“Taniela mo e Fanga Laioné,” Ngaahi Talanoa ‘o e Fuakava Motuʻá maʻá e kau Laukonga kei Īkí, 2018
“Taniela mo e Fanga Laioné”
Ngaahi Talanoa ‘o e Fuakava Motuʻá maʻá e kau Laukonga kei Īkí
Taniela mo e Fanga Laioné
Mei he Taniela 6
Naʻe hoko ʻa Taniela ko e tokotaha tokoni ʻa e tuʻí. Naʻe saiʻia ‘a e tuʻí ʻia Taniela koeʻuhí ko ha tokotaha lelei ia. Naʻe loto-kovi ʻa e kau taki kehé! Naʻa nau faʻu ha palani ke fakalaveaʻi ‘a Taniela.
Naʻa nau kākaaʻi ‘a e tuʻí ki hono faʻu e lao foʻou ko ia pē ʻe lotu ki he ‘Otuá ʻe lī ia ki he ‘ana ʻo e fanga laioné. Naʻa nau ‘iloʻi ʻoku tui ʻOtua ʻa Taniela pea ʻe lotu pē ia ʻo tatau ai pē pe ko e hā. ‘I he taimi naʻa nau vakai ai ‘oku lotu ‘a Tanielá, ne nau fakahā ki he tuʻí.
Naʻe loto-mamahi ‘a e tuʻí he kuo kākaaʻi ia. Ka kuo ʻikai toe lava ke liliu e laó.
Naʻe tuku ‘e he tuʻí ʻa Taniela ki ha ʻana ‘o e fanga laioné. Naʻá ne tāpuni e matapaá ʻaki ha fuʻu maka. Ko e hā ʻe hoko kia Tanielá?
Naʻe fekau ʻe he ʻOtuá ha ‘āngelo ke ne tāpuni ʻa e ngutu ‘o e fanga laioné! Naʻe ʻohake ‘e he tuʻí ʻa Taniela mei he ʻaná ʻi he pongipongí. Naʻá ne fiefia naʻe hao ‘a Taniela. Naʻá ne fakahā ki he ngaahi puleʻangá kotoa pē kuo fakahaofi ʻe he ‘Otuá ʻa Taniela.
Te u lava ‘o tatau mo Tanielá ʻi heʻeku lotu mo falala ki he Tamai Hēvaní!
Peesi Valivalí
‘Oku ou Saiʻia ʻi he Ngaahi Talanoa mei he Folofolá
Lomiʻi ‘i he fakatātaá ke download.
Tā fakatātaaʻi ʻe Apryl Stott