“Muimui ʻa Mōsese ʻi he ʻOtuá,” Ngaahi Talanoa ‘o e Fuakava Motuʻá maʻá e kau Laukonga kei Īkí, 2018
“Muimui ʻa Mōsese ʻi he ʻOtuá”
Ngaahi Talanoa ‘o e Fuakava Motuʻá maʻá e kau Laukonga kei Īkí
Muimui ʻa Mōsese ʻi he ʻOtuá
Mei he ʻEkesōtosi 2–34
ʻI he ʻaho ʻe taha naʻe maʻu ai ʻe ha pilinisesi mei ʻIsipite ha pēpē Hepelū ʻi ha kato. Naʻá ne fakahingoa ia ko Mōsese peá ne ohi hake ia ke hoko ko ha pilinisi.
ʻI he tupu hake ʻa Mōsesé, naʻe ʻikai ke ne saiʻia ʻi he tōʻonga ʻa e kau ʻIsipité ki he kau Hepeluú, ko ʻenau kau pōpulá. ʻI he taimi naʻe taukapoʻi ai kinautolu ʻe Mōsesé, naʻe fie maʻu ʻe he kau ʻIsipité ke tāmateʻi ia. Naʻe pau ke hola ʻa Mōsese. Hili iá naʻe fekau ʻe he ʻOtuá kiate ia ke ne foki ʻo fakatauʻatāinaʻi e kakai Hepeluú.
Naʻe kole ʻe Mōsese kia Felo, ko e tuʻi ʻo ʻIsipité, ke tukuange ʻa e kakai Hepeluú. Naʻe talaange ʻe Felo ʻikai. Naʻe tokoniʻi ʻe he ʻOtuá ʻa Mōsese ke ne fakamalaʻiaʻi ʻa e fonuá koeʻuhi ke liliu e fakakaukau ʻa Feló. Naʻe fonu ʻa ʻIsipite ʻi he fanga langó, kutú, mo e fanga potó. Ne faifai pea pehē ʻe Felo ʻe lava ke mavahe e kau pōpulá.
ʻI he mavahe pē ʻa e kau Hepeluú, ne liliu e fakakaukau ʻa Feló peá ne fekauʻi ʻene kau taú ke tulimui atu ʻiate kinautolu. ʻI he taimi naʻe aʻu ai ʻa e kakai ʻo Mōsesé ki he Tahi Kulokulá, naʻe ngaohi ʻe he ʻOtuá ha hala mōmoa ʻi he tahí kae lava ke nau hola.
Naʻe ʻoange ʻe he ʻOtuá ʻa e Fekau ʻe Hongofulú kia Mōsese. Naʻe akoʻi kinautolu ʻe Mōsese ki he kakaí ʻi heʻenau fononga ki he fonua ʻo e talaʻofá. Ne faifai pea nau malu mo tauʻatāina!
Te u lava ʻo hangē ko Mōsesé. Te u lava ʻo muimui ki he ngaahi fekaú. ʻE tokoniʻi au ʻe he ʻOtuá ʻi he taimi ʻoku ou taukapoʻi ai ʻa kinautolu ʻoku fie maʻu tokoní.
Peesi Valivalí
Te u Lava ʻo Hoko ko ha Taha Faʻa Fakalelei
Lomiʻi ‘i he fakatātaá ke download.
Tā fakatātaaʻi ʻe Apryl Stott