បទពិសោធន៍ការរៀនសូត្រទី ៨
ការយល់ ការទទួលអារម្មណ៍ និងការអនុវត្តគោលលទ្ធិ និងគោលការណ៍ទាំងឡាយ
សេចក្តីសង្ខេប
បទពិសោធន៍ការរៀនសូត្រនេះមាននូវគោលគំនិតដូចខាងក្រោម ៖
-
ការដាក់ដំណឹងល្អ ចូលក្នុងដួងចិត្តរបស់យើង
-
ការយល់ដឹងអំពីគោលលទ្ធិ និង គោលការណ៍ទាំងឡាយ
-
ការទទួលអារម្មណ៍ដឹងពីសេចក្តីពិត និង សារៈសំខាន់នៃគោលលទ្ធិ និង គោលការណ៍ទាំងឡាយ
-
ការអនុវត្តគោលលទ្ធិ និង គោលការណ៍ទាំងឡាយ
គោលគំនិតសំខាន់ៗ
លំនាំការរៀនសូត្រផ្ដល់ជាមូលដ្ឋានគ្រឹះដែលជួយដាក់ដំណឹងល្អនៅក្នុងគំនិត និងដួងចិត្តរបស់យើង ។ នៅក្នុងបទពិសោធន៍ការរៀនសូត្រនេះ យើងនឹងបង្ហាញពីការយល់ដឹង ការទទួលអារម្មណ៍ពីសេចក្ដីពិត និងសារៈសំខាន់នៃសេចក្ដីពិត ហើយការអនុវត្តគោលលទ្ធិ និងគោលការណ៍នានា ។
គោលបំណងនៃបទពិសោធន៍ការរៀនសូត្រនេះ គឺដើម្បីផ្ដល់នូវការណែនាំសង្ខេបមួយចំពោះទិដ្ឋភាពនានានៃលំនាំការរៀនសូត្រ ។ នៅពេលអ្នកបម្រើជាគ្រូបង្រៀនថ្នាក់សិក្ខាសាលា ឬថ្នាក់វិទ្យាស្ថាន អ្នកនឹងមានឱកាសច្រើនដើម្បីរៀន និងអនុវត្តជំនាញទាំងនេះ ។
ការយល់ ការទទួលអារម្មណ៍ដឹងពីសេចក្តីពិត និង សារៈសំខាន់នៃសេចក្ដីពិត និងការអនុវត្តគោលលទ្ធិ និង គោលការណ៍ទាំងឡាយ
រឿងប្រៀបធៀបអំពីត្បូង គឺជាពាក្យប្រៀបប្រដូចសម្រាប់ការសិក្សាបទគម្ពីរ ។ ខាងក្រោមនេះ ជាធាតុបីដើម្បីជួយយើងយល់នូវអ្វីដែលយើងអាចធ្វើនៅក្នុងការសិក្សារបស់យើង បន្ទាប់ពីយើងបានស្គាល់សារៈសំខាន់នៃសេចក្ដីពិតដំណឹងល្អ ។
-
យល់ដឹងអំពីគោលលទ្ធិ និង គោលការណ៍ទាំងឡាយ
-
យុវនារីបានសិក្សាអំពីត្បូងនីមួយៗ ដែលនាងបានរុករកឃើញ ហើយស្វែងយល់ដោយប្រុងប្រយ័ត្ននូវទម្រង់និងមុខឆ្នៃជាច្រើនរបស់វា ។
-
នៅពេលយើងរុករកត្បូងនៃសេចក្ដីពិតនៅក្នុងទម្រង់នៃគោលលទ្ធិ និងគោលការណ៍នានា នោះយើងអាចសិក្សាដោយយកចិត្តទុកដាក់ទៅលើវានីមួយៗដើម្បីយល់អំពីអត្ថន័យ និងសារៈសំខាន់របស់វាកាន់តែល្អប្រសើរឡើង ។
-
ទទួលអារម្មណ៍ដឹងពីសេចក្តីពិត និង សារៈសំខាន់នៃគោលលទ្ធិ និង គោលការណ៍ទាំងឡាយ
-
យុវនារីមានអារម្មណ៍អំណរគុណចំពោះត្បូងនីមួយៗក្នុងខ្លួនរបស់នាង ។
-
នៅពេលយើងទទួលបានការយល់ដឹងកាន់តែជ្រៅជ្រះអំពីសេចក្ដីពិតដែលយើងបានរកឃើញ នោះយើងដឹងពីសារៈសំខាន់ ភាពទាក់ទង និងភាពបន្ទាន់របស់ពួកវា ។
-
អនុវត្តគោលលទ្ធិ និង គោលការណ៍ទាំងឡាយ
-
ឪពុករបស់យុវនារីបានអញ្ជើញនាងឲ្យពិចារណាអំពីអ្វីដែលនាងអាចធ្វើជាមួយនឹងត្បូងដែលនាងបានរកឃើញនោះ ។
-
ដោយបានទទួលទីបន្ទាល់ និងអំណរគុណចំពោះគោលលទ្ធិ ឬគោលការណ៍មួយ នោះយើងគួរពិចារណាអំពីរបៀបជាក់លាក់ដែលយើងអាចអនុវត្តវានៅក្នុងជីវិតយើងផ្ទាល់ ។
ពួកព្យាការី និងពួកសាវកថ្ងៃចុងក្រោយ បានគូសបញ្ជាក់អំពីសារៈសំខាន់នៃការដាក់ដំណឹងល្អចូលទៅជ្រៅក្នុងដួងចិត្តរបស់យើង ។ ការយល់ដឹងអំពីបរិបទ និងមាតិកានៃបទគម្ពីរដើម្បីស្គាល់សារៈសំខាន់នៃគោលលទ្ធិ និងគោលការណ៍នានានៃដំណឹងល្អ គឺជាការចាប់ផ្ដើមដ៏ល្អមួយដើម្បីទទួលចំណេះដឹងនៃសេចក្ដីពិតនៃដំណឹងល្អ ។ ប៉ុន្តែដើម្បីជួយដល់អ្វីដែលយើងដឹងនៅក្នុងគំនិតយើងចាក់ជ្រៅចូលទៅក្នុងដួងចិត្តរបស់យើង ជាញឹកញាប់មាននូវអ្វីជាច្រើនដែលយើងត្រូវធ្វើ ។ យើងត្រូវស្វែងរក ៖
-
យល់គោលលទ្ធិ និងគោលការណ៍នានាដែលយើងបានស្គាល់ ។
-
ទទួលអារម្មណ៍ដឹងពីសេចក្ដីពិត និងសារៈសំខាន់របស់វា ។
-
អនុវត្តវាក្នុងជីវិតរបស់យើង ។
ធាតុទាំងបីនៃលំនាំការរៀនសូត្រទាំងនេះ ធ្វើការជាមួយគ្នាដើម្បីអញ្ជើញព្រះវិញ្ញាណបរិសុទ្ធ ដែលជួយយើងឲ្យដាក់ដំណឹងល្អចាក់ចូលជ្រៅទៅក្នុងដួងចិត្តរបស់យើង ។
សកម្មភាពក្នុងក្បួនខ្នាតការបង្រៀន និងការរៀនដំណឹងល្អ
ការបង្រៀន និងការរៀនសូត្រដំណឹងល្អ ៖ ក្បួនខ្នាតសម្រាប់គ្រូបង្រៀន និងថ្នាក់ដឹកនាំនៅក្នុងថ្នាក់សិក្ខាសាលា និងថ្នាក់វិទ្យាស្ថានសាសនា (២០១២) មាននូវព័ត៌មានសំខាន់អំពីទិដ្ឋភាពនៃលំនាំការរៀនសូត្រនីមួយៗទាំងនេះ ។ សូមរុករកនូវអ្វីដែលក្បួនខ្នាតបង្រៀនដោយការអានវគ្គដែលបានប្រាប់នៅក្នុងក្បួនខ្នាត ហើយឆ្លើយសំណួរដែលឆ្លើយឆ្លងគ្នានោះ ។
-
យល់ដឹងអំពីគោលលទ្ធិ និង គោលការណ៍ទាំងឡាយ
ចូរស្រាវជ្រាវវគ្គ ២.៥.២ (« ការយល់អំពីគោលលទ្ធិ និងគោលការណ៍នានា ») នៅទំព័រ ២៨-២៩ នៅក្នុងក្បួនខ្នាតការបង្រៀន និងការរៀនសូត្រដំណឹងល្អរបស់អ្នក។ នៅពេលអ្នកសិក្សា សូមរកមើលចម្លើយទាំងឡាយចំពោះសំណួរទាំងឡាយខាងក្រោមនេះ ៖
-
តើពាក្យថា « យល់អំពីគោលលទ្ធិ ឬគោលការណ៍ដំណឹងល្អមួយ » មានន័យយ៉ាងណា ?
-
តើខ្ញុំអាចបង្កើនការយល់ដឹងអំពីគោលលទ្ធិ និងគោលការណ៍ដំណឹងល្អដែលខ្ញុំស្គាល់បានដោយរបៀបណា ?
-
-
ទទួលអារម្មណ៍ដឹងពីសេចក្តីពិត និង សារៈសំខាន់នៃគោលលទ្ធិ និង គោលការណ៍ទាំងឡាយ
ចូរស្រាវជ្រាវវគ្គ ២.៥.៣ (« ទទួលអារម្មណ៍ដឹងពីសេចក្តីពិត និង សារៈសំខាន់នៃគោលលទ្ធិ និង គោលការណ៍ទាំងឡាយ ») នៅទំព័រ ២៩-៣០ នៅក្នុងក្បួនខ្នាតការបង្រៀន និងការរៀនសូត្រដំណឹងល្អ។ នៅពេលអ្នកសិក្សា សូមរកមើលចម្លើយទាំងឡាយចំពោះសំណួរទាំងឡាយខាងក្រោមនេះ ៖
-
ហេតុអ្វីក៏វាសំខាន់ចំពោះខ្ញុំដើម្បីទទួលអារម្មណ៍ដឹងពីសេចក្តីពិត និង សារៈសំខាន់នៃគោលលទ្ធិ ឬគោលការណ៍មួយ ដែលខ្ញុំបានស្គាល់ដូច្នេះ ?
-
តើខ្ញុំអាចធ្វើអ្វីខ្លះ ក្នុងនាមជាអ្នករៀនសូត្រម្នាក់ដើម្បីអញ្ជើញឲ្យមានឥទ្ធិពលនៃព្រះវិញ្ញាណមកជួយខ្ញុំទទួលអារម្មណ៍ដឹងពីសេចក្តីពិត និង សារៈសំខាន់នៃគោលលទ្ធិ ឬគោលការណ៍ ដែលខ្ញុំស្គាល់នោះ ?
-
តើព្រះវិញ្ញាណបរិសុទ្ធមានតួនាទីអ្វីខ្លះនៅក្នុងដំណើរការនេះ ?
-
-
អនុវត្តគោលលទ្ធិ និង គោលការណ៍ទាំងឡាយ
ចូរស្រាវជ្រាវវគ្គ ២.៥.៤ (« អនុវត្តគោលលទ្ធិ និងគោលការណ៍ទាំងឡាយ ») នៅទំព័រ ៣០-៣១ នៅក្នុងក្បួនខ្នាតការបង្រៀន និងការរៀនសូត្រដំណឹងល្អ។ នៅពេលអ្នកសិក្សា សូមរកមើលចម្លើយទាំងឡាយចំពោះសំណួរទាំងឡាយខាងក្រោមនេះ ៖
-
តើខ្ញុំអាចដឹងថាខ្ញុំកំពុងអនុវត្តគោលការណ៍ដំណឹងល្អមួយ ដែលខ្ញុំបានស្គាល់ដោយរបៀបណា ?
-
តើអ្វីនឹងកើតឡើងនៅក្នុងជីវិតរបស់ខ្ញុំ នៅពេលខ្ញុំព្យាយាមអនុវត្តគោលលទ្ធិ ឬគោលការណ៍ដែលខ្ញុំបានស្គាល់នោះ ?
-
តើខ្ញុំអាចធ្វើអ្វីខ្លះនៅក្នុងការសិក្សាផ្ទាល់ខ្លួនរបស់ខ្ញុំ ដើម្បីផ្ដោតទៅលើការអនុវត្តសេចក្ដីពិតដែលខ្ញុំកំពុងរៀនបានកាន់តែច្រើននោះ ?
-
ចេញមកពីសម្ភារទាំងអស់ដែលអ្នកទើបតែបានសិក្សានៅក្នុងក្បួនខ្នាតការបង្រៀន និងការរៀនសូត្រដំណឹងល្អ ចូរផ្ដោតទៅលើយោបល់គ្រឹះចំនួនបី ។ នៅក្នុងបញ្ជីខាងក្រោមនេះ ធាតុនីមួយៗត្រូវបានដាក់ជាគូជាមួយនឹងសកម្មភាពមួយ ដែលអ្នកអាចធ្វើ នៅពេលអ្នកព្យាយាមយល់ ទទួលអារម្មណ៍ដឹងពីសេចក្ដីពិត និងសារៈសំខាន់នៃសេចក្ដីពិត ហើយអនុវត្តសេចក្ដីពិតដែលអ្នកបានរៀននៅក្នុងបទគម្ពីរទាំងឡាយ ។
-
យល់ដឹងអំពីគោលលទ្ធិ និង គោលការណ៍ទាំងឡាយ
សូមវិភាគអំពីអត្ថន័យនៃគោលលទ្ធិ ឬគោលការណ៍ដោយការសួរសំណួរ និងការស្វែងរកចម្លើយទាំងឡាយ ។
-
ទទួលអារម្មណ៍ដឹងពីសេចក្តីពិត និង សារៈសំខាន់នៃគោលលទ្ធិ និង គោលការណ៍ទាំងឡាយ
សូមនឹកគិតអំពីឥទ្ធិពលដែលគោលការណ៍មាននៅក្នុងជីវិតរបស់អ្នក ឬនៅក្នុងជីវិតរបស់អ្នកដទៃទៀត ។
-
អនុវត្តគោលលទ្ធិ និង គោលការណ៍ទាំងឡាយ
សូមពិចារណាអំពីសកម្មភាពជាក់លាក់ដែលអ្នកគួរតែធ្វើដើម្បីអនុវត្តគោលលទ្ធិ ឬគោលការណ៍នៅក្នុងជីវិតរបស់អ្នក ។
អនុវត្តលំនាំបទពិសោធន៍ការរៀនសូត្រ
សូមមើលវីដេអូ«Understanding, Feel, and Apply Principles »(៧:១២) មាននៅក្នុងchurchofjesuschrist.org។ នៅក្នុងវីដេអូនេះ គ្រូបង្រៀនបីនាក់ពិភាក្សាអំពីការខិតខំរបស់ពួកគេដើម្បីយល់ ទទួលអារម្មណ៍ដឹងពីសេចក្ដីពិត និងសារៈសំខាន់នៃសេចក្ដីពិត ហើយអនុវត្តគោលលទ្ធិ និងគោលការណ៍ទាំងឡាយនៅក្នុងលូកា ៥:១-១១។
សូមកត់ត្រាគំនិតពីរឬបី ដែលលេចធ្លោចំពោះអ្នក នៅពេលអ្នកមើលការពិភាក្សានេះនៅក្នុងសៀវភៅកំណត់ហេតុការសិក្សាមួយ ឬកន្លែងផ្សេងទៀត ដែលអ្នកអាចយកវាមកមើល ហើយចែកចាយជាមួយនឹងអ្នកដឹកនាំ ឬក្រុមវគ្គបំពាក់បំប៉នគ្រូបង្រៀន ។
សកម្មភាពអនុវត្តដែលបានដឹកនាំ
នៅក្នុងអេធើរ ៦:១-១២យើងអានថា ព្រះអម្ចាស់បានបណ្ដាលឲ្យមានខ្យល់ដឹកនាំភេត្រារបស់ពួកសាសន៍យ៉ារ៉េឌទៅកាន់ដែនដីសន្យា ។ ខាងក្រោមនេះ គឺជាគោលការណ៍មួយដែលយើងអាចស្គាល់នៅក្នុងវគ្គបទគម្ពីរនេះ ៖នៅពេលយើងទុកចិត្តទៅលើព្រះអម្ចាស់ ហើយធ្វើតាមព្រះទ័យរបស់ទ្រង់ នោះទ្រង់នឹងដឹកនាំផ្លូវនៃជីវិតរបស់យើង ។ សូមធ្វើតាមជំហានដូចខាងក្រោមនៅក្នុងការខិតខំយល់ ទទួលអារម្មណ៍ដឹងពីសេចក្ដីពិត និងសារៈសំខាន់នៃសេចក្ដីពិត ហើយអនុវត្តគោលការណ៍នេះ ។ សូមកត់ត្រាចម្លើយ និងគំនិតរបស់អ្នកនៅក្នុងបទគម្ពីរ ឬសៀវភៅកំណត់ហេតុរបស់អ្នក ។
-
អភិវឌ្ឍការយល់ដឹងរបស់អ្នកអំពីគោលការណ៍
សូមវិភាគអំពីអត្ថន័យនៃគោលការណ៍ដោយការសួរសំណួរដូចមាននៅខាងក្រោម ហើយស្វែងរកចម្លើយ ៖
-
តើការទុកចិត្តមានអត្ថន័យយ៉ាងណា ?
-
តើវាមានន័យយ៉ាងណាដើម្បីទុកចិត្តទៅលើព្រះអម្ចាស់ ?
-
ហេតុអ្វីព្រះអម្ចាស់អាចដឹកនាំជីវិតនៃអស់អ្នកដែលទុកចិត្តទ្រង់ ?
-
តើព្រះអម្ចាស់ដឹកនាំផ្លូវជីវិតរបស់បុគ្គលម្នាក់ៗដោយរបៀបណា ?
-
-
សូមព្យាយាមដើម្បីទទួលអារម្មណ៍ដឹងពីសេចក្ដីពិត និងសារៈសំខាន់នៃគោលការណ៍
សូមនឹកគិតអំពីឥទ្ធិពលដែលគោលការណ៍មាននៅក្នុងជីវិតរបស់អ្នក ឬនៅក្នុងជីវិតអ្នកដទៃទៀត រួមមានទាំងបុគ្គលម្នាក់ៗនៅក្នុងបទគម្ពីរ ឬនៅក្នុងប្រវត្តិសាស្ត្រសាសនាចក្រ ។
-
តើជីវិត និងទីបន្ទាល់របស់អ្នកឆ្លុះបញ្ចាំងពីសេចក្ដីពិតនៃគោលការណ៍នេះដោយវិធីណា ?
-
តើជីវិត និងទីបន្ទាល់របស់អ្នកដទៃដែលអ្នកបានគិត ឆ្លុះបញ្ចាំងអំពីសេចក្ដីពិតនៃគោលការណ៍នេះតាមវិធីណា ?
-
-
អនុវត្តគោលការណ៍
សូមពិចារណាអំពីសកម្មភាពជាក់លាក់ដែលអ្នកគួរតែធ្វើដើម្បីអនុវត្តគោលលទ្ធិ ឬគោលការណ៍នៅក្នុងជីវិតរបស់អ្នក ។
សកម្មភាពអនុវត្តដោយខ្លួនឯង
សូមជ្រើសរើសគោលការណ៍មួយដែលអ្នកស្គាល់នៅក្នុងការសិក្សារបស់អ្នកអំពីលូកា ៥:១២-២៦នៅក្នុងបទពិសោធន៍ការរៀនសូត្រទី ៧ឬជ្រើសរើសគោលការណ៍មួយដែលបានប្រាប់នៅក្នុងវគ្គ ៣.២ («លូកា ៥ ៖ គំរូ ») នៅទំព័រ ៤២-៤៦ នៃក្បួនខ្នាតការបង្រៀន និងការរៀនសូត្រដំណឹងល្អ។ បន្ទាប់មកធ្វើដូចខាងក្រោម ៖
-
អភិវឌ្ឍការយល់ដឹងរបស់អ្នកអំពីគោលការណ៍ ។
សូមវិភាគអំពីអត្ថន័យនៃគោលលទ្ធិ ឬគោលការណ៍ដោយការសួរសំណួរ និងការស្វែងរកចម្លើយទាំងឡាយ ។
-
សូមព្យាយាមទទួលអារម្មណ៍ដឹងពីសេចក្ដីពិត និងសារៈសំខាន់នៃគោលការណ៍ ។
សូមនឹកគិតអំពីឥទ្ធិពលដែលគោលការណ៍មាននៅក្នុងជីវិតរបស់អ្នក ឬនៅក្នុងជីវិតរបស់អ្នកដទៃទៀត ។
-
អនុវត្តគោលការណ៍ ។
សូមពិចារណាអំពីសកម្មភាពជាក់លាក់ដែលអ្នកគួរតែធ្វើដើម្បីអនុវត្តគោលលទ្ធិ ឬគោលការណ៍នៅក្នុងជីវិតរបស់អ្នក ។
សូមកត់ត្រាគំនិត និងចំណាប់អារម្មណ៍មួយចំនួនរបស់អ្នកមកពីសកម្មភាពនេះនៅក្នុងសៀវភៅកំណត់ហេតុការសិក្សាមួយ ឬកន្លែងផ្សេងទៀត ដែលអ្នកអាចយកវាមកមើល ហើយចែកចាយជាមួយនឹងអ្នកដឹកនាំ ឬក្រុមវគ្គបំពាក់បំប៉នគ្រូបង្រៀន ។
សេចក្ដីសង្ខេប និងការអនុវត្ត
គោលការណ៍ដើម្បីចងចាំ
-
គោលបំណងនៃការរៀនសូត្រដំណឹងល្អ គឺដើម្បីអញ្ជើញព្រះវិញ្ញាណបរិសុទ្ធឲ្យជួយយើងដកយកគោលលទ្ធិ និងគោលការណ៍ទាំងឡាយនៃដំណឹងល្អពីក្នុងគំនិតរបស់យើងមកដាក់ចូលក្នុងដួងចិត្តរបស់យើង ។
-
ការយល់ដឹងអំពីគោលលទ្ធិ ឬគោលការណ៍មួយ ពុំគ្រាន់តែដឹងពីអត្ថន័យរបស់វាប៉ុណ្ណោះទេ ប៉ុន្តែជាការដឹងពីរបៀបដែលវាអាចជះឥទ្ធិពលមកលើជីវិតរបស់យើងផងដែរ ។
-
ការយល់ច្បាស់ពីគោលលទ្ធិ ឬ គោលការណ៍មួយរៀបចំយើងឲ្យទទួលអារម្មណ៍ដឹងពីសេចក្តីពិត និង សារៈសំខាន់របស់វា ។
-
ការទទួលអារម្មណ៍ដឹងពីសេចក្ដីពិត និងសារៈសំខាន់នៃគោលលទ្ធិ ឬគោលការណ៍មួយ បង្កើនបំណងប្រាថ្នាដើម្បីអនុវត្តវានៅក្នុងជីវិតរបស់យើង ។
-
ការអនុវត្តកើតមាននៅពេលយើងនិយាយ គិត ហើយរស់នៅតាមអ្វីដែលយើងបានរៀន ។
« គ្រូបង្រៀនពិតម្នាក់ នៅពេលគាត់បានបង្រៀនអំពីកត្តាពិត [នៃដំណឹងល្អ] … គាត់នាំ [សិស្សទាំងឡាយ] ឲ្យបោះជំហានទៅទទួលបានសាក្សីខាងវិញ្ញាណ និង ការយល់ដឹងនៅក្នុងដួងចិត្តរបស់ពួកគេ ដែលនាំឲ្យមានសកម្មភាព និង ការធ្វើទង្វើរឡើង » ( រ៉ូបឺត ឌី ហ៊ែល « Teaching by Faith» [ល្ងាច មួយ ជាមួយ អែលឌើរ បឺត ឌី ហែល ថ្ងៃទី ១ ខែ កុម្ភៈ ឆ្នាំ ២០០២] , ទំព័រ ៥si.churchofjesuschrist.org) ។
« ហេតុដូច្នោះហើយ តើខ្ញុំត្រូវធ្វើយ៉ាងណា ? »
ដើម្បីបញ្ចប់បទពិសោធន៍ការរៀនសូត្រនេះ ចូរសរសេរនូវរឿងមួយចំនួនដែលអ្នកនឹងធ្វើ ផ្អែកទៅលើគោលការណ៍នានាដែលអ្នកបានរៀននៅថ្ងៃនេះ ។