Ուսուցման փորձ 8

Հասկանալ, զգալ և կիրառել վարդապետությունն ու սկզբունքները

Ակնարկ

Այս ուսուցման փորձը լուսաբանում է հետևյալ հասկացությունները.

• Հասցնել ավետարանը մեր սրտերին

• Հասկանալ վարդապետությունը և սկզբունքները

• Զգալ վարդապետության և սկզբունքների ճշմարտությունն ու կարևորությունը

• Կիրառել արդապետությունը և սկզբունքները

Հիմնական գաղափարներ

Ուսումնասիրության օրինակը տրամադրում է այն հիմունքները, որոնք օգնում են ավետարանը սերմանել մեր մտքերում և սրտերում։ Այս ուսուցման փորձի ընթացքում մենք կկենտրոնանաք վարդապետությունների ու սկզբունքների ըմբռնման, դրանց ճշմարտությունն ու կարևորությունը զգալու և դրանք կիրառելու վրա:

Այս ուսուցման փորձի նպատակն է համառոտ ներկայացնել ուսումնասիրության օրինակի կողմերը: Երբ ծառայեք որպես սեմինարիայի կամ ինստիտուտի ուսուցիչ, դուք ավելի շատ հնարավորություններ կունենաք սովորել և կիրառել այս հմտությունները:

Հասկանալ վարդապետությունը և սկզբունքները, զգալ դրանց կարևորությունը ու կիրառել դրանք

Թաքնված գանձի առակը փոխաբերություն է սուրբ գրություններն ուսումնասիրելու համար: Հետևյալ երեք տարրերն օգնում են մեզ հասկանալ, թե մենք ինչ կարող ենք անել մեր ուսումնասիրության մեջ այն բանից հետո, երբ բացահայտենք կարևոր ավետարանական ճշմարտությունները:

1. Հասկանալ վարդապետությունն ու սկզբունքները

   

   Երիտասարդ կինը, ով ուսումնասիրում էր յուրաքանչյուր մարգարտահատիկը, ուշադիր հետազոտում էր դրա մակերեսն ու ձևը:

   

   Երբ մենք բացահայտում ենք ճշմարտության մարգարիտները վարդապետության ու սկզբունքների տեսքով, մենք կարող ենք զգուշությամբ ուսումնասիրել յուրաքանչյուրը, որպեսզի ավելի լավ հասկանանք դրա իմաստն ու նշանակությունը:

2. Զգալ վարդապետության և սկզբունքների ճշմարտությունն ու կարևորությունը

   

   Երիտասարդ կինը արժեվորում էր յուրաքանչյուր մարգարիտը, որն աճում էր իր ներսում:

   

   Երբ մենք ավելի խորը հասկացողություն ենք զարգացնում մեր հայտնաբերած ճշմարտությունների վերաբերյալ, մենք զգում ենք դրանց կարևորությունը, համապատասխանությունը և հրատապությունը:

3. Կիրառեք վարդապետությունը և սկզբունքները

   

   Երիտասարդ կնոջ հայրը հրավիրեց նրան մտածել, թե նա ինչ կարող էր անել իր հայտնաբերած թանկարժեք մարգարիտների հետ:

   

   Վարդապետության կամ սկզբունքի վերաբերյալ վկայություն և գնահատում ձեռք բերելուց հետո մենք պիտի կշռադատենք այն հատուկ ուղիները, որոնք կարող ենք կիրառել մեր սեփական կյանքում:

Վերջին օրերի մարգարեներն ու առաքյալները շեշտել են ավետարանը մեր սրտի խորքերը հասցնելու կարևորությունը: Ավետարանի կարևոր վարդապետությունն ու սկզբունքները ճանաչելու համար սուրբ գրությունների ենթատեքստի և բովանդակության ըմբռնումը լավ սկիզբ է, որ գիտելիքներ ձեռք բերենք ավետարանական ճշմարտությունների մասին: Բայց որպեսզի օգնենք, որ մեր մտքում եղած գիտելիքը թափանցի մեր սրտի խորքերը, հաճախ ավելի շատ բան կա անելու, քան մենք պիտի անենք.

