Ուսուցման փորձ 4

Զարգացնել սիրո, հարգանքի և նպատակի մթնոլորտ

Ակնարկ

Այս ուսուցման փորձը լուսաբանում է հետևյալ հասկացությունները.

• Հասկանալ Քրիստոսանման սիրո ազդեցությունը

• Զարգացնել սիրո և հարգանքի մթնոլորտ

• Դասարանում ստեղծել նպատակի զգացում

Հիմնական գաղափարներ

ձեռնարկի կազմ

«Երբ ուսուցիչները և ուսանողները սիրում ու հարգում են Տիրոջը, միմյանց և Աստծո խոսքը, ուսուցումը լավանում է: Նպատակի մթնոլորտը կենտրոնացնում է ջանքերը, ակնկալիքները և ուղղություն տալիս դասարանական փորձառությանը» (Ավետարանի ուսուցում և ուսումնասիրություն. Ձեռնարկ Սեմինարիաների և Կրոնի Ինստիտուտների ուսուցիչների և ղեկավարների համար, (2012) 13):

Քրիստոսանման սեր. Բարի ազդեցություն

Մեր կյանքը կդառնա հոգեպես ավելի հարուստ և լիարժեք Քրիստոսանման անհատների ազդեցությամբ: Եթե մենք մտորենք, մեզանից յուրաքանչյուրն իր կյանքում կարող է ճանաչել հոգատար մարդկանց բարի գործերը, ովքեր բարի ազդեցություն են ունեցել մեզ վրա:

սեմինարիայի դասարան

Հիշեք մի ուսուցչի, ղեկավարի կամ այլ մարդու, ով Քրիստոսանման սեր է ցուցաբերել և փոխել ձեր կյանքը: Ինչպե՞ս եք զգացել նրանց օգնությամբ և ինչո՞ւ: Գրանցեք ձեր ըմբռնած նյութը և տպավորությունները ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

Մենք, որպես սեմինարիայի և ինստիտուտի ուսուցիչներ, նույնպես կարող ենք փոփոխություն բերել մեր ուսանողների կյանք, հիշելով այն մարդկանց, ովքեր դրական են ազդել մեզ վրա: Մենք անում ենք սա`դասարանում զարգացնելով Քրիստոսանման սիրո և հարգանքի մթնոլորտ:

Ավետարանի ուսուցում և ուսումնասիրություն ձեռնարկի վարժություն

ձեռնարկի կազմ

Հետևյալ վարժությունը կխորացնի ձեր հասկացողությունը սիրո և հարգանքի ուսուցման մթնոլորտ զարգացնելու կարիքի և այդ մթնոլորտը ստեղծելու ուղիների վերաբերյալ:

Ուսումնասիրեք 2.2.1 բաժինը 13-14 էջերում («Սեր և հարգանք») Ավետարանի ուսուցում և ուսումնասիրություն ձեռնարկում: Ընդգծեք բառերն ու արտահայտությունները, որոնք կօգնեն խորացնել ձեր hասկացողությունն այն մասին, թե (1) ինչու է կարևոր դասարանում ունենալ սիրո և հարգանքի մթնոլորտ և (2) ինչպես զարգացնել այդ մթնոլորտը:

Զարգացնել սիրո և հարգանքի մթնոլորտ. ինչու և ինչպես

Հետևյալ տեսանյութերը պարզաբանում են շատ սկզբունքներ և գործառույթներ, որոնք գտնվում են 2.2.1 բաժնում («Սեր և հարգանք») Ավետարանի ուսուցում և ուսումնասիրություն ձեռնարկում: Դիտեք այս տեսանյութերը և խորհեք ձեր պատասխանների վերաբերյալ, որոնք կտրվեն տեսանյութի նկարագրություններին հաջորդող հարցերին ստորև:

Դիտեք «Ուսուցանել կարեկցանքով» (1:44) տեսանյութը, որն առկա է churchofjesuschrist.org կայքում: Այս տեսանյութում Տասներկու Առաքյալների Քվորումից Երեց Նիլ Լ. Անդերսենը հայտարարում է, որ անհրաժեշտ է, որ ուսուցիչները լցված լինեն Քրիստոսի մաքուր սիրով: Դիտելու ընթացքում ուշադրություն դարձրեք, թե Փրկիչն ինչպե՞ս էր ցույց տալիս Իր սերն այն մարդկանց հանդեպ, ում Նա ուսուցանում էր:

Տեսանյութը դիտելուց հետո ձեր ուսումնասիրության օրագրում գրեք կարճ պատասխաններ հետևյալ հարցերին․

• Ինչպե՞ս էր Փրկիչը ցուցադրում Իր սերն այն մարդկանց հանդեպ, ում Նա ուսուցանում էր:

• Ես ինչպե՞ս կարող եմ սեր և հարգանք ցուցաբերել նրանց հանդեպ, ում ուսուցանում եմ:

Դիտեք «Քույր Իգանի դասը» (2:17) տեսանյութը, որն առկա է churchofjesuschrist.org կայքում: Այս տեսանյութում սեմինարիայի ուսուցիչ քույր Իգանը լուսաբանում է, թե ինչպես արդյունավետ կերպով զարգացնել սիրո, հարգանքի և նպատակի մթնոլորտ: Հետևեք, թե ինչպես նա և նրա ուսանողները հոգ են տանում միմյանց մասին և ստեղծում այդպիսի մթնոլորտ:

Տեսանյութը դիտելուց հետո ձեր ուսումնասիրության օրագրում գրեք կարճ պատասխաններ հետևյալ հարցերին․

• Ի՞նչ արեցին քույր Իգանը և նրա ուսանողները, որպեսզի զարգացնեն սիրո և հարգանքի մթնոլորտ:

• Ես ի՞նչ կարող եմ անել, որպեսզի ստեղծեմ ուսմանը նպաստող սիրո և հարգանքի մթնոլորտ:

Հասնել բոլոր ուսանողներին

Տասներկու Առաքյալների Քվորումից Երեց Ջեֆրի Ռ. Հոլլանդն ուսուցանել է.

Երեց Ջեֆրի Ռ. Հոլլանդ

«Եթե այդ ուսանողները չեն արձագանքում այսօր, գուցե դուք դեռ չեք կարող ուսուցանել նրանց, սակայն սիրել կարող եք: Եվ եթե դուք սիրեք նրանց այսօր, միգուցե կարողանաք ուսուցանել նրանց վաղը»: (“Teaching and Learning in the Church,” Ensign, June 2007, 102):

Ուսանողները կարող են պայքարել տարբեր դժվարությունների դեմ. ընտանեկան լարվածություն, հիվանդություն, սովորելու անընդունակություն, ֆիզիկական թուլություն և այլն: Եղեք զգայուն նրանց անհատական պայմաններին ու կարիքներին: Ոչ բոլոր ուսանողներն անմիջապես կարձագանքեն սիրո և հարգանքի մթնոլորտ ստեղծելու ձեր ջանքերին: Հետևյալ տեսանյութը պարզաբանում է, թե ուսուցիչներն ինչպես կարող են ներգործել այն ուսանողների վրա, ովքեր երբեմն անտարբեր են դասարանում:

Դիտեք «Հասնել անհատին» (1:28) տեսանյութը, որն առկա է churchofjesuschrist.org կայքում: Տեսանյութը դիտելիս փնտրեք, թե ինչպես ուսուցչի Քրիստոսանման սերն ու բարությունը փոփոխություն մտցրեց ուսանողների սրտերում:

Հաստատել նպատակի զգացողություն

ձեռնարկի կազմ

Նպատակի զգացողությունը, որը կիսում են ուսուցիչն ու ուսանողը, կարող է ավելացնել հավատը և ուղղորդել ու իմաստ տալ դասարանական փորձին: Ուսանողները պիտի հասկանան, որ նրանք հաճախում են դասերին, որպեսզի ճանաչեն Երկնային Հորը և Նրա Որդուն` Հիսուս Քրիստոսին, և առաջ ընթանան դեպի հավերժական կյանք` Նրա սուրբ գրությունների և մարգարեների խոսքերի ուսումնասիրման միջոցով» (Ավետարանի ուսուցում և ուսումնասիրություն 15):

Դասարանում ուսուցիչների համար նույնքան կարևոր է զարգացնել նպատակի զգացողություն, որքան զարգացնել սիրո և հարգանքի մթնոլորտ:

Ավետարանի ուսուցում և ուսումնասիրություն ձեռնարկի վարժություն

ձեռնարկի կազմ

Ձեռնարկի հետևյալ վարժությունը կօգնի ձեզ հասկանալ, թե որքան կարևոր է դասարանում հաստատել նպատակի զգացողություն:

Կարդացեք 2.2 .2 բաժինը էջ 15-ում («Նպատակի զգացողություն») Ավետարանի ուսուցում և ուսումնասիրություն ձեռնարկից: Ձեր ձեռնարկում ընդգծեք բառերն ու արտահայտությունները, որոնք խորացնում են ձեր հասկացողությունը հետևյալի մասին.

