Noa

fai ʻe Kimi Uepi Liti

Tā fakatātaaʻi ʻe Apryl Stott

ʻI he kuonga muʻá, naʻe fai ʻe he kakai ʻi he māmaní ha ngaahi fili hala. Naʻe fekauʻi mai ʻe he ʻOtuá ha palōfita loto-toʻa ko Noa. Naʻá ne tala ki he kakaí ʻoku totonu ke nau fakatomala mo ʻofa ki he ʻOtuá. Ne nau fanongo nai? ʻIkai! Ne nau kei fakahoko pē ha ngaahi ngāue kovi.

Naʻe folofola ʻa e ʻOtuá kia Noa te Ne fakaʻauha e ngaahi meʻa kovi ʻi he māmaní. Naʻe folofola ʻa e ʻOtuá kia Noa ke ne foʻu ha vaka lahi ne ui ko ha ʻaʻake. Naʻe tānaki ʻe Noa hono fāmilí mo e fanga manú ki loto ʻi he ʻaʻaké. Naʻe kamata leva ke ʻuha.

Naʻe ʻuha ʻi ha ʻaho ʻe 40 mo ha pō ʻe 40. Naʻe ʻufiʻufi ʻe he vaí e māmaní kotoa! Naʻe malu ʻa Noa mo hono fāmilí mo e fanga manú ʻi loto ʻi he ʻaʻaké.

ko e ‘umata ʻi ʻolunga ʻi he ʻaʻake ‘a Noá

Naʻe faifai pea tuʻu ʻa e ʻuhá. Naʻe maha hifo ʻa e vaí. Naʻe mamata ʻa Noa ki ha ʻumata ʻi he langí. Naʻe palōmesi ʻa e ʻOtuá he ʻikai toe ʻi ai ha lōmaki ʻi he māmaní.

fānau ʻoku lue ʻi he malumalu ʻo ha ʻumata

Te u lava ʻo hangē ko Noá ʻo fanongo ki he Tamai Hēvaní. ʻOku ou ʻiloʻi ʻoku tauhi ʻe he ʻOtuá ʻEne ngaahi talaʻofá. ʻOku tāpuekina au ʻi he taimi ʻoku ou talangofua ai ki Heʻene ngaahi fekaú.

Ko Noa mo e fanga monumanú — Lomiʻi ‘i he fakatātaá ke download.