1. Հասկանալ վարդապետությունն ու սկզբունքները, որոնք բացահայտել ենք:

2. Զգալ դրանց ճշմարտությունն ու կարևորությունը:

3. Կիրառել դրանք մեր կյանքում։

Ուսումնասիրության օրինակի այս երեք տարրերը աշխատում են միասին, որպեսզի հրավիրեն Սուրբ Հոգուն, ով օգնում է մեզ, որ ավետարանը թափանցի մեր սրտի խորքերը:

Ավետարանի ուսուցում և ուսումնասիրություն ձեռնարկի վարժություն

Ավետարանի ուսուցում և ուսումնասիրություն. Ձեռնարկ Սեմինարիաների և Կրոնի Ինստիտուտների ուսուցիչների և ղեկավարների համար (2012) ընդգրկում է կարևոր տեղեկություն ուսումնասիրության օրինակի այս յուրաքանչյուր կողմի մասին: Ուսումնասիրեք, թե ձեռնարկն ինչ է ուսուցանում, երբ կարդում ենք ձեռնարկի նշված բաժինները և պատասխանում համապատասխան հարցերին:

1. Հասկանալ վարդապետությունն ու սկզբունքները

   Ուսումնասիրեք 2.5.2 բաժինը 28-29 էջերում («Հասկանալ վարդապետությունը և սկզբունքները») Ավետարանի ուսուցում և ուսումնասիրություն ձեռնարկում: Ուսումնասիրության ընթացքում փնտրեք հետևյալ հարցերի պատասխանները.

   • Ի՞նչ է նշանակում «հասկանալ ավետարանի որևէ վարդապետություն կամ սկզբունք»:

   • Ինչպե՞ս ես կարող եմ ավելացնել իմ հասկացողությունը ավետարանի այն վարդապետության և սկզբունքների վերաբերյալ, որոնք ես առանձնացրել եմ:

2. Զգալ վարդապետության և սկզբունքների ճշմարտությունն ու կարևորությունը

   Ուսումնասիրեք 2.5.3 բաժինը 29-30 էջերում («Զգալ վարդապետության և սկզբունքների ճշմարտությունն ու կարևորությունը») 29-30 էջերում Ավետարանի ուսուցում և ուսումնասիրություն ձեռնարկում: Ուսումնասիրության ընթացքում փնտրեք հետևյալ հարցերի պատասխանները.

   • Ինչո՞ւ է ինձ համար կարևոր զգալ իմ հայտնաբերած վարդապետության կամ սկզբունքի ճշմարտությունն ու կարևորությունը:

   • Որպես սովորող ես ի՞նչ կարող եմ անել` հրավիրելու Սուրբ Հոգու ազդեցությունը, որպեսզի օգնի ինձ զգալ իմ բացահայտած վարդապետության և սկզբունքի ճշմարտությունն ու կարևորությունը:

   • Ո՞րն է Սուրբ Հոգու դերն այս գործընթացում:

3. Կիրառել վարդապետությունը և սկզբունքները

   Ուսումնասիրեք 2.5.4 բաժինը («Կիրառել վարդապետությունը և սկզբունքները») 30-31 էջերում Ավետարանի ուսուցում և ուսումնասիրություն ձեռնարկում: Ուսումնասիրության ընթացքում փնտրեք հետևյալ հարցերի պատասխանները.

