“Si David ug si Goliath,” Mga Istorya sa Daang Tugon alang sa mga Batan-ong Magbabasa, 2018
“David ug Goliath”
Mga Istorya sa Daang Tugon alang sa mga Batan-ong Magbabasa
David ug Goliath
Gikan sa 1 Samuel 17
Si David usa ka batang lalaki nga tig-atiman sa mga karnero. Ang iyang mga maguwang mga sundalo nga naningkamot sa pagpanalipod sa ilang katawhan. Usa ka adlaw, ang amahan ni David misugo niya sa pagdala og pagkaon ngadto sa iyang mga igsoon.
Sa dihang miabut si David didto, nakita niya ang higante nga sundalo nga ginganlan og Goliath. Miingon si Goliath nga kon adunay si bisan kinsa nga makapildi niya, mahuman na ang gubat. Apan walay usa nga adunay igong kaisug nga makig-away kaniya.
Miingon si David nga makig-away siya ni Goliath. Ang hari miingon ni David nga dili. Si David usa lang ka bata, ug si Goliath kusgan ug dako! Apan nasayud si David nga ang Dios motabang kaniya. Sa katapusan, ang hari miingon, “Lakaw ug ang Ginoo magauban kanimo.”
Wala magsul-ob si David og kalasag sama ni Goliath. Mipunit siya og bato ug gibutang kini sa iyang saplong. Giigo niya ang agtang ni Goliath sa bato. Natumba si Goliath. Midaug si David! Naluwas niya ang iyang katawhan.
Usahay mag-atubang ko og makahadlok nga mga problema. Kon mangayo ko og tabang sa Dios, Siya motabang nako nga magmalig-on.
Koloranan nga Pahina
Ako Mahimong usa ka Maayong Ehemplo
I-klik ang litrato aron ma-download.
Paghulagway ni Apryl Stott