“Ang Paglalang,” Mga Istorya sa Daang Tugon alang sa mga Batan-ong Magbabasa, 2018
“Ang Paglalang”
Mga Istorya sa Daang Tugon alang sa mga Batan-ong Magbabasa
Ang Paglalang
Gikan sa Genesis 1–2; Moises 1–3; Abraham 4–5
Sa dugay na nga panahon nga dili na naku mahinumduman, ang Dios milalang og usa ka matahum nga dapit aron akong kapuy-an.
Sa dihang gisugdan Niya ang paghimo sa yuta, gilain Niya ang adlaw gikan sa gabii. Gihimo Niya ang adlaw, bulan, ug mga bitoon aron sa kanunay adunay kahayag nga mogiya nako.
Gilalang Niya ang langit, kadagatan, ug yuta. Gibutangan Niya ang yuta sa tanang matang sa mga tanom.
Gilalang Niya ang mga langgam nga maglupadlupad sa kalangitan, isda nga maglangoylangoy sa kadagatan, ug kahayupan nga magpuyo sa yuta.
Kon makakita ko sa mga linalang sa Dios, mobati ko og balaan nga pagtahud ug gugma alang Kaniya. Mapasalamaton ko nga gibuhat Niya kini nga yuta alang nako.
Koloranan nga Pahina
Kabahin Ako sa usa ka Matahum nga Kalibutan
I-klik ang litrato aron ma-download.
Paghulagway ni Apryl Stott