   • Ինչպե՞ս իմանամ, թե երբ կիրառեմ իմ սովորած ավետարանի սկզբունքը:

   • Ի՞նչ տեղի կունենա իմ կյանքում, երբ ես ձգտեմ կիրառել իմ ճանաչած վարդապետությունը կամ սկզբունքը:

   • Ես ի՞նչ կարող եմ անել, որպեսզի իմ անձնական ուսումնասիրության մեջ ավելի շատ կենտրոնանամ իմ սովորած ճշմարտությունների կիրառության վրա:

Բոլոր այն նյութերից, որոնք դուք հենց նոր ուսումնասիրեցիք Ավետարանի ուսուցում և ուսումնասիրություն ձեռնարկում, եկեք կենտրոնանանք երեք հիմնական առաջարկների վրա: Հետևյալ ցուցակում յուրաքանչյուր տարր զուգորդվում է մի գործողության հետ, որը դուք կարող եք կատարել, երբ ձգտեք հասկանալ, զգալ և կիրառել այն ճշմարտությունների կարևորությունն ու ճշմարտությունը, որոնք դուք սովորում եք սուրբ գրություններում:

1. Հասկանալ վարդապետությունը և սկզբունքները

   Վերլուծեք վարդապետության կամ սկզբունքի իմաստը` տալով հարցեր և որոնելով պատասխաններ:

2. Զգալ վարդապետության և սկզբունքների ճշմարտությունն ու կարևորությունը

   Անդրադարձեք այն ներգործությանը, որ այդ սկզբունքն ունեցել է ձեր կամ ուրիշների կյանքում:

3. Կիրառել վարդապետությունն ու սկզբունքները

   Մտածեք, թե ինչ հատուկ գործողություն պիտի կատարեք, որպեսզի կիրառեք վարդապետությունը կամ սկզբունքը ձեր կյանքում:

Օգտագործել ուսումնասիրության օրինակը

Դիտեք «Հասկանալ, զգալ և կիրառել սկզբունքները» (7:12) տեսանյութը, որն առկա է churchofjesuschrist.org կայքում: Այս տեսանյութում երեք ուսուցիչներ քննարկում են իրենց ջանքերը, որպեսզի հասկանան և զգան Ղուկասի 5.1–11 հատվածներում տրված վարդապետության ու սկզբունքների ճշմարտությունն ու կարևորությունը և կիրառեն դրանք:

Գրանցեք երկու կամ երեք գաղափարներ, որոնք ձեզ համար ակներև դարձան այս տեսանյութը դիտելիս, ձեր ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և կիսվել ձեր գործնական պարապմունքի ղեկավարի կամ խմբի հետ:

Ուղղորդված կիրառման վարժություն

Եսթերի 6.1–12 հատվածներում մենք կարդում ենք, որ Տերը քամի է առաջացնում հարեդացիների բեռնանավերը խոստումի երկիր ուղարկելու համար: Հետևյալ սկզբունքը մենք կարող ենք ճանաչել այս հատվածում. Եթե մենք վստահենք Տիրոջը և կատարենք Նրա կամքը, Նա կուղղորդի մեզ մեր կյանքի ընթացքում: Հետևեք ստորև բերված քայլերին և ջանքեր գործադրեք հասկանալ այս սկզբունքի ճշմարտությունն ու կարևորությունը և կիրառել այն: Գրանցեք ձեր պատասխաններն ու գաղափարները ձեր սուրբ գրությունների կամ անձնական օրագրում:

1. Զարգացրեք այս սկզբունքը հասկանալու ձեր հասկացողությունը

   Վերլուծեք այս սկզբունքի իմաստը` ուղղելով հետևյալ կարգի հարցեր և փնտրելով պատասխաններ.

   • Ի՞նչ է նշանակում վստահել:

   • Ի՞նչ է նշանակում վստահել Տիրոջը:

   • Ինչո՞ւ է Տերը կարողանում ուղղորդել նրանց կյանքը, ովքեր վստահում են իրեն:

   • Տերն ինչպե՞ս է ղեկավարում մարդու կյանքի ընթացքը:

2. Ձգտեք հասկանալ սկզբունքի ճշմարտությունն ու կարևորությունը

   Անդրադարձեք այն ներգործությանը, որ այս սկզբունքն ունեցել է ձեր և ուրիշների կյանքում, ներառյալ`սուրբ գրություններում կամ Եկեղեցու պատմության մեջ տրված անհատների կյանքում:

   • Ինչպե՞ս է ձեր կյանքն ու վկայությունն արտացոլում այս սկզբունքի ճշմարտությունը:

   • Ի՞նչ եղանակներով է ուրիշների կյանքն ու վկայությունն արտացոլում այս սկզբունքի ճշմարտությունը:

3. Կիրառեք սկզբունքը

   Մտածեք, թե ինչ հատուկ գործողություն պիտի կատարեք, որպեսզի կիրառեք վարդապետությունը կամ սկզբունքը ձեր կյանքում:

Ինքնուրույն կատարվող վարժություն

Ընտրեք մի սկզբունք, որը դուք առանձնացրիք ուսուցման փորձ 7-ում Ղուկասի 5.12–26 հատվածներն ուսումնասիրելիս կամ ընտրեք մի սկզբունք, որն առանձնացրիք 3.2 բաժնում («Ղուկասի 5. Օրինակ») 42-46 էջերում Ավետարանի ուսուցում և ուսումնասիրություն ձեռնարկում: Այնուհետև կատարեք հետևյալը.

1. Զարգացրեք սկզբունքը հասկանալու ձեր հասկացողությունը:

   Վերլուծեք վարդապետության կամ սկզբունքի իմաստը` տալով հարցեր և որոնելով պատասխաններ:

2. Ձգտեք զգալ սկզբունքի ճշմարտությունն ու կարևորությունը.

   Անդրադարձեք այն ներգործությանը, որ այդ սկզբունքն ունեցել է ձեր կամ ուրիշների կյանքում:

3. Կիրառեք սկզբունքը

   Մտածեք, թե ինչ հատուկ գործողություն պիտի կատարեք, որպեսզի կիրառեք վարդապետությունը կամ սկզբունքը ձեր կյանքում:

Գրանցեք մի քանի գաղափարներ և տպավորություններ այս վարժությունից ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

Ամփոփում և կիրառություն

Սկզբունքներ, որոնք պետք է հիշել

• Ավետարանի ուսումնասիրության նպատակն է` հրավիրել Սուրբ Հոգուն օգնել մեզ ավետարանի վարդապետությունն ու սկզբունքը մեր մտքից հասցնել մեր սրտերին:

• Վարդապետության կամ սկզբունքի ըմբռնումը ներառում է ոչ միայն այն, թե ի՞նչ է նշանակում դա, այլև, թե ինչպե՞ս կարող է դա ներգործել մեր կյանքի վրա:

• Վարդապետության կամ սկզբունքի պարզ ըմբռնումը պատրաստում է մեզ զգալ դրա ճշմարտությունն ու կարևորությունը:

• Երբ զգում ենք վարդապետության կամ սկզբունքի կարևորությունը, մեծանում է դրանք մեր կյանքում կիրառելու մեր ցանկությունը:

• Կիրառումը տեղի է ունենում, երբ մենք մտածում, խոսում և ապրում ենք ըստ մեր սովորածի:

«Իսկական ուսուցիչը ավետարանի փաստերն ուսուցանելուց հետո … , ուսանողներին մեկ քայլ առաջ է մղում, որ ձեռք բերեն հոգևոր վկայություն և հասկացողություն իրենց սրտերում, որն իրականացնում է արարքներ և գործեր» (“Teaching by Faith” address to CES religious educators, Feb.1, 2002, 5, si.churchofjesuschrist.org):

«Ուրեմն ի՞նչ»:

Որպեսզի եզրափակեք ուսուցման այս փորձը, գրի առեք որոշ բաներ, որոնք դուք կանեք` ըստ այսօրվա ձեր սովորած սկզբունքների: