“Ko e Kuini ko ‘Ēsetá,” Ngaahi Talanoa ‘o e Fuakava Motuʻá maʻá e kau Laukonga kei Īkí, 2018
“Ko e Kuini ko ʻĒsetá”
Ngaahi Talanoa ‘o e Fuakava Motuʻá maʻá e kau Laukonga kei Īkí
Ko e Kuini ko ʻĒsetá
Mei he ʻĒseta 2–8
Naʻe hoko ʻa ʻĒseta ko ha kuini. Naʻá ne taʻane mo e tuʻi ʻo Pāpiloné.
Naʻe ʻi ai ha kaungāmeʻa ʻo e tuʻí ko ha tangata kovi. Naʻá ne kākaaʻi ʻa e tuʻí ke ne faʻu ha lao ke fakapoongi ʻa e Siu kotoa pē! Naʻe ʻikai ke ʻafioʻi ʻe he tuʻí ko hono uaifi ko ʻĒsetá ko ha Siu.
Naʻe fakakaukau ʻa ʻĒseta ke ne kole ki hono husepānití, ʻa e tuʻí, ke fakahaofi hono kakaí. Ka naʻá ne manavasiʻi naʻa houhau ʻa e tuʻí. Naʻe kole ai ʻe ʻĒseta ki he Siu kotoa pē ke ʻaukai mo lotu maʻana. Naʻe ʻalu atu leva ʻa ʻĒseta ki he tuʻí. Naʻe ʻikai ke ne houhau!
Naʻe fakaafeʻi ʻe ʻĒseta ʻa e tuʻí mo hono kaungāmeʻá ki ha taumafa efiafi. Naʻe fakahā ange ʻe ʻĒseta ki he tuʻí ʻi he taumafá ko ha Siu ia. Naʻe houhau ʻa e tuʻí ʻi he kākaaʻi ia ʻe hono kaungāmeʻá. Naʻá ne fakahā leva ki he kakai Siú ʻe lava ke nau maluʻi kinautolu. Naʻe tokoni ʻa ʻĒseta ke fakahaofi hono kakaí!
Te tau lava ʻo lotu ʻo kole tokoni ki he Tamai Hēvaní. ʻE lava ke tau loto-toʻa mo loto-lahi, hangē ko ʻĒsetá.
Peesi Valivalí
Te u Lava ʻo Tokoni ki he Niʻihi Kehé ke nau Ongoʻi ʻOku ʻOfaʻi Kinautolu
Lomiʻi ‘i he fakatātaá ke download.
Tā fakatātaaʻi ʻe Apryl Stott