի ձեռնարկը կարող է օգնել ձեզ պատրաստել վարժություններ, որոնք կներգրավեն ձեր ուսանողներին սովորելու գործընթացում:

«[Ուսանողների] մասնակցության որոշումը ընտրելու իրավունքի գործածում է, որը թույլ է տալիս Սուրբ Հոգուն հաղորդել անձնական ուղերձ` նրանց անձնական կարիքներին համապատասխան: Մասնակցելու մթնոլորտի ստեղծումը մեծացնում է հավանականությունը, որ Հոգին կսովորեցնի ավելի կարևոր դասեր, քան դուք կարող եք հասկացնել:

Այդ մասնակցությունն իրենց կյանք կբերի Հոգու առաջնորդությունը» (Richard G. Scott, “To Learn and to Teach More Effectively” [Education Week devotional, Aug. 21, 2007], 4–5, speeches.byu.edu):

«Ուրեմն՝ ի՞նչ»:

Որպեսզի եզրափակեք ուսուցման այս փորձը, գրի առեք որոշ բաներ, որոնք դուք կանեք` ըստ այսօրվա ձեր սովորած սկզբունքների: