Ուսուցման փորձ 12

Որոշել՝ ինչպես ուսուցանել. Արդյունավետ հարցեր տալ

Ակնարկ

Այս ուսուցման փորձը լուսաբանում է հետևյալ հասկացությունները.

• Հասկանալ հարցերի կարևորությունը

• Հարցեր կազմել հատուկ արդյունքներ ստանալու համար

• Տալ արդյունավետ հարցեր

Հիմնական գաղափարներ

Հասկանալ հարցերի կարևորությունը

Կան բազմաթիվ արդյունավետ ուսուցման մեթոդներ, որոնք կարող եք օգտագործել ձեր դասարանում, ներառյալ՝ դասարանային քննարկումները, ուսուցչի թեմատիկ ներկայացումները և գրելը: Այդ բոլոր մեթոդները բարելավում են ուսումնական և ուսուցման գործընթացը, բայց կա մի մեթոդ, որն ավելի որոշիչ է, քան գրեթե ցանկացած այլ մեթոդ: Առաջին Նախագահությունից Նախագահ Հենրի Բ. Այրինգը սովորեցրել է.

Երեց Հենրի Բ. Այրինգ

«Հարցեր տալը և պատասխանելը սովորելու և ուսուցանելու հիմքն է» (“The Lord Will Multiply the Harvest” [an evening with Elder Henry B. Eyring, Feb. 6, 1998], 5–6, si.churchofjesuschrist.org, շեշտադրումն ավելացված է):

Լավ հարցեր կազմել սովորելը ժամանակ, ջանքեր և փորձ է պահանջում: Ուսուցման այս փորձը կօգնի ձեզ սովորել հարցեր տալ, որոնք ձեր ուսանողների վրա խորը ազդեցություն կթողնեն:

Դիտեք «Հարցեր տալ» (2:42) տեսանյութը, որն առկա է churchofjesuschrist.org կայքում: Տեսանյութը դիտելիս ուշադրություն դարձրեք այն մտքերի վրա, որոնք արդյունավետ հարցեր տալու կարևորությունն են հատկանշում:

Ավետարանի ուսուցում և ուսումնասիրություն ձեռնարկի վարժություն

handbook cover

Կարդացեք 5.1 բաժնի առաջին երեք պարբերությունները («Հարցեր»), էջ 58, Ավետարանի ուսուցում և ուսումնասիրություն. Ձեռնարկ Սեմինարիաների և Կրոնի Ինստիտուտների ուսուցիչների և ղեկավարների համար (2012): Ընդգծեք բառեր կամ արտահայտություններ, որոնք կօգնեն հասկանալ արդյունավետ հարցեր տալու կարևորությունը:

Ինչպե՞ս է հարցեր տալը և պատասխանելը «սովորելու և ուսուցանելու հիմքը հանդիսանում»: Գրի առեք ձեր մտքերը և տպավորությունները ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

woman teaching youth

Նպատակային հարցեր կազմել

Ձեր հարցերը պետք է նպաստեն, որ ուսանողները կիրառեն սովորելու օրինակի տարրերը: Քանի որ յուրաքանչյուր տարրը տարբեր արդյունքների է հանգեցնում, ձեր տված հարցերի տեսակները կփոփոխվեն ցանկալի արդյունքից կախված:

Օրինակ, եթե դուք ցանկանում եք օգնել ուսանողներին հասկանալ սուրբ գրությունների համատեքստը և բովանդակությունը, տվեք հարցեր մարդկանց, պատմական և մշակութային նախադրյալների վերաբերյալ: Սակայն եթե ցանկանում եք օգնել ուսանողներին կիրառել վարդապետությունը կամ սկզբունքը, տվեք հարցեր, որով կքաջալերեք ուսանողներին մտածել, ինչպես կարող են վարդապետությունը կամ սկզբունքը կիրառել իրենց կյանքում:

Ուսումնական հիմունքներ և առանձնահատուկ հարցեր

Ստորև տրված են հարցերի օրինակներ, որ կարող եք տալ ուսանողներին՝ կապված ուսումնական հիմունքներից յուրաքանչյուրի հետ: Ուշադրություն դարձրեք, թե յուրաքանչյուր մակարդակում ինչպես են հարցերը միմյանց հաջորդում՝ սկսելով ենթատեքստը և բովանդակությունը հասկանալուց և շարժվելով դեպի վարդապետությունը և սկզբունքները կիրառումը:

• Հասկանալ ենթատեքստը և բովանդակությունը

  • Ովքե՞ր են այս պատմության մեջ ներգրավված մարդիկ:

  • Ի՞նչ է կատարվում այս հատվածում:

  • Որտե՞ղ են այդ իրադարձությունները տեղի ունենում:

• Ներկայացնել վարդապետությունն ու սկզբունքները

  • Ի՞նչ վարդապետություն և սկզբունքներ եք դուք տեսնում:

  • Ո՞րն է պատմության բարոյախրատական իմաստը կամ նպատակը:

  • Ձեր կարծիքով, ի՞նչ է հեղինակը ցանկացել, որ մենք սովորենք:

• Հասկանալ վարդապետությունն ու սկզբունքները

  • Ի՞նչ գիտեք այս սկզբունքի մասին:

  • Ձեր կարծիքով, ինչո՞ւ է այդ սկզբունքը կարևոր մեզ համար այսօր:

  • Այս սկզբունքն ինչպե՞ս կբացատրեիք մեկ ուրիշին:

  • Ինչպիսի՞ վարք և հատկանշական գծեր ունի նման սկզբունքով ապրող մարդը:

• Զգալ վարդապետության և սկզբունքների ճշմարտությունն ու կարևորությունը

  • Ե՞րբ եք զգացել այս սկզբունքի ճշմարտացիությունը:

  • Ինչպե՞ս եք իմանում, որ սա ճշմարիտ սկզբունք է:

  • Ե՞րբ եք օրհնվել հնազանդվելով այս սկզբունքին:

• Կիրառեք վարդապետությունը և սկզբունքները

  • Ի՞նչ եք պատրաստվում անել այսօր ունեցած ձեր տպավորությունների ներքո:

  • Ինչպիսի՞ փոփոխություններ կարող եք կատարել, որպեսզի կիրառեք այս սկզբունքը ձեր կյանքում:

woman teaching youth

Տվեք այնպիսի հարցեր, որոնք կօգնեն ուսանողներին հասկանալ ենթատեքստը և բովանդակությունը

Որպեսզի օգնեք ուսանողներին հասկանալ սուրբ գրությունների խմբի ենթատեքստն ու բովանդակությունը, տվեք այնպիսի հարցեր, որոնք կստիպեն ուսանողներին տեղեկություն հավաքել իրենց կարդացածի վերաբերյալ և կօգնեն վերլուծել իրենց հայտնաբերածը:

Հարցեր, որոնք օգնում են ուսանողներին տեղեկություններ փնտրել

Երբ օգնում եք ձեր դասարանին հասկանալ սուրբ գրությունների խմբի ենթատեքստը և բովանդակությունը, տվեք այնպիսի հարցեր, որոնք կխրախուսեն նրանց տեղեկություն փնտրել մարդկանց, պատմական իրավիճակի, մշակութային նախադրյալների և այլ մանրամասների վերաբերյալ: Այդ հարցերի պատասխանները հաճախ ուղղակիորեն կարելի է գտնել սուրբ գրություններում կամ սուրբ գրությունների ուսումնասիրության ժամանակ օգտագործվող օժանդակ նյութերում, ինչպիսիք են՝ տողատակի ծանոթագրությունները, Աստվածաշնչի բառարանը, Սուրբ գրքերի ուղեցույցը, սուրբ գրքերի քարտեզներն ու լուսանկարները և այլն: Այդ ռեսուրսները պետք է օգնեն ուսանողներին հասկանալ սուրբ գրությունների խմբի որոշակի մանրամասները: Օրինակ, դուք կարող եք տալ այսպիսի հարցեր.

• Ըստ 1 Նեփի 3.1-4-ի, ո՞վ հրամայեց Նեփիին գնալ Լաբանի մոտ և բերել հիշատակարանները:

• Նայեք 1 Նեփի 16.10: Ինչի՞ էր նման Լիահոնան:

• Նայեք Առաքյալ բառը Աստվածաշնչի բառարանում կամ Սուրբ գրքերի ուղեցույցում: Ի՞նչ է այդ բառը նշանակում: (Դուք կարող եք տալ այս հարցը, երբ ուսանողները կարդացել են Ղուկաս 6.13-ը:)

Կարդացեք բաժին 5.1.1 էջ 59-60-ում ձեր Ավետարանի ուսուցում և ուսումնասիրություն ձեռնարկում: Կարդալիս ընդգծեք այն բառերը կամ արտահայտությունները, որոնք կօգնեն ձեզ հասկանալ, թե հարցեր տալը, որը կխրախուսի ուսանողներին տեղեկություն փնտրել, ինչպես կօգնի նրանց բացահայտել սուրբ գրությունների խմբի ենթատեքստը և բովանդակությունը:

Դիտեք «Հարցեր տալ. փնտրել տեղեկություն» (1:36) տեսանյութը, որն առկա է churchofjesuschrist.org կայքում: Այս տեսանյութում սեմինարիայի ուսուցիչը հարցեր է կազմում, որոնք կօգնեն իր ուսանողներին կարևոր տեղեկություն փնտրել Վարդապետություն և Ուխտեր 1.1-4 հատվածի բովանդակության և ենթատեքստի վերաբերյալ:

Գործնական պարապմունք

Ուսումնասիրեք Ղուկաս 5.1-11 հատվածը և գրեք երկու հարց, որոնք կհրավիրեն ուսանողներին փնտրել տեղեկություն, որը կօգնի նրանց հասկանալ այդ հատվածի ենթատեքստը և բովանդակությունը:

Առանձնահատուկ հարցերը, որոնք օգնում են ուսանողներին տեղեկություն փնտրել, հաճախ սկսվում են այսպիսի բառերով.

• Ըստ այս հատվածի, ո՞վ է :

• Նայելով այս հատվածին, ի՞նչ :

• Այս հատվածում, որտե՞ղ է :

Գրի առեք ձեր երկու հարցերը ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

Հարցեր, որոնք կօգնեն ուսանողներին վերլուծել ենթատեքստը և բովանդակությունը

Երբ ուսանողները ծանոթանան տվյալ հատվածի հիմնական մանրամասներին, տվեք հարցեր, որոնք կհրավիրեն նրանց վերլուծել այդ պատմության, մարդկանց և նրանց հանգամանքների մանրամասները և այլն:

Օրինակ, Ղուկաս 5.1-11-ն ուսումնասիրելիս ուսանողները կիմանան, որ Պետրոսը ողջ գիշեր ապարդյուն ձկնորսությամբ էր զբաղվել: Որպեսզի օգնեք ուսանողներին ավելի խորը վերլուծել այդ հատվածը, կարող եք այսպիսի հարցեր տալ՝

• Ձեր կարծիքով, ինչո՞ւ Պետրոսը տատանվելով գնաց կրկին ձուկ բռնելու:

• Ձեր կարծիքով, ինչո՞ւ Փրկիչը պատվիրեց դա Պետրոսին:

Կարդացեք 5.1.2 բաժնի «Օգնել ուսանողներին ավելի լավ հասկանալ սուրբ գրությունների ենթատեքստը և բովանդակությունը» ենթավերնագրի պարբերությունները՝ Ավետարանի ուսուցում և ուսումնասիրություն ձեռնարկ, էջ 60: Ընդգծեք այն բառերը կամ արտահայտությունները, որոնք կօգնեն ձեզ հասկանալ, թե հարցեր տալը, որն օգնում է ուսանողներին վերլուծել ենթատեքստը և բովանդակությունը, ինչպես է նպաստում խորացնել և հարստացնել սուրբ գրությունների իրենց հասկացողությունը:

Դիտեք «Հարցեր տալ. վերլուծել ենթատեքստը և բովանդակությունը» (1:45) տեսանյութը, որն առկա է churchofjesuschrist.org կայքում: Այս տեսանյութում սեմինարիայի ուսուցիչը տալիս է հարցեր, որոնք խրախուսում են ուսանողներին վերլուծել Վարդապետություն և Ուխտեր 1.1-4 հատվածի բովանդակությունը և ենթատեքստը:

Գործնական պարապմունք

Ղուկաս 5.1-11 հատվածից ստացած տեղեկության հիման վրա գրեք երկու հարց, որոնք կհուշեն ուսանողներին վերլուծել սուրբ գրության այդ հատվածի իմաստը:

Առանձնահատուկ հարցերը, որոնք օգնում են ուսանողներին վերլուծել ենթատեքստը և բովանդակությունը, հաճախ այսպես են սկսվում.

• Ձեր կարծիքով, ինչո՞ւ է :

• Ինչո՞ւ է դա :

• Ինչպե՞ս է … :

Գրի առեք ձեր երկու հարցերը ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

woman writing on whiteboard

Հարցեր տվեք, որոնք կօգնեն ուսանողներին բացահայտել վարդապետությունն ու սկզբունքները

Երբ տալիս եք հարցեր, որոնք օգնում են ուսանողներին հայտնաբերել վարդապետությունը և սկզբունքները, դուք հրավիրում եք նրանց բացահայտել և միևնույն ժամանակ հստակորեն սահմանել իրենց սովորած կարևոր ճշմարտությունները:

Օրինակ, պղնձե թիթեղները բերելու Նեփիի պատմությունը ուսումնասիրելուց հետո դուք կարող եք հարցնել. «Ի՞նչ սկզբունք է լուսաբանվում այս պատմության մեջ, որտեղ չնայած դժվարությանը, Նեփիին հաջողվում է ձեռք բերել պղնձե թիթեղները»: Դա խրախուսում է ուսանողներին հայտնաբերել և իրենց խոսքերով ձևակերպել տվյալ վարդապետությունը կամ սկզբունքը, օրինակ այսպես՝ Ես կարող եմ մեծ գործեր անել, երբ անում եմ այն, ինչ Տերն է պատվիրում ինձ անել:

Ուսումնասիրեք «Օգնել ուսանողներին հայտնաբերել ավետարանի սկզբունքները և վարդապետությունները» ենթավերնագրի պարբերությունները՝ Ավետարանի ուսուցում և ուսումնասիրություն ձեռնարկ, էջ 60-61: Ընդգծեք այն բառերը կամ արտահայտությունները, որոնք կօգնեն պարզաբանել հարցեր տալու կարևորությունը, որոնք խրախուսում են ուսանողներին հայտնաբերել վարդապետությունը և սկզբունքները:

Դիտեք «Հարցեր տալ. բացահայտել վարդապետությունը և սկզբունքները»(0:42) տեսանյութը, որն առկա է churchofjesuschrist.org կայքում: Այս տեսանյութում դասարանը քննարկում է Ելից 17 գլուխը, որտեղ Մովսեսը իր ձեռքերը վեր էր բարձրացնում, որպեսզի Իսրայելի զորքը կարողանար հաղթել ճակատամարտում: Տեսանյութը դիտելիս ուշադրություն դարձրեք, թե ինչպես է ուսուցիչը խնդրում դասարանին բացահայտել այս պատմության մեջ տրված սկզբունքը:

Գործնական պարապմունք

Ուսումնասիրեք Ղուկաս 5.1-11 հատվածը և գրեք մի հարց, որը կհրավիրի ուսանողներին բացահայտել վարդապետությունը կամ սկզբունքը:

Ստորև տրված են առանձնահատուկ հարցերի օրինակներ, որոնք խրախուսում են ուսանողներին բացահայտել վարդապետությունը և սկզբունքները.

• Ի՞նչ սկզբունք է լուսաբանվում այս հատվածում:

• Ո՞րն է պատմության բարոյախրատական իմաստը կամ նպատակը:

• Ձեր կարծիքով, ի՞նչ է ցանկացել հեղինակը, որ մենք սովորենք:

Գրի առեք ձեր հարցը ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրան և դրանով կիսվել ձեր գործնական պարապմունքի ղեկավարի կամ խմբի հետ:

girls in classroom

Հարցեր տվեք, որոնք կօգնեն ուսանողներին հասկանալ վարդապետությունը և սկզբունքները

Երբ ուսանողները բացահայտեն վարդապետությունը կամ սկզբունքը, տվեք հարցեր, որոնք կօգնեն դասարանին հասկանալ, թե՝ (1) ինչ է նշանակում տվյալ վարդապետությունը կամ սկզբունքը և (2) ինչպես կարող է տվյալ վարդապետությունը կամ սկզբունքը առնչություն ունենալ այսօրվա հետ: Օրինակ, երբ դասարանը բացահայտի Աստծո առաջին ոչ մի բան անկարելի չէ (Ղուկաս 1.37), կարող եք այսպիսի հարցեր տալ՝ «Ձեր կարծիքով, ի՞նչ է անկարելի բառը նշանակում» և «Ձեր կարծիքով, ինչո՞ւ պետք է մենք հասկանանք այս սկզբունքն այսօր»:

Ուսումնասիրեք «Օգնել ուսանողներին զարգացնել սկզբունքների և վարդապետությունների ավելի խորը հասկացողություն» ենթավերնագրի պարբերությունները՝ Ավետարանի ուսուցում և ուսումնասիրություն ձեռնարկ, էջ 61: Ընդգծեք այն բառերը կամ արտահայտությունները, որոնք պարզաբանում են հարցեր տալու կարևորությունը, հարցեր, որոնք խրախուսում են ուսանողներին հայտնաբերել վարդապետությունը և սկզբունքները:

Դիտեք «Հարցեր տալ. հասկանալ վարդապետությունը և սկզբունքները»(0:41) տեսանյութը, որն առկա է churchofjesuschrist.org կայքում: Այս տեսանյութում ինստիտուտի ուսուցիչը մի սկզբունք է ներկայացնում իր ուսանողներին և տալիս է հարց, որն օգնում է նրանց խորացնել այդ սկզբունքի վերաբերյալ իրենց հասկացողությունը:

Գործնական պարապմունք

Ուսումնասիրեք Ղուկաս 5.1-11 հատվածը և գրեք երկու հարց, որոնք կօգնեն ուսանողներին խորացնել հետևյալ սկզբունքի իրենց հասկացողությունը. Եթե մենք անենք այն, ինչ Տերը կպատվիրի, անգամ երբ չհասկանանք պատճառը, Նա ավելի մեծ օրհնություններ կպարգևի, քան մենք ակնկալում ենք:

Առանձնահատուկ հարցերը, որոնք օգնում են ուսանողներին հասկանալ վարդապետությունն ու սկզբունքները, հաճախ այսպես են սկսվում.

• Ձեր կարծիքով, ի՞նչ է նշանակում :

• Ձեր կարծիքով, ինչո՞ւ է :

• Ինչպե՞ս կբացատրեիք :

Գրի առեք ձեր երկու հարցերը ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

girl talking

Տվեք հարցեր, որոնք կօգնեն ուսանողներին զգալ վարդապետության և սկզբունքների ճշմարտությունն ու կարևորությունը

Կարող եք օգնել ուսանողներին անձնապես զգալ տվյալ սկզբունքի ճշմարտությունը և կարևորությունը տալով հարցեր, որոնք կհրավիրեն նրանց կիսվել իրենց փորձառությամբ և վկայությամբ: Նաև, ուսանողները կարող են շատ ընկալունակ դառնալ տվյալ սկզբունքի հանդեպ, երբ մյուս ուսանողները վկայեն, թե ինչպիսի ազդեցություն է այն ունեցել իրենց կյանքում:

Օրինակ, երբ ձեր դասարանի անդամները խորացնեն Աստծո առաջին ոչ մի բան անկարելի չէ (Ղուկաս 1.37) սկզբունքի վերաբերյալ իրենց հասկացողությունը, կարող եք տալ հետևյալ հարցը՝ «Հիշեք, թե երբ է Աստված օգնել ձեզ կամ ձեր ծանոթներից որևէ մեկին անել անհնարին թվացող մի բան: Ինչպե՞ս է այդ փորձառությունն ամրացրել Աստծո հանդեպ ձեր վկայությունը»:

Ուսումնասիրեք 5.1.3 բաժինը, ձեր Ավետարանի ուսուցում և ուսումնասիրություն ձեռնարկի էջ 61-62-ում: Ընդգծեք այն բառերը կամ արտահայտությունները, որոնք պարզաբանում են հարցեր տալու կարևորությունը, որոնք կօգնեն ուսանողներին զգալ վարդապետության և սկզբունքների ճշմարտացիությունը և կարևորությունը:

Դիտեք «Հարցեր տալ. հրավիրել զգացմունքներ և վկայություն»(0:48) տեսանյութը, որն առկա է churchofjesuschrist.org կայքում: Այս տեսանյութում դասարանը քննարկում է մի սկզբունք Ալմա 7-ից: Ուշադրություն դարձրեք ինչպես է ուսուցիչը տալիս հարցը, որը կօգնի ուսանողներին զգալ այդ սկզբունքի ճշմարտացիությունը և կարևորությունը:

Գործնական պարապմունք

Ուսումնասիրեք Ղուկաս 5.1-11 հատվածը և գրեք երկու հարցեր, որոնք կօգնեն ուսանողներին զգալ հետևյալ սկզբունքի ճշմարտացիությունը և կարևորությունը. Եթե մենք անենք այն, ինչ Տերը կպատվիրի, անգամ երբ չհասկանանք պատճառը, Նա ավելի մեծ օրհնություններ կպարգևի, քան մենք ակնկալում ենք:

Առանձնահատուկ հարցերը, որոնք օգնում են ուսանողներին զգալ վարդապետությունների ու սկզբունքների կարևորությունը, հաճախ այսպես են սկսվում.

• Ե՞րբ եք տեսել :

• Ե՞րբ եք զգացել :

• Ինչպե՞ս գիտեք, որ :

• Ի՞նչպես է ձեր կյանքը փոխվել այն բանի շնորհիվ, որ :

Գրի առեք ձեր երկու հարցերը ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրանց և դրանցով կիսվել ձեր գործնական պարապմունքի ղեկավարի կամ խմբի հետ:

man in front of whiteboard

Հարցեր տվեք, որոնք կօգնեն ուսանողներին կիրառել վարդապետությունը և սկզբունքները

Անգամ երբ ուսանողները հասկանում և զգում են տվյալ սկզբունքի ճշմարտացիությունը և կարևորությունը, նրանք դեռևս պետք է ընտրեն կիրառել այն իրենց կյանքում: Դուք որպես ուսուցիչ պետք է տաք հարցեր, որոնք կօգնեն ուսանողներին մտածել, թե ինչպես կարող են կիրառել ավետարանի սկզբունքներն իրենց ներկայիս և հետագա իրավիճակներում: Օրինակ, երբ ձեր դասարանի անդամները քննարկեն Աստծո առաջին ոչ մի բան անկարելի չէ (Ղուկաս 1.37) սկզբունքը, կարող եք հարցնել՝ «Ձեր վստահությունը ինչպե՞ս կդնեք Աստծո վրա, երբ հայտնվեք անհնարին թվացող իրավիճակում»:

Քանի որ որոշ ուսանողների պատասխանները գուցե լինեն անձնական կամ զգայուն, կարող եք առաջարկել ուսանողներին նմանատիպ հարցի իրենց պատասխանները գրի առնել իրենց ուսումնասիրության օրագրերում և ոչ թե կիսվել իրենց պատասխաններով դասարանի հետ:

Ուսումնասիրեք 5.1.4 բաժինը, ձեր Ավետարանի ուսուցում և ուսումնասիրություն ձեռնարկի էջ 62-ում: Ընդգծեք այն բառերը կամ արտահայտությունները, որոնք պարզաբանում են հարցեր տալու կարևորությունը, հարցեր, որոնք խրախուսում են ուսանողներին իրենց կյանքում կիրառել վարդապետությունը և սկզբունքները:

