“Elijah ug ang Biyuda,” Mga Istorya sa Daang Tugon alang sa mga Batan-ong Magbabasa, 2018
“Elijah ug ang Biyuda”
Mga Istorya sa Daang Tugon alang sa mga Batan-ong Magbabasa
Elijah ug ang Biyuda
Gikan sa 1 Mga Hari 17
Usa ka propeta nga ginganlan og Elijah mipasidaan sa katawhan nga dunay moabut nga kagutom. Walay ulan, ug ang mga tanom wala motubo. Si Elijah miinom og tubig gikan sa sapa. Ang Dios mipadala og mga langgam aron dad-an siya og pagkaon. Apan nahubas ang sapa. Gisultihan sa Dios si Elijah nga pangitaon ang usa ka babaye sa lungsod, ug siya mopakaon kaniya.
Nakit-an ni Elijah ang babaye ug gipangayoan niya kini og pagkaon. Miingon ang babaye nga duna lamang siyay gamay nga harina ug lana nga nahabilin aron makaon niya ug sa iyang anak nga lalaki.
Si Elijah misaad nga kon mopaambit ang babaye sa iyang pagkaon ngadto niya, dili siya mahutdan. Ang biyuda dunay pagtuo kang propeta Elijah ug mipaambit sa iyang pagkaon.
Kada adlaw, dunay igo nga pagkaon nga ilang makaon. Usa kadto ka milagro! Dayon ang anak nga lalaki sa biyuda nasakit ug namatay. Apan gibuhi siya ni Elijah. Napanalanginan ang babaye tungod sa pagpaminaw sa propeta.
Mapanalanginan ko kon maminaw ko sa propeta.
Koloranan nga Pahina
Makasulti Ko sa Tinuod
I-klik ang litrato aron ma-download.
Paghulagway ni Apryl Stott