Mga Istorya sa Kasulatan
Ang Kaisog ni Josue
Human namatay si Moises, ang Ginoo mipili ni Josue nga mamahimong propeta. Ang Dios miingon ni Josue nga magmalig-on ug magbaton og kaisog.
Gipangulohan ni Josue ang katawhan sa Dios paingon ngadto sa gisaad nga yuta. Sa dihang mitabok sila sa Suba sa Jordan, ang Dios mipahunong sa tubig aron sila makatabok.
Nagtudlo si Josue sa mga tawo mahitungod sa mga pagpili. Miingon siya nga makapili sila kon mosunod ba sila sa Dios o dili.
Si Josue mipili sa pagsunod sa Dios. Daghan sa mga tawo ang mibuhat usab.
Ako makabaton og kaisog sama ni Josue. Ako makapili sa pagsunod sa Dios.