“ʻĀtama mo ʻIvi,” Ngaahi Talanoa ‘o e Fuakava Motuʻá maʻá e kau Laukonga kei Īkí, 2018
“ʻĀtama mo ʻIvi”
Ngaahi Talanoa ‘o e Fuakava Motuʻá maʻá e kau Laukonga kei Īkí
ʻĀtama mo ʻIvi
Mei he Sēnesi 1–5; Mōsese 3–6
Naʻe fakatupu ʻe he Tamai Hēvaní mo Sīsū ʻa e māmaní. Naʻá Na ngaohi ʻa e fonuá, tahí, laʻaá mo e ngaahi fetuʻú. Naʻá na fakatupu ʻa e ʻakaú mo e fanga monumanú. Naʻe maau leva e māmaní ki he fānau ʻa e Tamai Hēvaní. Ko hai te Ne ʻuluaki ʻomi ke nofo ʻi he māmaní?
ʻĀtama mo ʻIvi!
Naʻe tuku kinaua ʻe he Tamai Hēvaní ki he Ngoue ko ʻĪtení. Naʻe tupu ʻa e meʻakai kotoa pē naʻá na fie maʻú ʻi he ngoué. Naʻe ʻikai fie maʻu ia ke na ngāue. Naʻe ʻikai ke na puke.
Naʻe folofola ʻa e Tamai Hēvaní kia ʻĀtama mo ʻIvi kapau te na kai ʻi he fua ʻo e taha ʻo e ʻuluʻakaú, ʻe pau leva ke na mavahe mei ʻĪteni. Naʻe ʻahiʻahiʻi ʻe Sētane ʻa ʻIvi ke ne kai e fuaʻi ʻakaú, pea naʻá ne kai. Ne fai pehē mo ʻĀtama.
Naʻe kau ʻena fili ke mavahe mei ʻĪtení he palani ʻa e Tamai Hēvaní.
Hili ʻena mavahe mei ʻĪtení, naʻe feinga ʻa ʻĀtama mo ʻIvi ke na lotu, fakatomala mo tui kia Sīsū. Naʻá na hoko ko ha ongomātuʻa peá na akoʻi e ongoongoleleí ki heʻena fānaú. Naʻe faingataʻa ange ʻa e moʻuí ʻi he mavahe mei ʻĪtení, ka naʻá na ako ha ngaahi meʻa mahuʻinga foʻou. Naʻá na fiefia.
ʻOku ou hangē au ko ʻĀtama mo ʻIví. Naʻá ku fili ke u haʻu ki he māmaní ke u ako, tupulaki pea hoko ʻo hangē ko ʻeku Ongomātuʻa Fakalangí.
Peesi Valivalí
Te u Lava ʻo Fai Ha Ngaahi Fili Lelei
Lomiʻi ‘i he fakatātaá ke download.
Tā fakatātaaʻi ʻe Apryl Stott