• Ձեր և ձեր ուսանողների համար ինչ է նշանակում նպատակի զգացողություն:

• Ինչպե՞ս կարող եք դուք և ձեր ուսանողները զարգացնել այս մթնոլորտը դասարանում:

Գործառույթներ, որոնք օգնում են զարգացնել նպատակի զգացողություն:

Ցուցադրեք «Նպատակի զգացողություն» (08:32) տեսանյութը, որն առկա է churchofjesuschrist.org կայքում: Այս տեսանյութում մի քանի ուսուցիչներ և ուսանողները կիսվում են այն քայլերով, որոնք կարող են օգնել զարգացնել նպատակի զգացողություն իրենց դասարաններում: Տեսանյութը դիտելիս փնտրեք եղանակներ ձեր դասարանում զարգացնել նպատակի զգացողություն։

Հարցեր, որոնք կօգնեն ուսուցիչներին զարգացնել սիրո, հարգանքի և նպատակի մթնոլորտ

Ուսուցանելիս պարբերաբար անդրադարձեք հետևյալ հարցերին, որոնք կօգնեն ձեզ զարգացնել սիրո, հարգանքի և նպատակի մթնոլորտ.

• Արդյո՞ք իմ ուսանողները գիտեն, որ սիրում եմ նրանց:

• Ե՞րբ ինձ համար դժվար է հոգատար լինել, արդյո՞ք ես աղոթում եմ, որպեսզի լցվեմ Քրիստոսի մաքուր սիրով (տես Մորոնի 7.47–48):

• Փրկիչի ուսմունքներն ու օրինակը ի՞նչ ձևով են ազդում այն բանի վրա, թե ես ինչպես եմ հաղորդակցվում իմ ուսանողների հետ, և նրանք ինչպես են հաղորդակցվում միմյանց հետ:

• Ինչ պարզ քայլեր եմ ես կատարում, որպեսզի կանոնավոր ծառայեմ, օրհնեմ և աղոթեմ իմ ուսանողների համար:

• Արդյո՞ք իմ ուսանողները հասկանում են, որ մեր դասի նպատակն է իրականացնել Սեմինարիաների և Կրոնի Ինստիտուտների նպատակը` օգնել նրանց հասկանալ և ապավինել Հիսուս Քրիստոսի Քավությանն ու ուսմունքներին:

• Արդյո՞ք իմ ընտրած ուսումնական վարժությունները օգնում են կատարել մեր նպատակը և չեն շեղում մեզ Սեմինարիաների և Կրոնի Ինստիտուտների նպատակներին հասնելու գործից:

• Արդյո՞ք ես ժամանակ եմ հատկացնում սուրբ գրությունների փաթեթի ուսումնասիրությանը և դրանց հասկանալուն և տեսնում, թե Փրկիչն ինչպե՞ս է կենտրոնական դիրք գրավում այս դասում:

• Արդյո՞ք ես պատրաստ եմ իմ ուսանողներին պատշաճ ուշադրություն հատկացնել այն պահից, երբ նրանք մտնում են դասարան` մինչև այն պահը, երբ նրանք հեռանում են դասարանից:

• Ի՞նչ ուղիներով եմ ես կանոնավոր ուսուցանում և հրավիրում իմ ուսանողներին կատարել իրենց դերը հոգևոր ուսումնասիրության գործում։

teacher studying

Ամփոփում և կիրառություն

Սկզբունքներ, որոնք պետք է հիշել

• Երբ դուք և ձեր ուսանողները սիրում ու հարգում եք Տիրոջը, միմյանց և Աստծո խոսքը, ուսուցումը լավանում է:

• Դուք կարող եք զարգացնել իսկական սեր ձեր ուսանողների հանդեպ` փնտրելով գթության պարգևը անկեղծ աղոթքի միջոցով, ինչպես հրահանգել է Մորմոն մարգարեն (տես Մորոնի 7.47–48):

• Նպատակի զգացողությունը, որը դուք կիսում եք ձեր ուսանողների հետ, կարող է ուժեղացնել հավատը և դասարանական փորձին տալ ուղղություն և իմաստ:

• Նպատակի զգացողությունը կարող է հաստատվել, երբ դուք և ձեր ուսանողները հասկանաք, որ նրանք հաճախում են դասերին, որպեսզի ճանաչեն Երկնային Հորը և Իր Որդուն` Հիսուս Քրիստոսին, և որպեսզի առաջ ընթանան դեպի հավերժական կյանքը սուրբ գրությունների ուսումնասիրության և մարգարեների խոսքերի միջոցով:

Նախագահ Դիտեր Ֆ. Ուխդորֆ

«Մտածեք ամենամաքուր, ամենաուժեղ սիրո մասին, որը կարող եք պատկերացնել: Հիմա բազմապատկեք այդ սերը անսահման քանակությամբ` սա է Աստծո սիրո չափը ձեզ համար» (Dieter F. Uchtdorf, «Աստծո սերը» Ensign կամ Լիահոնա, նոյեմբեր 2009, 22):

«Ուրեմն ի՞նչ»:

Որպեսզի եզրափակեք ուսուցման այս փորձը, գրի առեք որոշ բաներ, որոնք դուք կանեք` ըստ այսօրվա ձեր սովորած սկզբունքների: