“Ko e Fakatupú,” Ngaahi Talanoa ‘o e Fuakava Motuʻá maʻá e kau Laukonga kei Īkí, 2018

“Ko e Fakatupú”

Ngaahi Talanoa ‘o e Fuakava Motuʻá maʻá e kau Laukonga kei Īkí

Ko e Fakatupú

fai ʻe Kimi Uepi Liti

Tā fakatātaaʻi ʻe Apryl Stott

Mei he Sēnesi 1–2; Mōsese 1–3; ‘Ēpalahame 4–5

ʻĪmisi

māmani

Naʻe fakatupu ʻe he ʻOtuá ha feituʻu fakaʻofoʻofa ke u nofo ai, fuoloa pē ia kimuʻa he meʻa ʻoku ou lava ke manatuʻí.

ʻI he taimi naʻá Ne kamata fakatupu ai ʻa e māmaní, naʻá Ne fakamavahevaheʻi ʻa e ʻahó mei he poʻulí. Naʻá Ne ngaohi ʻa e laʻaá, māhiná, mo e ngaahi fetuʻú ke u maʻu maʻu pē ha maama ke ne tataki au.

ʻĪmisi

matātahi

Naʻá Ne fakatupu ʻa e langí, tahí, mo e fonuá. Naʻá Ne ʻufiʻufi ʻa e māmaní ʻaki e faʻahinga kotoa ʻo e ʻakaú.

ʻĪmisi

ko e fanga monumanu ‘i ha veʻe anovai

Naʻá Ne fakatupu e fanga manupuná ke puna ʻi he langí, ʻa e iká ki he tahí, mo e fanga monumanú ke nau moʻui ʻi he fonuá.

ʻĪmisi

ko e fānau ʻi tuʻa

ʻI he taimi pē ʻoku ou vakai ai ki he ngaahi fakatupu ʻa e ʻOtuá, ʻoku ou ongoʻi loto-ʻapasia mo ʻofa kiate Ia. ʻOku ou houngaʻia naʻá Ne faʻu ʻa e māmaní maʻaku.