“Ko e Fakamolemoleʻi ʻe Siosefa hono Ngaahi Tokouá,” Ngaahi Talanoa ‘o e Fuakava Motuʻá maʻá e kau Laukonga kei Īkí, 2018
“Ko e Fakamolemoleʻi ʻe Siosefa Hono Ngaahi Tokouá”
Ngaahi Talanoa ‘o e Fuakava Motuʻá maʻá e kau Laukonga kei Īkí
Ko e Fakamolemoleʻi ʻe Siosefa Hono Ngaahi Tokouá
Mei he Sēnesi 42, 45
Naʻe hoko ‘a Siosefa ko ha taki ‘i ‘Isipite ‘i he taimi ne tō mai ai e hongé. Naʻe ‘ikai lahi ha meʻa ke kai. Naʻe fiekaia ʻa e fāmili ‘o Siosefá ʻi ha feituʻu mamaʻo. Naʻa nau fononga ki ‘Isipite ke kumi ha meʻakai.
Naʻe vakai ‘a Siosefa ki hono ngaahi tokouá. Ka naʻe ‘ikai ʻiloʻi ia ʻe hono ngaahi tokouá! Naʻe ʻeke ange ʻe Siosefa pe ʻoku kei moʻui ʻenau tamaí, pea nau tali ange ʻio.
Naʻe vakai ‘a Siosefa kuo angalelei ange hono ngaahi tokouá. Naʻa nau tokangaʻi honau tehina ko Penisimaní. Naʻa nau feʻofaʻaki.
Naʻe fakahā ʻe Siosefa ia ki hono ngaahi tokouá. Ne faingataʻa ke nau tui ki ai! Naʻe tangi ‘a Siosefa mo hono ngaahi tokouá ʻi he fiefia. Naʻe fakamolemoleʻi kinautolu ‘e Siosefa ʻi heʻenau fakatau pōpula iá. Naʻá ne pehē naʻe tataki ia ‘e he ʻOtuá ki ‘Isipite ke fakahaofi kinautolu mei he hongé.
Te u lava ʻo hangē ko Siosefá. Te u lava ke ʻofa ‘i hoku familí pea fakamolemoleʻi e niʻihi kehé.
Peesi Valivalí
ʻOku ʻOfa ʻa Sīsū ʻIate Au
Lomiʻi ‘i he fakatātaá ke download.
Tā fakatātaaʻi ʻe Apryl Stott