Ուսուցման փորձ 2

Սեմինարիաների և Կրոնի Ինստիտուտների նպատակը

Ակնարկ

Այս ուսուցման փորձը լուսաբանում է հետևյալ հասկացությունները.

• Սեմինարիաների և Կրոնի Ինստիտուտների նպատակը

• Հասկանալ ձեր նպատակը` որպես ուսուցիչ

• Օգնել ուսանողներին իրապես դարձի գալ

Հիմնական գաղափարներ

Հասկանալ ձեր նպատակը

Որպեսզի մեր ջանքերը կենտրոնացնենք Տիրոջն օգնելու գործում, ՍևԻ-ի ուսուցիչների համար սահմանվել է մի հստակ նպատակ: Այս նպատակը կոչվում է Սեմինարիաների և Կրոնի Ինստիտուտների նպատակ: Կարևոր է, որ դուք խորապես զարգացնեք այս նպատակի հասկացողությունը և հասկանաք, թե այն ինչպես կարող է որպես ուսուցիչ ձեզ առաջնորդել ձեր ամենօրյա աշխատանքում:

Ո՞րն է մեր նպատակը։

«Մեր նպատակն է` օգնել երիտասարդներին և չափահաս երիտասարդներին հասկանալ Հիսուս Քրիստոսի ուսմունքները և Քավությունը, ապավինել դրանց, արժանանալ տաճարային օրհնություններին, նախապատրաստվել և նախապատրաստել իրենց ընտանիքներին և մյուսներին՝ իրենց Երկնային Հոր հետ հավերժական կյանքին» (Gospel Teaching and Learning: A Handbook for Teachers and Leaders in Seminaries and Institutes of Religion [2012], x):

Ցուցադրեք «Մեր նպատակը» (1:32) տեսանյութը, որն առկա է churchofjesuschrist.org կայքում: Այս տեսանյութում մի քանի ուսուցիչներ խոսում են Սեմինարիաների և Կրոնի Ինստիտուտների նպատակի մասին:

Տեսանյութի դիտումից հետո գրի առեք ձեր կողմից ընկալված նյութը և տպավորությունները ձեր ուսումնասիրության օրագրում կամ մի այլ տեղ, որին կարող եք անդրադառնալ և դրանցով կիսվել ձեր գործնական պարապմունքի ղեկավարի կամ խմբի հետ:

Հասցնել ավետարանը ուսանողների սրտերին

Սեմինարիայի հարյուրամյակին նվիրված հեռարձակման ժամանակ Առաջին Նախագահությունից Նախագահ Հենրի Բ. Այրինգը կիսվեց սեմինարիայի ծագման և նպատակների վերաբերյալ իր որոշ մտքերով.

Դիտեք տեսանյութը «Հավատքի հիմքը. Սեմինարիայի հարյուրամյակը» (7:36), Նախագահ Այրինգի ելույթից մի հատված մատչելի է churchofjesuschrist.org կայքում: Տեսանյութը դիտելիս վկայություն փնտրեք այն մասին, թե սեմինարիան ինչպես է օգնում, որ ավետարանը հասնի ուսանողների սրտերին:

Տեսանյութի դիտումից հետո գրի առեք ձեր կողմից ընկալված նյութը և տպավորությունները ձեր ուսումնասիրության օրագրում կամ մի այլ տեղ, որին կարող եք անդրադառնալ և դրանցով կիսվել ձեր գործնական պարապմունքի ղեկավարի կամ խմբի հետ:

Ավետարանի ուսուցում և ուսումնասիրություն Ձեռնարկի վարժություն

Կարդացեք 1.1 բաժինը 1-2 էջերում («Մեր Նպատակը») Ավետարանի ուսուցում և ուսումնասիրություն ձեռնարկում: Ընդգծեք այն բառերն ու արտահայտությունները, որոնք օգնում են ձեզ հասկանալ ձեր նպատակը` որպես Սեմինարիաների և Կրոնի Ինստիտուտների ուսուցիչ:

Ընթերցումն ավարտելուց հետո գրի առեք ձեր կողմից ընկալված նյութը և տպավորությունները ձեր ուսումնասիրության օրագրում կամ մեկ այլ տեղ, որին կարող եք անդրադառնալ և դրանցով կիսվել ձեր գործնական պարապմունքի ղեկավարի կամ խմբի հետ:

Ամփոփում և կիրառում

Սկզբունքներ, որոնք պետք է հիշել

• Սեմինարիաների և Կրոնի Ինստիտուտների նպատակի հստակ ըմբռնումը կառաջնորդի մեզ` որպես ուսուցիչներ մեր ամենօրյա աշխատանքում:

• Արդյունավետ ուսուցումը կարող է օգնել, որ ավետարանն ավելի խորը ներթափանցի նրանց սրտերի մեջ:

• Մեր նպատակը պիտի լինի օգնել ուսանողներին իսկական դարձ ապրել դեպի ավետարանը:

«Եթե մենք մեր երիտասարդներին ուսուցանենք սիրել մեր Փրկիչ Հիսուս Քրիստոսին, նրանք կդառնան Ուսուցչի ճշմարիտ հետևորդներ: Այս գործընթացը կնախապատրաստի նրանց դառնալ հավերժական ընտանիքների ղեկավարներ: Տաճարը կդառնա նրանց կյանքի բնական ու կարևոր մասը: (Dieter F. Uchtdorf, “A Teacher of God’s Children” [an evening with President Dieter F. Uchtdorf, Jan. 28, 2011], 5)

«Ուրեմն ի՞նչ»:

Որպեսզի եզրափակեք այս ուսումնական փորձը, գրի առեք որոշ բաներ, որոնք դուք կանեք` ըստ այսօր ձեր սովորած սկզբունքների: