Ուսուցման փորձ 6

Հասկանալ ենթատեքստը և բովանդակությունը

Ակնարկ

Այս ուսուցման փորձը լուսաբանում է հետևյալ հասկացությունները.

• Հասկանալ ենթատեքստի և բովանդակության իմաստը

• Հասկանալ ենթատեքստի և բովանդակության կարևորությունը

• Բացահայտել սուրբ գրությունների ենթատեքստը և բովանդակությունը

Հիմնական գաղափարներ

Հաջորդ մի քանի ուսուցման փորձերում մենք ավելի մոտիկից մեկ-մեկ կուսումնասիրենք ուսումնասիրության օրինակի անհատական բաղադրիչները: Ուսումնասիրության օրինակը տրամադրում է հիմունքների հենքը, որն օգնում է ավետարանը սերմանել մեր մտքերում և սրտերում։ Այս ուսուցման փորձում մենք կսովորենք, թե ինչպես հասկանալ ենթատեքստն և բովանդակությունը:

Այս ուսուցման փորձի նպատակն է համառոտ ներկայացնել ուսումնասիրության օրինակի կողմերը: Երբ ծառայում եք որպես սեմինարիայի կամ ինստիտուտի ուսուցիչ, դուք կունենաք ավելի շատ հնարավորություններ` սովորել և կիրառել այս հմտությունները:

Սովորել սուրբ գրություններից. Հասկանալ ենթատեքստն ու բովանդակությունը

ձեռքեր

Թաքնված գանձերի առակում երիտասարդ կինը երազում է ավազի մեջ մարգարիտներ փնտրելու մասին: Նրա որոնումը խորհրդանշում է այն սովորողին, ով հավերժական ճշմարտություններ է փնտրում սուրբ գրություններում: Ավազը ներկայացնում է սուրբ գրությունների ենթատեքստն ու բովանդակությունը` մարդկանց, վայրերը, իրադարձությունները, սյուժեն, ուսմունքները և այլն, որտեղ կարելի է գտնել ավետարանի ճշմարտությունները:

սուրբ գրություններ

Երբ սուրբ գրություններում փնտրwum enq հավերժական ճշմարտություններ, մենք պիտի սկսենք` փորձելով հասկանալ մեր կարդացած հատվածների նախադրյալները և հիմնական մանրամասները: Երբ ձգտենք հասկանալ սուրբ գրությունների ենթատեքստը և բովանդակությունը, այն կօգնի մեզ ավելի արագ գտնել կարևոր ավետարանական ճշմարտությունները:

Ավետարանի ուսուցում և ուսումնասիրություն ձեռնարկի վարժություն

ձեռնարկի կազմ

Ուսումնասիրեք 2.4.1 բաժինը («Ենթատեքստ») և 2.4.2 բաժինը («Բովանդակություն») 24-25 էջերում Ավետարանի ուսուցում և ուսումնասիրություն ձեռնարկում: Ընդգծեք այս հատվածի այն բառերն ու արտահայտությունները, որոնք օգնում են ձեզ հասկանալ, թե ինչ են հաղորդում սուրբ գրության ենթատեքստն ու բովանդակությունը, և ինչու են դրանք կարևոր մեր ուսումնասիրության համար:

Գրանցեք ձեր ըմբռնած նյութը և տպավորությունները ավետարանի ուսումնասիրման գործում ենթատեքստն ու բովանդակությունը հասկանալու կարևորության մասին ձեր ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

Ենթատեքստի ու բովանդակության կարևորությունն ու իմաստը

Կրկնեք հետևյալ աղյուսակը, որպեսզի ավելի լավ հասկանաք ենթատեքստն ու բովանդակությունը.

Ենթատեքստ	Բովանդակություն
Ի՞նչ է ենթատեքստը: Ենթատեքստը կազմված է այն հանգամանքներից, որոնք ուղեկցում են որոշակի սուրբ գրության հատվածին, իրադարձությանը կամ պատմությանը և տալիս է դրանց նախապատմությունը։ Ենթատեքստը ներառում է պատմական, մշակութային և աշխարհագրական միջավայր, հարցեր, որոնք հուշում էին սուրբ գրությունների իրադարձությունները և այլն:	Ի՞նչ է բովանդակությունը: Բովանդակությունը ներառում է սյուժեն, մարդկանց, քարոզները և ներշնչված բացատրությունները, որոնք կազմում են սուրբ գրության տեքստը: Բովանդակության բացահայտումը ներառում է բարդ բառերի և արտահայտությունների իմաստի ընկալումը, ինչպես նաև առակների խորհրդանշանների մեկնաբանությունները և այլն:
Ինչո՞ւ է ենթատեքստը կարևոր: Ենթատեքստը հստակեցնում և խորացնում է պատմությունների, ուսմունքների, վարդապետությունների և սկզբունքների ըմբռնումը սուրբ գրության տեքստում:	Ինչո՞ւ է բովանդակությունը կարևոր: Բովանդակությունը կյանք ու կարևորություն է տալիս այն վարդապետությանն ու սկզբունքին, որոնք գտնվում են սուրբ գրության հատվածում։

teacher studying

Ուղղել հարցեր

Որպեսզի հասկանաք սուրբ գրությունների ենթատեքստն ու բովանդակությունը, նախ ձգտեք ծանոթանալ հատվածի հիմնական մանրամասների հետ, իսկ հետո հետազոտել այդ մանրամասները` ավելի լավ հասկանալու համար: Դուք կարող եք անել սա` սովորելով հարցեր ուղղել ձեր կարդացած հատվածում գտնվող մարդկանց, վայրերի, իրադարձությունների և այլնի մասին, ապա պատասխաններ որոնել այդ հարցերի համար` օգտագործելով օգտակար և վստահելի աղբյուրներ:

Հետևյալ տիպի հարցերը կարող են օգնել ձեզ ավելի լավ հասկանալ այն սուրբ գրության հատվածի ենթատեքստն ու բովանդակությունը, որը դուք ուսումնասիրում եք:

• Ի՞նչ է իրենից ներկայացնում հատվածի պատմական հիմքը:

• Ի՞նչ է իրենից ներկայացնում պատմական, մշակութային և աշխարհագրական միջավայրը:

• Ո՞վ է գրողը:

• Ովքե՞ր են մարդիկ այդ հատվածում: Ի՞նչ են նրանք անում կամ ասում և ինչո՞ւ:

• Ի՞նչ է տեղի ունենում: Ո՞րն է սյուժեն:

• Ո՞րն է անծանոթ բառերի, դարձվածների կամ արտահայտությունների իմաստը:

• Ո՞րն է այս հատվածներում նկարագրված սովորույթների ու ավանդույթների կարևորությունը:

studying scriptures

Փնտրել պատասխաններ

Հետևյալ միջոցները հանդիսանում են ամենալավն ու ամենավստահելին, որոնք կարող եք օգտագործել, որ օգնեք ձեզ գտնելու ձեր հարցերի պատասխանները:

• Սուրբ գրությունների ուսումնասիրման օժանդակ նյութերը, ինչպես օրինակ` գլխի կամ բաժնի վերնագրերը, ծանոթագրությունները, Աստվածաշնչի բառարանըԹեմատիկ ուղեցույցըՍուրբ գրությունների ուղեցույցըԵռահատորի թեմատիկ ցանկերը, քարտեզներ և այլն:

• Առնչվող սուրբ գրություններ

• Ապրող մարգարեների և առաքյալների խոսքերը (հատկապես գերագույն համաժողովի ելույթներում ընդգրկված խոսքերը)

• Սեմինարիայի և ինստիտուտի սուրբ գրությունների դասընթացի ձեռնարկը (ներառյալ ուսուցչի և ուսանողի ձեռնարկը)

• Բառարաններ

Երբ դուք սկսեք հասկանալ սուրբ գրության ենթատեքստն ու բովանդակությունը, դուք կկարողանաք ավելի լիարժեք մուտք գործել մարդկանց, վայրերի, իրադարձությունների և ուսմունքների աշխարհը, որի մասին դուք կարդում եք և կկարողանաք տեսնել իրադարձություններն այնպես, ինչպես գրողն էր տեսնում դրանք: Սա կօգնի դուռ բացել դեպի կարևոր ավետարանական ճշմարտությունների բացահայտումը:

Ստանալ աստվածային օգնություն ավետարանն ուսուցանելիս

Ցուցադրեք «Հասկանալ ենթատեքստը և բովանդակությունը» (7:39) տեսանյութը, որն առկա է churchofjesuschrist.org կայքում: Այս տեսանյութում երեք ուսուցիչներ քննարկում են ենթատեքստը և բովանդակությունը հասկանալու իրենց ջանքերը:

Երկու կամ երեք գաղափարներ, որոնք դուք սովորեցիք այս տեսանյութից, գրանցեք ձեր ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և կիսվել ձեր գործնական պարապմունքի ղեկավարի կամ խմբի հետ:

Սուրբ գրություններին վերաբերող վարժություններ

Հիմա ժամանակն է կատարել սուրբ գրությունների ենթատեքստի և բովանդակության բացահայտում:

Կարդացեք Ղուկասի 5.12-26 հատվածները, ընտրելով, թե ուսուցիչնեըը «Հասկանալ ենթատեքստը և բովանդակությունը» տեսանյութում ինչի վրա կանգ առան: Կազմեք հարցերի ցուցակ այն մարդկանց, վայրերի, իրադարձությունների և այլ մանրամասնությունների վերաբերյալ, որոնք կարող են օգնել ձեզ ավելի լավ հասկանալ այս հատվածների ենթատեքստն ու բովանդակությունը։ Ապա հատկացրեք մի քանի րոպե` փնտրելով ձեր հարցերի պատասխանը:

Վարժությունն ավարտելուց հետո գրեք ձեր փորձի ամփոփումը ուսումնասիրության օրագրում կամ մեկ այլ տեղ, որին կարող եք անդրադառնալ և դրանցով կիսվել ձեր գործնական պարապմունքի ղեկավարի կամ խմբի հետ: Ներառեք (1) ձեր սովորած նյութից որոշ բաներ ավետարանի ուսումնասիրության գործում ենթատեքստն ու բովանդակությունը հասկանալու կարևորության մասին և (2) այն մի քանի նոր ըմբռնումների մասին, որոնք դուք ձեռք բերեցիք մարդկանց, վայրերի և իրադարձությունների մասին Ղուկասի 5.12-26 հատվածներում:

Ամփոփում և կիրառություն

Սկզբունքներ, որոնք պետք է հիշել

• Ենթատեքստը հստակեցնում և խորացնում է իրադարձությունների, վարդապետությունների և սկզբունքների ըմբռնումը սուրբ գրության տեքստում:

• Բովանդակությունը կյանք ու կարևորություն է տալիս սուրբ գրությունների վարդապետություններին ու սկզբունքներին:

• Սուրբ գրությունների ենթատեքստի ու բովանդակության ըմբռնումը կօգնի բացահայտել շատ ավետարանական ճշմարտություններ:

• Որպեսզի սկսենք հասկանալ սուրբ գրությունների համատեքստը և բովանդակությունը, մենք պիտի հարցեր ուղղենք և հուսալի միջոցներ փնտրենք այդ հարցերի պատասխանների համար:

Նախագահ Թոմաս Ս. Մոնսոն

«Ծանոթացեք այն դասերի հետ, որոնք ուսուցանում են սուրբ գրությունները: Դուք պետք է ծանոթ լինեք Վարդապետի առակների և մարգարեների հորդորների պատմությանը և միջավայրին: Ուսումնասիրեք դրանք այնպես, ասես նրանք խոսում են ձեզ հետ, քանի որ այդպիսին է ճշմարտությունը» (Թոմաս Ս. Մոնսոն, «Ձգտեք լինել ամենալավը» Ensign կամ Լիահոնա, մայիս 2009, 68).

«Ուրեմն ի՞նչ»:

Որպեսզի եզրափակեք ուսուցման այս փորձը, գրի առեք որոշ բաներ, որոնք դուք կանեք` ըստ այսօրվա ձեր սովորած սկզբունքների: