“Naʻe Falala ‘a Siosefa ki he ‘Otuá,” Ngaahi Talanoa ‘o e Fuakava Motuʻá maʻá e kau Laukonga kei Īkí, 2018
“Naʻe Falala ‘a Siosefa ki he ‘Otuá”
Ngaahi Talanoa ‘o e Fuakava Motuʻá maʻá e kau Laukonga kei Īkí
Naʻe Falala ‘a Siosefa ki he ‘Otuá
Mei he Sēnesi 37–41
Naʻe ʻi ai ha ngaahi tokoua ʻe toko 11 ʻo Siosefa. Naʻe ʻoange ʻe heʻene tangataʻeikí hano pulupulu fakaʻofoʻofa mo lanu kehekehe. Naʻe folofola ʻa e ʻOtuá kia Siosefa te ne hoko ko ha taki ki hono ngaahi tokouá
Naʻe ʻita e ngaahi tokoua ʻo Siosefá. Naʻe ʻikai ke nau loto ke hoko ʻa Siosefa ko honau taki! Naʻa nau fakatau ia ki he kakai naʻa nau ʻalu ki ʻIsipite, pea naʻá ne hoko ko ha pōpula.
Naʻe ngāue mālohi ʻa Siosefa. Naʻá ne fakahoko ha ngaahi fili lelei, ʻo aʻu pē ki he taimi naʻe loi ai e kakaí fekauʻaki mo ia pea tuku pilīsone ai iá.
Naʻa mo e ngaahi taimi faingataʻá, naʻe falala pē ʻa Siosefa ki he ʻOtuá. Pea naʻe ‘ia Siosefa ʻa e ʻOtuá. Naʻe hoko ʻa Siosefa ko ha taki ʻi ʻIsipite! ʻI heʻene matuʻotuʻa angé, naʻá ne tokoni ke tataki hono fāmilí, ʻo hangē pē ko ia naʻe folofola ʻa e ʻOtuá te ne faí.
Te u lava ʻo falala ki he ʻOtuá ʻo hangē ko ia naʻe fai ʻe Siosefá. Te u lava ʻo fili ki he totonú. ʻE kau ʻa e ʻOtuá mo au ʻo tatau ai pē pe ko e hā ʻe hokó.
Peesi Valivalí
ʻOku Folofola ʻa Sīsū, “Haʻu, ʻo Muimui ʻIate Au”
Lomiʻi ‘i he fakatātaá ke download.
Tā fakatātaaʻi ʻe Apryl Stott