“Si Jose Misalig sa Dios,” Mga Istorya sa Daang Tugon alang sa mga Batan-ong Magbabasa, 2018
“Si Jose Misalig sa Dios”
Mga Istorya sa Daang Tugon alang sa mga Batan-ong Magbabasa
Si Jose Misalig sa Dios
Gikan sa Genesis 37–41
Si Jose adunay 11 ka mga igsoong lalaki. Ang iyang amahan mihatag kaniya og usa ka matahum, mabulukon nga kupo. Ang Dios misulti kang Jose nga siya ang mangulo sa iyang mga igsoon.
Ang mga maguwang ni Jose nasuko. Dili sila gusto nga si Jose ang mahimo nilang lider! Gibaligya nila siya ngadto sa mga tawo nga nagpadulong sa Ehipto, ug nahimo siyang ulipon.
Mitrabaho og maayo si Jose. Mihimo siya og maayong mga pagpili, bisan kon ang mga tawo namakak mahitungod kaniya ug mibutang kaniya sa bilanggoan.
Bisan sa lisud nga mga panahon, si Jose misalig sa Dios. Ug ang Dios nag-uban kang Jose. Si Jose nahimong usa ka lider sa Ehipto! Sa dihang nagkatigulang na siya, mitabang siya sa pagpangulo sa iyang pamilya, sama sa giingon sa Dios nga iyang buhaton.
Makasalig ako sa Dios sama ni Jose. Makapili ako sa matarung. Ang Dios magauban kanako bisan unsa pa ang mahitabo.
Koloranan nga Pahina
Si Jesus Miingon, “Dali, Sunod Kanako”.
I-klik ang litrato aron ma-download.
Paghulagway ni Apryl Stott