“Adan ug Eva,” Mga Istorya sa Daang Tugon alang sa mga Batan-ong Magbabasa, 2018
“Adan ug Eva”
Mga Istorya sa Daang Tugon alang sa mga Batan-ong Magbabasa
Adan ug Eva
Gikan sa Genesis 1–5; Moises 3–6
Ang Langitnong Amahan ug si Jesus milalang sa yuta. Ilang gihimo ang yuta, dagat, adlaw, ug mga bitoon. Ilang gihimo ang mga tanom ug mga hayop. Dayon ang yuta andam na alang sa mga anak sa Langitnong Amahan. Kinsa ang Iyang ipadala nga mopuyo og una dinhi sa yuta?
Sila si Adan ug Eva!
Gibutang sila sa Langitnong Amahan didto sa Tanaman sa Eden. Ang tanang pagkaon nga ilang gikinahanglan mitubo sa tanaman. Dili sila kinahanglang motrabaho. Dili sila masakit.
Gisultihan sa Langitnong Amahan sila si Adan ug Eva nga kon mokaon sila sa bunga gikan sa usa sa mga kahoy, kinahanglan silang mobiya sa Eden. Gitintal ni Satanas si Eva sa pagkaon sa bunga, ug iya kining gibuhat. Mao usab si Adan.
Ang ilang pagpili nga mobiya sa Eden usa ka bahin sa plano sa Langitnong Amahan.
Human sila mibiya sa Eden, sila si Adan ug Eva nakakat-on sa pag-ampo, paghinulsol, ug pagbaton og pagtuo diha ni Jesus. Nahimo silang mga ginikanan ug gitudloan ang ilang mga anak sa ebanghelyo. Ang kinabuhi sa gawas sa Eden mas lisud, apan nakat-unan nila ang importante nga bag-ong mga butang. Malipayon sila.
Sama ko nilang Adan ug Eva. Mipili ko nga moanhi sa yuta aron ko makakat-on, molambo, ug mas mahisama sa akong Langitnong mga Ginikanan.
Koloranan nga Pahina
Makahimo Ko og Maayo nga mga Pagpili
I-klik ang litrato aron ma-download.
Paghulagway pinaagi ni Apryl Stott