“Daniel ug ang mga Liyon,” Mga Istorya sa Daang Tugon alang sa mga Batan-ong Magbabasa, 2018
“Daniel ug ang mga Liyon”
Mga Istorya sa Daang Tugon alang sa mga Batan-ong Magbabasa
Daniel ug ang mga Liyon
Gikan sa Daniel 6
Si Daniel mao ang katabang sa hari. Ang hari ganahan ni Daniel tungod kay usa siya ka maayo nga tawo. Ang ubang mga lider nasina! Naghimo sila og plano aron madaut si Daniel.
Gilingla nila ang hari sa paghimo og balaod nga si bisan kinsa nga mag-ampo sa Dios ilabay sa langub sa mga liyon. Nasayud sila nga si Daniel mituo sa Dios ug mag-ampo bisan unsa pa ang mahitabo. Sa diha nga ilang nakita nga si Daniel nag-ampo, ilang gisultian ang hari.
Ang hari nagsubo nga nalingla siya. Apan ang balaod dili na mausab.
Ang hari mibalhug ni Daniel didto sa langub sa mga liyon. Iyang gitabunan ang pultahan sa usa ka bug-at nga bato. Unsa man kaha ang mahitabo ni Daniel?
Ang Dios mipadala og anghel aron mopatak-om sa mga baba sa mga liyon! Sa pagkabuntag, ang hari mipagawas ni Daniel gikan sa langub. Malipayon siya nga luwas ra si Daniel. Iyang gisultihan ang tibuok gingharian nga ang Dios miluwas ni Daniel.
Pwede kong mahimong sama ni Daniel pinaagi sa pag-ampo ug pagsalig sa Langitnong Amahan!
Koloranan nga Pahina
Ganahan ko sa mga Istorya sa Kasulatan
I-klik ang litrato aron ma-download.
Paghulagway ni Apryl Stott