Mga Istorya sa Daang Tugon alang sa mga Batan-ong Magbabasa

Si Moises Misunod sa Dios

ni Kim Webb Reid

Mga paghulagway ni Apryl Stott

Gikan sa Exodo 2–34

anak sa paraon nga babaye uban sa masuso

Usa ka adlaw ang usa ka prinsesa sa Ehipto nakakita sa usa ka masuso nga Hebreohanon diha sulod sa basket. Ginganlan niya kini og Moises ug mipadako kaniya aron mahimong usa ka prinsipe.

Si Moises misulay sa pagtabang sa usa ka ulipon

Sa dihang midako na si Moises, wala siya makagusto sa tinagdan sa mga Ehiptohanon ngadto sa mga Hebreohanon, nga ilang mga ulipon. Sa dihang si Moises nanalipod kanila, ang mga Ehiptohanon gusto nga mopatay kaniya. Kinahanglang molayas si Moises. Dayon gisultihan siya sa Dios nga mobalik ug luwason ang katawhan nga Hebreohanon.

Paraon

Gihangyo ni Moises si Paraon, ang hari sa Ehipto, sa pagtugot sa Hebreohanon nga mobiya. Miingon si Paraon nga dili. Mitabang ang Dios ni Moises sa pagtunglo sa yuta aron mausab ang hunahuna ni Paraon. Mga langaw, kuto, ug dayon mga baki midagsang sa Ehipto. Sa katapusan si Paraon miingon nga ang mga ulipon mahimo nang mobiya.

Si Moises nga mibahin sa Pula nga Dagat

Samtang nanglakaw na ang mga Hebreohanon, nausab ang hunahuna sa Paraon ug misugo sa iyang mga sundalo sa paggukod kanila. Sa dihang miabut ang katawhan ni Moises sa Pulang Dagat, mihimo ang Dios og uga nga dalan agi sa dagat aron sila makaikyas.

Si Moises nga nagdala sa Napulo ka mga Sugo

Ang Dios mihatag ngadto ni Moises sa Napulo ka mga Sugo. Gitudlo kini ni Moises ngadto sa katawhan samtang nagpanaw sila padulong sa gisaad nga yuta. Sa katapusan luwas na sila ug gawasnon!

Ako mahimong mahisama ni Moises. Ako makasunod sa mga sugo. Motabang ang Dios kanako kon ako mobarug alang niadtong nagkinahanglan og tabang.

Koloranan nga Pahina

Mahimo Ko nga Tigpasiugda og Kalinaw

mga bata nga naggakus

I-klik ang litrato aron ma-download.

Paghulagway ni Apryl Stott