Mga Istorya sa Kasulatan

Si Elias ug ang Hinay, Malumo nga Tingog

Si Elias usa ka propeta. Gusto siya nga makadungog sa tingog sa Dios. Miadto siya sa bukid sa pagpaminaw og mas maayo sa tingog sa Dios.

Dihay makusog nga hangin. Kini kusog kaayo nga mibuak kini sa mga bato. Ang hangin saba. Apan dili kadto ang tingog sa Dios.

Sunod dihay usa ka linog. Ang yuta miuyog. Dihay dako nga sunog usab. Aduna kini dakong kalayo. Apan ang linog ug ang sunog dili mao ang tingog sa Dios.

Dayon mihilom. Si Elias nakadungog sa tingog sa Dios. Kadto usa ka ligdong ug hinay. Apan klaro kadto.

Makadungog ko sa tingog sa Dios pinaagi sa pagpaminaw sa Espiritu Santo. Siya mamulong ngari kanako diha sa malumo ug yano nga mga paagi.