Mga Istorya sa Daang Tugon alang sa mga Batan-ong Magbabasa

Noe

ni Kim Webb Reid

Mga paghulagway ni Apryl Stott

Gikan sa Genesis 5–9

Noe nagtudlo sa mga katawhan

Dugay nang panahon, ang katawhan sa kalibutan mihimo og dili maayo nga mga pagpili. Mipadala ang Dios og isug nga propeta nga ginganlan og Noe. Giingnan niya ang katawhan nga kinahanglan silang maghinulsol ug mohigugma sa Dios. Naminaw ba sila? Wala! Padayon silang naghimo og ngil-ad nga mga butang.

Arka ni Noe

Gisultihan sa Dios si Noe nga Iyang tangtangon ang dili maayong mga butang sa kalibutan. Gisultihan sa Dios si Noe sa paghimo og dakong barko nga gitawag og arka. Gipundok ni Noe ang iyang pamilya ug mga hayop sulod sa arka. Dayon misugod na sa pag-ulan.

Pamilya ni Noe sakay sa arka

Miulan og 40 ka adlaw ug 40 ka gabii. Napuno sa tubig ang tibuok kalibutan! Si Noe ug ang iyang pamilya ug ang mga hayop luwas ra sa sulod sa arka.

bangaw ibabaw sa arka ni Noe

Sa katapusan ang ulan mihunong. Ang baha mihubas. Nakita ni Noe ang bangaw sa langit. Misaad ang Dios nga dili na mopabaha pag-usab sa tibuok kalibutan.

mga bata nanglakaw ubos sa landong sa bangaw

Pwede kong mahimong sama ni Noe ug maminaw sa Langitnong Amahan. Nasayud ko nga motuman ang Dios sa Iyang mga saad. Mapanalanginan ko kon akong sundon ang Iyang mga sugo.

Koloranan nga Pahina

Ang Langitnong Amahan Motuman sa Iyang mga Saad

Noe ug mga hayop

I-klik ang litrato aron ma-download.

Paghulagway ni Apryl Stott