បទពិសោធន៍ការរៀនសូត្រ ទី ១៤ ៖ សេចក្តីណែនាំស្ដីពីចំណេះចំណានខាងគោលលទ្ធិ

« មេរៀនវគ្គបំពាក់បំប៉នគ្រូបង្រៀនទី ១៤ ៖ សេចក្តីណែនាំស្ដីពីចំណេះចំណានខាងគោលលទ្ធិ » ធនធានបំពាក់បំប៉នគ្រូបង្រៀនថ្មី ៖ ដៃគូកែលម្អគ្រូបង្រៀនជាមួយនឹងក្បួនខ្នាតការបង្រៀន និង ការរៀនសូត្រដំណឹងល្អ ( ឆ្នាំ ២០១៦ )

« បទពិសោធន៍ការរៀនសូត្រទី ១៤ » ធនធានបំពាក់បំប៉នគ្រូបង្រៀនថ្មី

បទពិសោធន៍ការរៀនសូត្រទី ១៤

សេចក្តីណែនាំស្ដីពីចំណេះចំណានខាងគោលលទ្ធិ

ទិដ្ឋភាពទូទៅ

បទពិសោធន៍ការរៀនសូត្រនេះមាននូវគោលគំនិតដូចខាងក្រោម ៖

ការយល់ដឹងអំពីគោលបំណង និងលទ្ធផលនៃចំណេះចំណេះខាងគោលលទ្ធិដែលប្រាថ្នាចង់បាន
ការរៀនសូត្រ និងការអនុវត្តគោលលទ្ធិដ៏ទេវភាពដើម្បីទទួលបានចំណេះដឹងខាងវិញ្ញាណនៅក្នុងចំណេះចំណានខាងគោលលទ្ធិ
ការចេះស្ទាត់នូវគោលលទ្ធិនៃដំណឹងល្អនៃព្រះយេស៊ូវគ្រីស្ទ ។
ការអនុវត្តចំណេះចំណានខាងគោលលទ្ធិនៅក្នុងថ្នាក់រៀន

កំណត់ចំណាំ ៖បទពិសោធន៍ការរៀនសូត្រនេះផ្ដល់ជាទិដ្ឋភាពទូទៅនៃ គោលការណ៍ និងការអនុវត្តចំណេះចំណានខាងគោលលទ្ធិ ។ សម្រាប់ការរំឭកកាន់តែជ្រៅជ្រះមួយ សូមមើល ឯកសារគោលនៃចំណេះចំណានខាងគោលលទ្ធិស្នូល,ឯកសារចែកចាយ « ទិដ្ឋភាពទូទៅនៃចំណេះចំណានខាងគោលលទ្ធិ » និង doctrinalmastery.churchofjesuschrist.org ។

គោលគំនិតសំខាន់ៗ

ហេតុអ្វីចំណេះចំណានខាងគោលលទ្ធិ ?

ក្នុងនាមជាគ្រូបង្រៀនក្នុងថ្នាក់សិក្ខាសាលា និងថ្នាក់វិទ្យាស្ថាននៃសាសនា ពួកយើងព្យាយាមជួយដល់សិស្សឲ្យស្ថាបនាគ្រឹះរបស់ពួកគេនៅលើព្រះយេស៊ូវគ្រីស្ទ តាមរយៈការជួយពួកគេឲ្យយល់ ជឿ ហើយរស់នៅតាមគោលលទ្ធិរបស់ទ្រង់ ( សូមមើលហេលេមិន ៥:១២ ) ។ ទោះជាយ៉ាងណាក៏ដោយ គ្រូបង្រៀន និងសិស្សសព្វថ្ងៃនេះទំនងជាជួបនឹងឧបសគ្គខ្លាំងនៅក្នុងការស្ថាបនាសេចក្ដីជំនឿទៅលើព្រះយេស៊ូវគ្រីស្ទ ។ សូមពិចារណាអំពីឧទាហរណ៍មួយចំនួននៃឧបសគ្គទាំងនេះនៅក្នុងជីវិតរបស់អ្នក និងជីវិតសិស្សរបស់អ្នក ។ អែលឌើរ អិម រ័សុល បាឡឺដ នៃកូរ៉ុមនៃពួកសាវកដប់ពីរនាក់ បានពិពណ៌នាអំពីស្ថានភាពលំបាកៗមួយចំនួនដែលសិស្ស និងគ្រូបង្រៀនជួបប្រទះ ៖

« ពេលវេលាកន្លងផុតទៅហើយ ពេលសិស្សត្រូវបានការពារពីមនុស្សដែលវាយប្រហារលើសាសនាចក្រ ។ …

« …ពុំមែនសិស្សរបស់អ្នកទាំងអស់មានសេចក្ដីជំនឿដែលចាំបាច់ដើម្បីប្រឈមមុខនឹងឧបសគ្គដែលនៅខាងមុខនោះទេ ។ …

« [ យើងរស់នៅក្នុងជំនាន់មួយ ] ដែលសិស្សអាចចូលទៅកាន់អ្វីៗដែលប្រកបដោយគុណធម៌ភ្លាមៗអំពីសាសនាចក្រមកពីគ្រប់ទស្សនវិស័យដែលអាចមាន ។ សព្វថ្ងៃនេះ អ្វីដែលពួកគេមើលឃើញនៅក្នុងទូរសព្ទដៃរបស់ពួកគេ ទំនងជាទាំងជាឧបសគ្គចំពោះសេចក្ដីជំនឿក៏ដូចជាការជំរុញឲ្យមានសេចក្តីជំនឿផងដែរ ។ …

« នៅក្នុងពន្លឺនៃឧបសគ្គទាំងនេះ គណៈកម្មការអប់រំសាសនាចក្រ ថ្មីៗនេះបានអនុមតិឲ្យមានកម្មវិធីមួយនៅក្នុងថ្នាក់សិក្ខាសាលាដែលហៅថា ចំណេះចំណានខាងគោលលទ្ធិ ។… ការចាប់ផ្ដើមថ្មីនេះ នឹងផ្ដោតទៅលើការស្ថាបនា និងការពង្រឹងដល់សេចក្ដីជំនឿរបស់សិស្សយើងទៅលើព្រះយេស៊ូវគ្រីស្ទ ហើយការពារពួកគេដោយសមត្ថភាពកាន់តែខ្លាំងដើម្បីរស់នៅ និងអនុវត្តដំណឹងល្អនៅក្នុងជីវិតពួកគេ ។ …

« កម្មវិធីនេះគឺបំផុសគំនិត និងត្រូវចំពេលវេលា ។ វានឹងមានឥទ្ធិពលដ៏អស្ចារ្យមួយចំពោះមនុស្សវ័យក្មេងរបស់យើង » ( អិម. រ័សុល បាឡឺត « The Opportunities and Responsibilities of CES Teachers in the 21st Century » [ សុន្ទរកថាទៅកាន់អ្នកអប់រំក្នុងប្រព័ន្ធអប់រំសាសនាចក្រ ថ្ងៃទី ២៦ ខែកុម្ភៈ ឆ្នាំ ២០១៦ ] ) ។

តើចំណេះចំណានខាងគោលលទ្ធិជាអ្វី ?

ដើម្បីជួយអ្នកឲ្យយល់បានកាន់តែល្អប្រសើរអំពីកម្មវិធី ចំណេះចំណានខាងគោលលទ្ធិ សូមមើលវីដេអូ « តើចំណេះចំណានខាងគោលលទ្ធិជាអ្វី ? » ( ៣:៥៣ ) មាននៅលើchurchofjesuschrist.org ។ នៅពេលអ្នកមើល ចូរចាំក្នុងចិត្តនូវសំណួរដូចខាងក្រោម ៖

ហេតុអ្វីចំណេះចំណានខាងគោលលទ្ធិបានបំផុសគំនិត និងត្រូវចំពេលវេលាសម្រាប់យុវវ័យបច្ចុប្បន្ននេះ ?
តើលទ្ធផលនៃចំណេះចំណានខាងគោលលទ្ធិមានអ្វីខ្លះ ?

4:3

លទ្ធផលនៃចំណេះចំណានខាងគោលលទ្ធិ

ស្រទាប់ក្រាហ្វិកមូលដ្ឋានអំពីចំណេះចំណានខាងគោលលទ្ធិ

ចំណេះចំណានខាងគោលលទ្ធិផ្ដោតទៅលើលទ្ធផលចំនួនពីរ ៖

ការរៀនសូត្រ និងការអនុវត្តគោលលទ្ធិដ៏ទេវភាពដើម្បីទទួលបានចំណេះដឹងខាងវិញ្ញាណ
ការចេះស្ទាត់នូវគោលលទ្ធិនៃដំណឹងល្អនៃព្រះយេស៊ូវគ្រីស្ទ និងវគ្គបទគម្ពីរទាំងឡាយដែលបង្រៀនអំពីគោលលទ្ធិ

លទ្ធផលទាំងពីរនេះបំពេញឲ្យគ្នា ហើយអាចជួយដល់សិស្សឲ្យស្ថាបនាមូលដ្ឋានគ្រឹះរបស់ពួកគេទៅលើព្រះយេស៊ូវគ្រីស្ទ និងគោលលទ្ធិរបស់ទ្រង់ ។ នៅពេលសិស្សសម្រេចបានលទ្ធផលទាំងនេះ នោះពួកគេមានការផ្លាស់ប្រែចិត្តជឿកាន់តែខ្លាំង ហើយអាចជួយអ្នកដទៃឲ្យធ្វើដូចគ្នា ។

នៅក្នុងបទពិសោធន៍ការរៀនសូត្រនេះ យើងនឹងពិនិត្យមើលទៅលើលទ្ធផលនីមួយៗឲ្យកាន់តែលម្អិត សូមមើលពីរបៀបដែលពួកគេបានអនុវត្តនៅក្នុងថ្នាក់រៀនមួយ ហើយយល់ដឹងកាន់តែល្អប្រសើរអំពីរបៀបដែលសិស្សអាចត្រូវបានប្រទានពរកាន់តែពេញលេញតាមរយៈ ព្រះយេស៊ូវ គ្រីស្ទ និងគោលលទ្ធិរបស់ទ្រង់ ។

ការទទួលបានចំណេះដឹងខាងវិញ្ញាណ

លទ្ធផលទីមួយគឺដើម្បីជួយសិស្សរបស់អ្នករៀន និងអនុវត្តគោលការណ៍ដ៏ទេវភាពដើម្បីទទួលបានចំណេះដឹងខាងវិញ្ញាណ ។ ព្រះទ្រង់ញាណដឹងអ្វីៗគ្រប់យ៉ាង ហើយជាប្រភពនៃសេចក្ដីពិតទាំងអស់ ។ ដោយសារទ្រង់ស្រឡាញ់យើង ទ្រង់សព្វព្រះទ័យជួយយើងស្វែងរកសេចក្ដីពិត នៅពេលយើងព្យាយាមចង់ចេះដឹង និងយល់អំពីគោលលទ្ធិរបស់ទ្រង់ និងនៅពេលយើងព្យាយាមឆ្លើយចំពោះសំណួរ និងកង្វល់ទាំងឡាយរបស់យើង ។

