“Tēvita mo Kolaiate,” Ngaahi Talanoa ‘o e Fuakava Motuʻá maʻá e kau Laukonga kei Īkí, 2018
“Tēvita mo Kolaiate”
Ngaahi Talanoa ‘o e Fuakava Motuʻá maʻá e kau Laukonga kei Īkí
Tēvita mo Kolaiate
Mei he 1 Samuela 17
Ko Tēvitá ko ha kiʻi tamasiʻi naʻá ne tauhi ʻa e fanga sipí. Ko hono ngaahi taʻoketé ko e kau sōtia ne nau feinga ke maluʻi honau kakaí. ʻI ha ʻaho ʻe taha, naʻe fekauʻi ai ʻe he tamai ʻa Tēvitá ke ne ʻave ha meʻakai ki hono ngaahi taʻoketé.
ʻI he taimi naʻe aʻu atu ai ‘a Tēvitá, naʻá ne sio ki ha sōtia saiāniti ko hono hingoá ko Kolaiate. Naʻe pehē ʻe Kolaiate, kapau ʻe ʻi ai ha taha te ne lava ʻo ikunaʻi ia, ʻe ʻosi e taú. Ka naʻe ʻikai ke ʻi ai ha taha ʻe loto toʻa feʻunga ke tauʻi ia.
Naʻe pehē ʻe Tēvita te ne tau mo Kolaiate. Ne talaange ʻe he tuʻí kia Tēvita ʻikai. Ko Tēvitá ko ha kiʻi tamasiʻi ka ko Kolaiaté naʻe mālohi mo kaukaua! Ka naʻe ʻiloʻi ʻe Tēvita ʻe tokoniʻi ia ʻe he ʻOtuá. Fāifaí, pea folofola ange e tuʻí, “ʻAlu, pea ʻe ʻiate koe ʻa e ʻEikí.”
Naʻe ʻikai ke tui teunga tau ʻa Tēvita ʻo hangē ko Kolaiaté. Naʻá ne toʻo ha foʻi maka ʻo ʻai ia ki heʻene makataá. Naʻa ne lisingi ʻa e foʻi maká ki he foʻi laʻe ʻo Kolaiaté. Naʻe tō ‘a Kolaiate. Naʻe ikuna ʻa Tēvita! Kuó ne fakahaofi hono kakaí.
Taimi ʻe niʻihi ʻoku ou fehangahangai mo ha ngaahi palopalema fakailifia. ʻI heʻeku kole tokoni ki he ʻOtuá, ʻokú Ne tokoniʻi au ke u mālohi.
Peesi Valivalí
ʻE Lava Ke u Hoko ko ha Faʻifaʻitakiʻanga Lelei
Lomiʻi ‘i he fakatātaá ke download.
Tā fakatātaaʻi ʻe Apryl Stott