Mga Istorya sa Kasulatan

Si Jose Nag-andam alang sa Malisod nga mga Panahon

Mabasa ninyo kini nga istorya diha sa Genesis 41.

Si Jose usa ka propeta. Nagpuyo siya sa Ehipto. Usa ka gabii si Paraon, ang hari sa Ehipto, adunay usa ka kahibulongan nga damgo. Nangutana siya ni Jose kon unsa ang kahulogan sa damgo.

Ang Dios mitabang ni Jose nga masabtan ang damgo. Sulod sa pito ka tuig, ang katawhan makabaton og daghang pagkaon. Dayon sulod sa pito ka tuig, sila walay igo nga pagkaon. Si Jose misulti ni Paraon.

Miingon si Jose nga sila kinahanglan magtigom og pagkaon karon. Dayon sila maandam na alang sa malisod nga mga panahon. Gihimo sa Paraon Si Jose nga tigdumala sa pagtigom og pagkaon. Mitrabaho pag-ayo si Jose.

Sa dihang ang pito ka tuig nga huwaw miabot, ang katawhan adunay igo nga pagkaon nga makaon. Sila aduna gani igo nga ikapaambit sa uban.

Ako mahimong makaandam karon. Uban sa tabang sa Dios, ako makahimo sa paglatas sa malisod nga mga panahon!

Mga paghulagway pinaagi ni Apryl Stott