Դիտեք «Հարցեր տալ. խրախուսել կիրառումը» (0:50) տեսանյութը, որն առկա է churchofjesuschrist.org կայքում: Այս տեսանյութում դասարանը քննարկում է մի սկզբունք Ղուկաս 5.12-26 հատվածից: Ուշադրություն դարձրեք, թե ինչպես է ուսուցիչը հարցեր տալիս, որոնք օգնում են ուսանողներին մտածել, թե ինչպես կարող են կիրառել տվյալ սկզբունքը իրենց կյանքում:

Գործնական պարապմունք

Ուսումնասիրեք Ղուկաս 5.1-11 հատվածը և գրեք մի հարց, որը կօգնի ուսանողներին մտածել, թե ինչպես կարող են իրենց կյանքում կիրառել հետևյալ սկզբունքը. Եթե մենք անենք այն, ինչ Տերը կպատվիրի, անգամ, երբ չհասկանանք պատճառը, Նա ավելի մեծ օրհնություններ կպարգևի, քան մենք ակնկալում ենք:

Առանձնահատուկ հարցերը, որոնք օգնում են ուսանողներին հասկանալ վարդապետություններն ու սկզբունքները, հաճախ այսպես են սկսվում.

• Ի՞նչ փոփոխություններ կարող եք կատարել, որպեսզի բարելավեք :

• Ի՞նչ եք պատրաստվում անել, որովհետև :

• Ինչպե՞ս դուք :

Գրի առեք ձեր հարցը ուսումնասիրության օրագրում կամ մեկ այլ տեղում, որտեղ դուք կարող եք անդրադառնալ դրան և դրանով կիսվել ձեր գործնական պարապմունքի ղեկավարի կամ խմբի հետ:

Օգտագործեք հարցեր ուսուցչի ձեր ձեռնարկից

Արդյունավետ հարցերի օրինակներ հիմնականում կարող եք գտնել ուսուցչի ձեր ձեռնարկից: Յուրաքանչյուր դասի մեջ տրված են հարցեր, որ կարող եք օգտագործել ձեր դասի ընթացքում: Ուսուցչի ձեր ձեռնարկում տրված շատ հարցեր նպատակ ունեն օգնել ուսանողներին կիրառել ուսումնական օրինակի տարրերը:

Երբ ձգտում եք զարգացնել հարց գրելու ձեր հմտությունները, օգտակար կլինի վերանայել ուսուցչի ձեր ձեռնարկի հարցերը, որպեսզի ավելի լավ հասկանաք ճիշտ ձևակերպված հարցերի առանձնահատկությունները:

Ամփոփում և կիրառություն

Սկզբունքներ, որոնք պետք է հիշել

• Հարցեր տալը և պատասխանելը բոլոր ուսումնասիրությունների և բոլոր ուսուցումների հիմքն է հանդիսանում:

• Արդյունավետ հարցեր տալը առավել կարևոր հմտություններից մեկն է, որ կարող եք զարգացնել որպես ուսուցիչ:

• Մանրակրկիտ ձևակերպված հարցեր օգտագործելով, կարող եք օգնել ձեզ և ձեր ուսանողներին հասնել որոշակի նպատակների:

• Լավ հարցեր կազմել սովորելը ժամանակ, ջանքեր և փորձ է պահանջում:

Elder Richard G. Scott

«Մանրակրկիտ ձևակերպված հարցեր տվեք, որոնք մտքի համար խթան են հանդիսանում: Անգամ եթե պատասխանները կատարյալ չեն, դրանք կմեծացնեն կարևոր դասեր սովորելու հավանականությունը» (Richard G. Scott, “To Understand and Live Truth” [an evening with Elder Richard G. Scott, Feb. 4, 2005], 3, si.churchofjesuschrist.org):

«Ուրեմն՝ ի՞նչ»:

Որպեսզի եզրափակեք ուսուցման այս փորձը, գրի առեք որոշ բաներ, որոնք դուք կանեք` ըստ այսօրվա ձեր սովորած սկզբունքների: