“Siona mo e Tofuaʻá,” Ngaahi Talanoa ‘o e Fuakava Motuʻá maʻá e kau Laukonga kei Īkí, 2018
“Siona mo e Tofuaʻá”
Ngaahi Talanoa ‘o e Fuakava Motuʻá maʻá e kau Laukonga kei Īkí
Siona mo e Tofuaʻá
Mei he Siona 1–4
Naʻe folofola ʻa e ʻOtuá kia Siona ke ʻalu ʻo ngāue fakafaifekau. Naʻe totonu ke ne ʻalu ki he kolo ko Ninivé ʻo fekau e kakaí ke nau fakatomala. Ka naʻe ʻikai ke fie ʻalu ʻa Siona ia ki ai. Naʻe heka ia ʻi ha vaka naʻe folau ki ha kolo kehe.
Naʻe tō mai ha matangi mālohi. Naʻe manavasiʻi e kau kauvaká naʻa ngoto honau vaká!
Naʻe ʻilo ʻe Siona ko e ʻOtuá naʻá ne fekauʻi mai ʻa e matangí koeʻuhi ko ʻene holá. Naʻá ne talange ki he kau kauvaká ke lī ia ki tahi kae tuʻu e matangí.
Naʻe tuku mai ʻe he ʻOtuá ha fuʻu tofuaʻa ke fakahaofi ʻa Siona. Naʻá ne ʻi he loto kete ʻo e tofuaʻá ʻi ha ʻaho ʻe tolu. Naʻe lotu ʻa Siona. Naʻá ne fili ai ke fakatomala pea muimui ki he ʻOtuá. Naʻe fekau ʻe he ʻOtuá e tofuaʻá ke puʻaki ʻa Siona ki tuʻa ki he kelekele mōmoá.
Naʻe ʻalu ʻa Siona ki Ninive. Naʻá ne akoʻi ʻa e kakai aí. Pea naʻe fanongo ʻa e kakai ʻi Ninivé! Naʻe kamata ke nau toe muimui ki he ʻOtuá.
Te u lava ʻo fakatomala ʻi he taimi te u fai ai ha fili ʻoku halá. Naʻe ʻofa e ʻOtuá ʻia Siona, pea ʻoku ʻofa ʻa e ʻOtuá ʻiate au!