នៅពេលអ្នកធ្វើការនៅក្នុងវគ្គនេះ សូមពិចារណាអំពីសំណួរ និងកង្វល់មួយចំនួនដែលសិស្សរបស់អ្នកអាចមាន ដូចជា « ហេតុអ្វីក៏មានការរងទុក្ខច្រើនខ្លាំងម្ល៉េះនៅក្នុងពិភពលោកនេះ ? » « តើយ៉ូសែប ស៊្មីធ បានអនុវត្តពហុពន្ធភាពឬ ? » ហើយ « តើព្រះស្រឡាញ់ខ្ញុំឬទេ ? »

ក្រាហ្វិកចំណេះចំណានខាងគោលលទ្ធិ ការទទួលបានកម្រិតចំណេះដឹងខាងវិញ្ញាណ

គោលការណ៍ចំនួនបីនៃ ការទទួលបានចំណេះដឹងខាងវិញ្ញាណខាងក្រោមនេះអាចដឹកនាំគ្រូបង្រៀន ក៏ដូចជាសិស្ស នៅពេលពួកគេព្យាយាមរៀនសូត្រ និងយល់ដឹងអំពីសេចក្ដីពិតដ៏អស់កល្បជានិច្ច ដោះស្រាយសំណួរ និងកង្វល់ ហើយធ្វើការសម្រេចចិត្តនៅក្នុងជីវិតប្រចាំថ្ងៃ របស់ពួកគេ ៖

ធ្វើសកម្មភាពដោយសេចក្ដីជំនឿ
ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយ
ព្យាយាមយល់ដឹងបន្ថែម តាមរយៈប្រភពដែលត្រូវបានតែងតាំងដ៏ទេវភាព

គោលការណ៍នីមួយៗទាំងនេះ ត្រូវបានពន្យល់បន្ថែម ហើយបានបង្ហាញនៅក្នុងវគ្គដូចខាងក្រោម ។

ធ្វើសកម្មភាពដោយសេចក្ដីជំនឿ ។

នៅពេលយើងធ្វើសកម្មភាពដោយសេចក្ដីជំនឿ យើងទុកចិត្តព្រះ ហើយបែរទៅរកទ្រង់ដំបូងគេ តាមរយៈការអធិស្ឋានដោយស្មោះត្រង់ សិក្សា ហើយគោរពប្រតិបត្តិតាម ។ យើងពឹងផ្អែកទៅលើអ្វីដែលយើងបានដឹងរួចហើយថាជាការពិត រួចហើយបន្ដស្វែងរកចម្លើយ ។ យើងទុកចិត្តថាសំណួរ និងកង្វល់របស់យើង នឹងត្រូវបានឆ្លើយតប និងដោះស្រាយទៅតាមពេលវេលារបស់ព្រះអម្ចាស់ ។

សូមមើលវីដេអូ « ធ្វើសកម្មភាពដោយសេចក្ដីជំនឿ ៖ ជាងសំណង់» ( ៤:៥៨ ) មាននៅchurchofjesuschrist.org ។ នៅពេលអ្នកមើលវីដេអូនេះ សូមរកមើលរបៀបដែលសំណួរ និងកង្វល់របស់យើង អាចត្រូវបានដោះស្រាយក្នុងពេលណាមួយ តាមរយៈការបន្ដធ្វើសកម្មភាពដោយសេចក្ដីជំនឿ ។

4:56

ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយ

តាមការពិនិត្យមើលសំណួរ កង្វល់ បញ្ហាខាងសង្គម និងព្រឹត្តការណ៍ជាប្រវត្តិសាស្ត្រនៅក្នុងបរិបទនៃផែនការនៃសេចក្ដីសង្គ្រោះ និងការបង្រៀនរបស់ព្រះអង្គសង្គ្រោះ នោះយើងអញ្ជើញយាងព្រះវិញ្ញាណបរិសុទ្ធឲ្យជួយយើងមើលឃើញរឿងទាំងឡាយដូចជាព្រះអម្ចាស់ទតឃើញ ។ យើងផ្ដោតទៅលើទិដ្ឋភាពសំខាន់នៃដំណឹងល្អ ហើយមិនត្រូវបានរំខានដោយរឿងល្អិតល្អោចដែលមិនសូវសំខាន់ ។

សូមមើលវីដេអូ « Examining Questions with an Eternal Perspective » ( ២:៥៦ នាទី ) ដែលមាននៅលើគេហទំព័រ churchofjesuschrist.org ។ នៅពេលអ្នកមើលវីដេអូនេះ សូមរកមើលរបៀបដែលយើងអាចកែសម្រួលសំណួរ និងកង្វល់ ( ឬមើលវាតាមរបៀបផ្សេង ) ហើយមើលគំនិតទាំងឡាយផ្អែកទៅលើបទដ្ឋាននៃសេចក្ដីពិតរបស់ព្រះអម្ចាស់ ជាជាងការទទួលយកគំនិត និងការគិតស្មានរបស់លោកិយ ។ នៅពេលអ្នកមើល ចូរចាំក្នុងចិត្តនូវសំណួរដូចខាងក្រោម ៖

តើការយល់ដឹងអំពីផែនការនៃសេចក្ដីសង្គ្រោះរបស់ព្រះវរបិតាសួគ៌ និងគោលលទ្ធិរបស់ទ្រង់ជួយសិស្សរបស់អ្នកឲ្យមើលឃើញសំណួរ និងកង្វល់ដោយទស្សនវិស័យដ៏អស់កល្បជានិច្ចបានល្អប្រសើរយ៉ាងដូចម្ដេចខ្លះ ?

2:56

សូមកត់ត្រាចម្លើយរបស់អ្នកចំពោះសំណួរនេះនៅក្នុងសៀវភៅកំណត់ហេតុការសិក្សាមួយ ឬកន្លែងផ្សេងទៀត ដែលអ្នកអាចយកវាមកមើល ហើយចែកចាយជាមួយនឹងអ្នកដឹកនាំ ឬក្រុមវគ្គបំពាក់បំប៉នគ្រូបង្រៀន ។

ស្វែងរកការយល់ដឹងបន្ថែមតាមរយៈប្រភពដែលត្រូវបានតែងតាំងដ៏ទេវភាព

នៅពេលយើងព្យាយាមយល់ដឹងបន្ថែមតាមរយៈប្រភពដែលត្រូវបានតែងតាំងដ៏ទេវភាព នោះយើងទទួលបានចំណេះដឹងខាងវិញ្ញាណតាមរយៈព្រះវិញ្ញាណបរិសុទ្ធ បទគម្ពីរ ពួកព្យាការី ឪពុកម្ដាយ ថ្នាក់ដឹកនាំទាំងឡាយរបស់សាសនាចក្រ និងប្រភពជាទីទុកចិត្តដទៃទៀត ។ នៅពេលយើងរៀនមកពីប្រភពទាំងនេះ នោះយើងរៀនទទួលស្គាល់ ហើយញែកដឹងសេចក្ដីពិតពីកំហុសឆ្គង ។

ចូរគិតអំពីប្រភពដែលត្រូវបានតែងតាំងដ៏ទេវភាព ដែលអ្នក និងសិស្សរបស់អ្នកអាចប្រើប្រាស់ដើម្បីស្វែងរកការយល់ដឹងបន្ថែម ដូចជាបទគម្ពីរ និងសារលិខិតមកពីសន្និសីទទូទៅ ។ ក៏សូមពិចារណាផងដែរអំពីប្រភពជាទីទុកចិត្តដទៃទៀត ដែលអ្នកអាចប្រើប្រាស់ ដូចជាប្រភពនៅក្នុង ទំព័រ « ប្រធានបទដំណឹងល្អ តែងសេចក្ដី និងធនធានដទៃៗទៀត » នៅលើchurchofjesuschrist.org ។

សកម្មភាពចំណេះចំណានខាងគោលលទ្ធិ

សូមសិក្សាវគ្គ « ការទទួលបានចំណេះដឹងខាងវិញ្ញាណ » នៅក្នុងឯកសារគោលនៃចំណេះចំណានខាងគោលលទ្ធិ ដើម្បីរំឭក និងកាន់តែស្គាល់គោលការណ៍ទាំងឡាយនៃការទទួលបានចំណេះដឹងខាងវិញ្ញាណ ។ សូមរំឭកគោលការណ៍បីនៃ ការទទួលបានចំណេះដឹងខាងវិញ្ញាណ ដែលបានចែងនៅក្នុងវគ្គនេះ ហើយគូសបន្ទាត់ពីក្រោមទិដ្ឋភាពសំខាន់ៗដទៃទៀតនៃការទទួលបានចំណេះដឹងខាងវិញ្ញាណ ។

ការចេះគោលលទ្ធិស្ទាត់

លទ្ធផលទីពីរនៃចំណេះចំណានខាងគោលលទ្ធិ គឺការចេះស្ទាត់នូវគោលលទ្ធិនៃដំណឹងល្អនៃព្រះយេស៊ូវគ្រីស្ទ ។ តាមរយៈការចេះគោលលទ្ធិស្ទាត់ នោះសិស្សអាចស្ទាត់ជំនាញនៅក្នុងការប្រើគោលការណ៍នៃការទទួលបានចំណេះដឹងខាងវិញ្ញាណនៅក្នុងការស្រាវជ្រាវរកសេចក្ដីពិតរបស់ពួកគេ ។

នៅខាងក្រោមនេះ គឺជាធាតុដ៏សំខាន់បីយ៉ាងនៃការចេះគោលលទ្ធិស្ទាត់ ៖

យល់ដឹងអំពី ប្រធានបទនៃគោលលទ្ធិ និង សេចក្ដីថ្លែងការណ៍សំខាន់ៗ
ចេះវគ្គចំណេះចំណានខាងគោលលទ្ធិ
ពន្យល់ និងអនុវត្តគោលលទ្ធិ

យល់ដឹងអំពី ប្រធានបទនៃគោលលទ្ធិ និង សេចក្ដីថ្លែងការណ៍សំខាន់ៗ

បន្ថែមពីលើគោលការណ៍នៃការទទួលបានចំណេះដឹងខាងវិញ្ញាណ សិស្សនឹងសិក្សាប្រធានបទខាងគោលលទ្ធិចំនួនប្រាំបួន ។ ប្រធានបទខាងគោលលទ្ធិនីមួយៗរួមមាននូវសេចក្ដីថ្លែងការណ៍អំពីគោលលទ្ធិដែលសំខាន់សម្រាប់សិស្សត្រូវយល់ ជឿ ហើយអនុវត្ត ។ សេចក្ដីថ្លែងការណ៍នៃគោលលទ្ធិមួយចំនួនទាំងនេះចេញមកពីឯកសារគោលនៃចំណេះចំណានខាងគោលលទ្ធិត្រូវបានហៅថាសេចក្ដីថ្លែងការណ៍អំពីគោលលទ្ធិសំខាន់ៗ ។ សេចក្ដីថ្លែងការណ៍សំខាន់ៗទាំងនេះ ជាប់ទាក់ទងនឹងវគ្គបទគម្ពីរចំណេះចំណានខាងគោលលទ្ធិ ដែលជួយបង្រៀនទិដ្ឋភាពជាក់លាក់នៃសេចក្ដីថ្លែងការណ៍អំពីគោលលទ្ធិ ។

ចេះវគ្គចំណេះចំណានខាងគោលលទ្ធិ

មានវគ្គចំណេះចំណានខាងគោលលទ្ធិចំនួន ២៥ សម្រាប់វគ្គសិក្សានីមួយៗ ( សរុបមាន ១០០ វគ្គចំណេះចំណានខាងគោលលទ្ធិ ) ។ វគ្គបទគម្ពីរទាំងនេះជួយបង្រៀនទិដ្ឋភាពនៃសេចក្ដីថ្លែងការណ៍សំខាន់ៗដែលជាប់ទាក់ទងជាមួយនឹងប្រធានបទខាងគោលលទ្ធិនីមួយៗ ។ ឧទាហរណ៍ សេចក្ដីថ្លែងការណ៍អំពីគោលលទ្ធិសំខាន់ៗដូចខាងក្រោម មានជាប់ទាក់ទងនឹងវគ្គចំណេះចំណានខាងគោលលទ្ធិមួយចេញមកពីប្រធានបទខាងគោលលទ្ធិ « ដង្វាយធួនរបស់ព្រះយេស៊ូវគ្រីស្ទ » ៖ « ពលិកម្មរបស់ [ ព្រះយេស៊ូវ គ្រីស្ទ ] ផ្ដល់ប្រយោជន៍ដល់យើងម្នាក់ៗ ហើយបង្ហាញពីតម្លៃដ៏និរន្ដរន៍របស់បុត្រាបុត្រីរបស់ព្រះវរបិតាសួគ៌ម្នាក់ៗ និងគ្រប់រូប ( សូមមើល គ. និង ស. ១៨:១០–១១ ) » ( Doctrinal Mastery Core Document [ ឆ្នាំ ២០១៦ ], ៦) ។ ការជួយសិស្សឲ្យចងចាំ វគ្គបទគម្ពីរទាំងនេះ ស្គាល់ទីតាំងបទគម្ពីរ ហើយយល់អំពីរបៀបដែលវគ្គបទគម្ពីរជួយបង្រៀនពីគោលលទ្ធិរបស់ព្រះអង្គសង្គ្រោះ គឺជាផ្នែកមួយដ៏សំខាន់នៃកិច្ចការរបស់អ្នកក្នុងនាមជាគ្រូបង្រៀន ។

ពន្យល់ និងអនុវត្តគោលលទ្ធិ

ផ្នែកមួយដ៏សំខាន់នៃ ការចេះស្ទាត់នូវគោលលទ្ធិនៃដំណឹងល្អនៃព្រះយេស៊ូវគ្រីស្ទ គឺការអាចពន្យល់ឲ្យច្បាស់លាស់អំពីសេចក្ដីថ្លែងការណ៍អំពីគោលលទ្ធិសំខាន់ៗនីមួយៗ ហើយយល់អំពីរបៀបដែលវគ្គចំណេះចំណានខាងគោលលទ្ធិជួយបង្រៀនសេចក្ដីថ្លែងការណ៍សំខាន់ៗទាំងឡាយ ។ នៅពេលសិស្សយល់ដឹងអំពីគោលលទ្ធិ ហើយអាចរកឃើញ និងចងចាំវគ្គចំណេះចំណានខាងគោលលទ្ធិ និងសេចក្ដីថ្លែងការណ៍អំពីគោលលទ្ធិសំខាន់ៗដែលជាប់ទាក់ទង នោះពួកគេអាចអនុវត្តគោលលទ្ធិ ហើយពន្យល់អំពីវាទៅ កាន់អ្នកដទៃបានកាន់តែល្អប្រសើរ ។ ដូចប្រធាន ប្រធាន ប៊យដ៏ ឃេ ផាកកឺ ( ឆ្នាំ ១៩២៤-២០១៥ ) នៃកូរ៉ុមនៃពួកសាវកដប់ពីរនាក់ បានបង្រៀនថា « គោលលទ្ធិពិត ពេលត្រូវបានយល់ច្បាស់ វាកែប្រែឥរិយាបថ និង ចរិតរបស់មនុស្ស » ( « Little Children », Ensign ខែ វិច្ឆិកា ឆ្នាំ ១៩៨៦ , ទំព័រ ១៧ ) ។

សកម្មភាពចំណេះចំណានខាងគោលលទ្ធិ

សូមមើលប្រធានបទខាងគោលលទ្ធិចំនួនប្រាំបួនត្រួសៗនៅក្នុងឯកសារគោលនៃចំណេះចំណានខាងគោលលទ្ធិដើម្បីមើលរបៀបដែលវាត្រូវបានរៀបចំ ។ សូមសិក្សាកថាកណ្ឌទីមួយនៅក្រោមប្រធានបទ ៣ « ដង្វាយធួនរបស់ព្រះយេស៊ូវគ្រីស្ទ » ហើយរកមើលរបៀបដែលវគ្គចំណេះចំណានខាងគោលលទ្ធិ ត្រូវបានដាក់បញ្ចូលទៅក្នុងប្រធានបទខាងគោលលទ្ធិ ហើយជួយបង្រៀនសេចក្ដីថ្លែងការណ៍អំពីគោលលទ្ធិសំខាន់ៗចំៗពីមុនវានោះ ។ ចូរគិតអំពីរបៀបដែលគោលលទ្ធិនេះអាចជួយសិស្សស្ថាបនាមូលដ្ឋានគ្រឹះរបស់ពួកគេទៅលើព្រះយេស៊ូវគ្រីស្ទ ហើយចាប់ផ្ដើមឆ្លើយសំណួរ និងកង្វល់ផ្ទាល់ខ្លួនពួកគេ ដូចជា « តើព្រះស្រឡាញ់ខ្ញុំឬទេ ? »

ចំណេះចំណានខាងគោលលទ្ធិនៅក្នុងថ្នាក់រៀន

ស្រទាប់ក្រាហ្វិកចុងក្រោយអំពីចំណេះចំណានខាងគោលលទ្ធិ

ឥឡូវដោយសារអ្នកបានយល់អំពីលទ្ធផលនៃចំណេះចំណានខាងគោលលទ្ធិ និងរបៀបដែលវាអាចជួយសិស្សស្ថាបនាមូលដ្ឋានគ្រឹះរបស់ពួកគេទៅលើព្រះយេស៊ូវគ្រីស្ទ នោះយើងនឹងពិនិត្យមើលរបៀបដែលវាត្រូវបានប្រើ និងបង្រៀននៅក្នុងថ្នាក់រៀន ។

កម្មវិធីសិក្សាអំពីចំណេះចំណានខាងគោលលទ្ធិ ជួយគ្រូបង្រៀន និងសិស្សរៀន ហើយអនុវត្តគោលការណ៍ដែលទាក់ទងទៅនឹងការទទួលបានចំណេះដឹងខាងវិញ្ញាណ និងប្រធានបទខាងគោលលទ្ធិចំនួនប្រាំបួន ។ សមាសធាតុសំខាន់ៗនៃកម្មវិធីសិក្សារួមមាន ៖

ការយល់ដឹងអំពីគោលលទ្ធិ ៖ លំដាប់នៃសកម្មភាព ឬវគ្គរៀនសូត្រដើម្បីជួយសិស្សអភិវឌ្ឍការយល់ដឹងកាន់តែជ្រាលជ្រៅអំពី ប្រធានបទខាងគោលលទ្ធិនីមួយៗ សេចក្ដីថ្លែងការណ៍អំពីគោលលទ្ធិសំខាន់ៗដែលជាប់ទាក់ទង និងវគ្គបទគម្ពីរចំណេះចំណានខាងគោលលទ្ធិដែលជាប់ទាក់ទង ។
អនុវត្តលំហាត់ ៖លំហាត់ដែលត្រូវនឹងករណីសិក្សា ការដើរតួសម្ដែង រឿង និងសំណួរដើម្បីជួយសិស្សអនុវត្តគោលការណ៍នៃការទទួលបានចំណេះដឹងខាងវិញ្ញាណ និងគោលលទ្ធិមកស្ថានភាពសម័យទំនើប និងសំណួរដែលជាប់ពាក់ព័ន្ធ ។
រំឭកវគ្គចំណេះចំណានខាងគោលលទ្ធិ ៖សកម្មភាពដែលជួយសិស្សរកបទគម្ពីរឃើញ ចងចាំ និងសេចក្ដីថ្លែងការណ៍ខាងគោលលទ្ធិសំខាន់ៗ និងវគ្គបទគម្ពីរចំណេះចំណានខាងគោលលទ្ធិដែលជាប់ទាក់ទង ។

សកម្មភាពឯកសារសម្រាប់គ្រូបង្រៀនចំណេះចំណានខាងគោលលទ្ធិ

ដើម្បីមើលឃើញពីរបៀបដែលចំណេះចំណានខាងគោលលទ្ធិមានលក្ខណៈយ៉ាងណានៅក្នុងថ្នាក់រៀន សូមបើកឯកសារចំណេះចំណានខាងគោលលទ្ធិរបស់អ្នកទៅកាន់មេរៀនដែលមានចំណងជើងថា « ដង្វាយធួនរបស់ព្រះយេស៊ូវគ្រីស្ទ» ។ នៅក្នុងមេរៀន សូមពិនិត្យមើលលំហាត់ក្នុងថ្នាក់រៀនដូចខាងក្រោមនេះ ៖ ( ១ ) ការយល់ដឹងអំពីគោលលទ្ធិ ( ២ ) អនុវត្តលំហាត់ និង ( ៣ ) រំឭកវគ្គចំណេះចំណានខាងគោលលទ្ធិ ។ សូមកត់ចំណាំថា នៅក្នុងការយល់ដឹងអំពីលំហាត់ខាងគោលលទ្ធិ នោះសេចក្ដីថ្លែងការណ៍អំពីគោលលទ្ធិសំខាន់ៗ ត្រូវបានដាក់ជាអក្សរដិត ហើយមានជាប់ទាក់ទងនឹងវគ្គបទគម្ពីរចំណេះចំណានខាងគោលលទ្ធិ ដើម្បីជួយសិស្សចេះគោលលទ្ធិស្ទាត់ ។ សូមកត់ចំណាំថា នៅក្នុងលំហាត់អនុវត្ត សិស្សត្រូវបានអញ្ជើញឲ្យពន្យល់ និងអនុវត្តគោលលទ្ធិចំពោះសំណួរ និងកង្វល់ចេញមកពីជីវិតផ្ទាល់ខ្លួនរបស់ពួកគេ និងជីវិតរបស់អ្នកដទៃ ។ នៅពេលសិស្សចូលរួមនៅក្នុងលំហាត់អនុវត្ត វាគឺជាការសំខាន់ដើម្បីប្រើគោលការណ៍ទាំងឡាយនៃ ការទទួលបានចំណេះដឹងខាងវិញ្ញាណ ។ ទីបញ្ចប់ សូមកត់ចំណាំថា ការរំឭកវគ្គចំណេះចំណានខាងគោលលទ្ធិ គឺត្រូវបានរៀបចំឡើងដើម្បីជួយសិស្សរកបទគម្ពីរឃើញ ចងចាំនិងចេះសេចក្ដីថ្លែងការណ៍ខាងគោលលទ្ធិសំខាន់ៗ និងវគ្គបទគម្ពីរចំណេះចំណានខាងគោលលទ្ធិដែលជាប់ទាក់ទងឲ្យបានស្ទាត់ ។

សិស្សរបស់អ្នកនឹងទទួលពរជ័យនៅពេលពួកគេដាក់បញ្ចូលគោលការណ៍ និងការអនុវត្តនៃចំណេះចំណានខាងគោលលទ្ធិនៅក្នុងជីវិតរបស់ពួកគេ ។

សូមមើលវីដេអូ « ការទទួលបានចំណេះដឹងខាងវិញ្ញាណ ៖ រឿងម៉ាឌីសុន » ( ៨:៣៦ ),មាននៅលើ churchofjesuschrist.org ។ នៅក្នុងវីដេអូនេះ យុវនារីម្នាក់ឈ្មោះ ម៉ាឌីសុន ប្រើគោលការណ៍នៃការទទួលបានចំណេះដឹងខាងវិញ្ញាណដើម្បីទទួលបានចម្លើយចំពោះសំណួររបស់នាង ហើយបង្រៀន និងជួយអ្នកដទៃស្គាល់សេចក្ដីពិត ។ នៅពេលអ្នកមើល ចូរចាំក្នុងចិត្តនូវសំណួរដូចខាងក្រោម ៖

តើចំណេះចំណានខាងគោលលទ្ធិអាចជួយសិស្សស្ថាបនាមូលដ្ឋានគ្រឹះរបស់ពួកគេទៅលើព្រះយេស៊ូវគ្រីស្ទ និងគោលលទ្ធិរបស់ទ្រង់យ៉ាងដូចម្ដេច ?
តើគោលការណ៍នៃការទទួលបានចំណេះដឹងខាងវិញ្ញាណអាចជួយអ្នកដឹកនាំសិស្សម្នាក់ដើម្បីរៀនសេចក្ដីពិត និងស្វែងរកចម្លើយចំពោះ សំណួររបស់គាត់ ឬនាងយ៉ាងដូចម្ដេច ?
តើគោលការណ៍នៃចំណេះចំណានខាងគោលលទ្ធិអាចជួយសិស្សនៅក្នុងការជួយអ្នកដទៃឲ្យទទួលបានចំណេះដឹងខាងវិញ្ញាណយ៉ាងដូចម្ដេច ?

8:35

ការពិចារណាបន្ថែមអំពីចំណេះចំណានខាងគោលលទ្ធិ

ការពិចារណាដូចខាងក្រោមនេះនឹងជួយអ្នកប្រើចំណេះចំណានខាងគោលលទ្ធិនៅក្នុងថ្នាក់របស់អ្នកបានល្អបំផុត ។ ស្វែងរកជំនួយ និងការដឹកនាំរបស់ព្រះអម្ចាស់អំពីអ្នកសម្របសម្រួលក្នុងមូលដ្ឋានរបស់អ្នកដើម្បីកំណត់អំពីរបៀបដើម្បីអនុវត្តចំណេះចំណានខាងគោលលទ្ធិបានល្អបំផុតនៅក្នុងការចាត់តាំងរបស់អ្នក និងសម្រាប់សិស្សរបស់អ្នក ។

សូមប្រើឯកសារ « ទិដ្ឋភាពទូទៅនៃចំណេះចំណានខាងគោលលទ្ធិ » ដែលបានផ្ដល់ឲ្យនៅក្នុងឧបសម្ព័ន្ធនៃសៀវភៅសិក្សានេះដើម្បីរំឭក និងចងចាំសមាសធាតុនីមួយៗនៃចំណេះចំណានខាងគោលលទ្ធិ និងរបៀបដែលសមាសធាតុនីមួយៗបំពេញបន្ថែមគ្នាទៅវិញទៅមក ។
ចំណេះចំណានខាងគោលលទ្ធិ និងការបង្រៀនបទគម្ពីរតាមលំដាប់លំដោយមានភាពដាច់ដោយឡែកពីគ្នា ហើយជាក់លាក់ ហើយទាំងពីរគឺជាធាតុសំខាន់នៃបទពិសោធន៍របស់សិស្សនៅក្នុងថ្នាក់សិក្ខាសាលា ។ ដើម្បីបង្រៀនចំណុចទាំងពីរដោយជោគជ័យ នោះអ្នកនឹងចាំបាច់ត្រូវរៀបផែនការមេរៀនដោយយកចិត្តទុកដាក់ ដោយប្រើការណែនាំអំពីការដាក់កាលវិភាគដែលបានផ្ដល់យោបល់ធ្វើឲ្យតម្រូវការក្នុងមូលដ្ឋានរបស់អ្នកមានតុល្យភាព ។
ទោះជាយ៉ាងណាក៏ដោយ គោលគំនិត និងគោលការណ៍នៃចំណេះចំណានខាងគោលលទ្ធិ អាចនៅតែអនុវត្តអំឡុងមេរៀនតាមលំដាប់លំដោយ ឬស្ថានភាពដទៃទៀតនៅក្នុងឆ្នាំ នៅពេលសំណួរ ឬកង្វល់បានលើកឡើងនៅក្នុងថ្នាក់ ។ ការគូសបញ្ជាក់អំពីវគ្គចំណេះចំណានខាងគោលលទ្ធិ នៅពេលអ្នកជួបនឹងពួកគេនៅក្នុងការសិក្សាបទគម្ពីរតាមលំដាប់លំដោយរបស់អ្នក នឹងជួយសិស្សទទួលបានការយល់ដឹងកាន់តែច្រើនអំពីបរិបទ និងមាតិការនៃវគ្គនិមួយៗ ក៏ដូចជាការតម្កើងសារៈសំខាន់នៃសេចក្ដីពិតដែលវគ្គបទគម្ពីរនីមួយៗបង្រៀនផងដែរ ។
ចំណេះចំណានខាងគោលលទ្ធិស្ថាបនាពីលើ និងជំនួសឲ្យកម្មវិធីចំណេះចំណានខាងគោលលទ្ធិ ។ មាតិកាចំណេះចំណានខាងបទគម្ពីរនៅក្នុងការបោះពុម្ពលើកមុន គួរតែត្រូវបានជំនួសដោយសកម្មភាពចំណេះចំណានខាងគោលលទ្ធិ និងវគ្គបទគម្ពីរ ។
សម្រាប់គំនិតយោបល់ និងការដឹកនាំបន្ថែម សូមចូលទៅកាន់doctrinalmastery.churchofjesuschrist.org ។

សេចក្ដីសង្ខេប និងការអនុវត្ត

គោលការណ៍ដើម្បីចងចាំ

ចំណេះចំណានខាងគោលលទ្ធិ គឺជាកម្មវិធីដ៏បំផុសគំនិតមួយដើម្បីប្រទានពរដល់សិស្សរបស់យើង នៅពេលពួកគេរីកចម្រើន ហើយប្រឈមមុខនឹងឧបសគ្គលំបាកៗ ។
ចំណេះចំណានខាងគោលលទ្ធិ ផ្ដោតទៅលើលទ្ធផលចំនួនពីរ ៖ ( ១ ) ការរៀនសូត្រ និងការអនុវត្តគោលលទ្ធិដ៏ទេវភាពដើម្បីទទួលបានចំណេះដឹងខាងវិញ្ញាណ ( ២ ) ការចេះស្ទាត់នូវគោលលទ្ធិនៃដំណឹងល្អនៃព្រះយេស៊ូវគ្រីស្ទ និងវគ្គបទគម្ពីរទាំងឡាយដែលបង្រៀនអំពីគោលលទ្ធិ ។
ការជួយសិស្សទទួលបានលទ្ធផលនៃចំណេះចំណានខាងគោលលទ្ធិ នឹងជួយពួកគេស្ថាបនាមូលដ្ឋានគ្រឹះរបស់ពួកគេទៅលើព្រះយេស៊ូវគ្រីស្ទ នៅពេលពួកគេបានយល់ដឹង ជឿ និងរស់នៅតាមគោលលទ្ធិរបស់ទ្រង់ ។

« ចំណេះចំណានខាងគោលលទ្ធិ គឺជាកម្មវិធីមួយនៅក្នុងថ្នាក់សិក្ខាសាលាដែលមានគោលបំណងបីយ៉ាង ៖ ទីមួយ ដើម្បីជួយសិស្សរបស់យើងរៀនអំពីរបៀបដើម្បីទទួលបានចំណេះដឹងខាងវិញ្ញាណ ទីពីរ ដើម្បីជួយសិស្សដឹង និងយល់អំពីគោលលទ្ធិរបស់ព្រះអង្គសង្គ្រោះ—ដែលមានន័យថាដឹងទាំងគោលលទ្ធិពិតនៅក្នុងគំនិតរបស់ពួកគេ និងយល់ពីគោលលទ្ធិពិតនៅក្នុងដួងចិត្តរបស់ពួកគេ ហើយទីបី ដើម្បីជួយសិស្សរៀនអំពីរបៀបដើម្បីអនុវត្តគោលលទ្ធិនៅក្នុងជីវិតរបស់ពួកគេ ទាំងរស់នៅតាមហើយប្រើប្រាស់វាដើម្បីឆ្លើយតបសំណួរដែលមិត្តភក្ដិរបស់ពួកគេអាចមាន ឬដើម្បីបង្រៀន និងជួយអ្នកដទៃស្គាល់សេចក្ដីពិត » ( គីម ប៊ី ក្លាក « ចំណេះចំណានខាងគោលលទ្ធិ និងការរៀនសូត្រជ្រៅជ្រះ » [ សុន្ទរកថាទៅកាន់អ្នកអប់រំខាងសាសនាក្នុងប្រព័ន្ធអប់រំសាសនាចក្រ ថ្ងៃទី ១៧ ខែកុម្ភៈ ឆ្នាំ ២០១៧ ] ) ។

ហេតុដូច្នេះ តើត្រូវធ្វើយ៉ាងណា ?

ដើម្បីបញ្ចប់បទពិសោធន៍ការរៀនសូត្រនេះ ចូរសរសេរនូវរឿងមួយចំនួនដែលអ្នកនឹងធ្វើ ផ្អែកទៅលើគោលការណ៍នានាដែលអ្នកបានរៀននៅថ្ងៃនេះ ។