“‘Ilaisiā mo e Uitoú,” Ngaahi Talanoa ‘o e Fuakava Motuʻá maʻá e kau Laukonga kei Īkí, 2018

“ʻIlaisiā mo e Uitoú”

Ngaahi Talanoa ‘o e Fuakava Motuʻá maʻá e kau Laukonga kei Īkí

ʻIlaisiā mo e Uitoú

fai ʻe Kimi Uepi Liti

Tā fakatātaaʻi ʻe Apryl Stott

ʻĪmisi

Ko ‘Ilaisiā ʻokú ne tangutu ʻi ha veʻe vaitafe

Naʻe fakatokanga ‘e ha palōfita ko ‘Ilaisiā ki he kakaí ʻe hoko mai ha honge. Naʻe ‘ikai ha ʻuha, pea naʻe ‘ikai ke tupu e ‘akaú. Naʻe inu ʻe ‘Ilaisiā ʻa e vai mei ha vaitafe. Naʻe tuku mai ʻe he ʻOtuá ha fanga manupuna ke ʻomi ha meʻakai maʻana. Ka ne iku maha ʻa e kiʻi anovaí. Naʻe fakahā ʻe he ʻOtuá kia ʻIlaisiā te ne ʻilo ha fefine ʻi he koló, pea te ne fafanga ia.

ʻĪmisi

Ko e talanoa ʻa ‘Ilaisiā ki ha fefine

Ne ʻilo ʻe ‘Ilaisiā ‘a e fefiné peá ne kole ange ha meʻa ke ne kai. Naʻe pehē ʻe he fefiné ʻoku toe haʻane kihiʻi meʻi mahoaʻa mo e lolo ke maʻu meʻatokoni mei ai mo ʻene tama tangatá.

ʻĪmisi

Ko e talanoa ʻa ‘Ilaisiā ki ha fefine

Naʻe palōmesi ange ʻa ʻIlaisiā kapau te ne vahevahe ange ʻene meʻatokoní, he ʻikai toe ʻosi ia. Naʻe tui ʻa e uitoú ki he palōfita ko ʻIlaisiaá ʻo vahevahe ange ʻene meʻatokoní.

ʻĪmisi

Ko hono fakamoʻui ʻe ‘Ilaisiā ha kiʻi tamasiʻi

Naʻe ʻi ai ha meʻakai feʻunga, ʻi he ʻaho kotoa pē, ke na kai. Ko ha mana ia! Naʻe puke leva ‘a e foha ʻo e uitoú ʻo ne pekia. Ka ne toe fakamoʻui mai ia ʻe ‘Ilaisiā. Naʻe tāpuekina ʻa e fefiné ʻi heʻene fakafanongo ki he palōfitá.

ʻĪmisi

ko e vakai ha ongo tautehina ki he tā ʻo e pālofita

ʻOku tāpuekina au ʻi heʻeku fakafanongo ki he palōfitá.