Ngaahi Talanoa mei he Folofolá

Kimu‘a Pea Tau Ha‘u ki he Māmaní

Te ke lava ‘o lau ʻa e talanoa ko ʻení ʻi he ʻĒpalahame 3:22–27. Kumi ha peesi ke valivali ʻi he peesi 48.

Kimuʻa pea fanauʻi kitautolú, ne tau nofo ʻi he langí mo ʻetau Tamai Hēvaní. Naʻá Ne akoʻi kitautolu fekauʻaki mo ʻEne palani ʻo e fiefiá.

Naʻe folofola e Tamai Hēvaní te tau haʻu ki māmani ke maʻu ha sino. Ke tau ako mo fakahoko ha ngaahi fili. ʻE ʻi ai ha ngaahi taimi te tau fakahoko ai ha ngaahi fehalaaki. Te tau fie maʻu ha Fakamoʻui.

ʻE fakahā mai ʻe he Fakamoʻuí ʻa e founga ke tau moʻui aí. Pea ʻi heʻetau fai ha fili ʻoku halá, te tau lava ʻo fakatomala.

Naʻe folofola ʻa Sīsū, “Ko au ʻeni, fekau au.” Naʻe fili ʻe he Tamai Hēvaní ʻa Sīsū ke hoko ko hotau Fakamo’ui Naʻe palōmesi ʻa Sīsū ʻe hāʻele mai ki māmani ke fakahaofi kitautolu.

Te u lava ʻo muimui ʻia Sīsū. ʻE ʻi ai ha ʻaho te u lava ai ʻo foki ʻo nofo mo e Tamai Hēvaní.

Ngaahi tā fakatātā ʻa Apryl Stott