“Japta 3: Invitesen blong Kasem Baptaes mo Konfemesen,” Prijim Gospel blong Mi: Wan Gaed blong Stap Serem Gospel blong Jisas Kraes (2023)
“Invitesen blong Kasem Baptaes mo Konfemesen,” Prijim Gospel blong Mi
Japta 3
Invitesen blong Kasem Baptaes mo Konfemesen
Doktrin Fandesen
Yumi evriwan, yumi ol pikinini blong Papa long Heven. Yumi kam long wol blong gat janis blong lan, gro, mo kam moa olsem Hem mekem se yumi save gobak long ples we Hem i stap long hem (luk long Moses 1:39). Yumi no save kam olsem Hem o gobak long Hem sapos i no gat tabu help. Papa blong yumi long Heven i sendem Pikinini blong Hem, Jisas Kraes, blong ded from yumi mo brekem ol rop blong ded (luk long 3 Nifae 27:13–22).
Hemia i posibol tru long taem we yumi yusum fet blong yumi long Jisas Kraes, yumi sakem sin, yumi kasem baptaes, yumi kasem presen we i Tabu Spirit mo stap strong kasem en. Blong kipim ol kavenan blong baptaes hem i fas step blong fasem yumi i go long God mekem se Tabu Spirit i save klinim yumi, mekem yumi kam strong, mo jenisim fasin blong yumi from wanem we i gud. Blong kasem ol eksperiens tabu paoa ia, oli singaotem bon bakegen long saed blong spirit. (Luk long 2 Nifae 31:7, 13–14, 20–21; Mosaea 5:1–7; 18; 27:24; 3 Nifae 27:20; Jon 3:5.)
Blong bon bakegen long saed blong spirit i stat taem yumi kasem baptaes long wota mo Spirit. Baptaes hem i wan odinens we i givim glad mo hop. Taem yumi kasem baptaes we wan hat we i brok mo we i wantem sakem sin, yumi statem niufala laef wetem paoa blong God we i stap sapotem yumi. Afta we yumi kasem baptaes mo konfemesen, bae yumi save gohed blong stap strong taem yumi stap klin inaf mo tekem sakramen. (Luk long 2 Nifae 31:13; Mosaea 18:7–16; Moronae 6:2; Doktrin mo Ol Kavenan 20:37.)
Givimaot Invitesen
Taem we yu filim se Spirit i stap lidim yu, invaetem ol pipol blong kasem baptaes mo konfemesen. Hemia i save hapen long taem blong eni lesen.
Tijim doktrin blong baptaes mo helpem ol pipol blong andastanem doktrin blong Kraes (luk long lesen 3). Tij abaot hamas baptaes kavenan i impoten mo glad blong hem, blong kam klin gud aot long ol sin, mo blong kasem presen ia we i Tabu Spirit tru long konfemesen.
Mekem Ol pipol oli rere blong baptaes invitesen taem yu mekemsua se oli andastanem wanem yu bin tijim mo kavenan we bae oli mekem. Hemia ol kavenan blong baptaes:
-
Blong wantem blong tekem long yumi nem blong Jisas Kraes.
-
Obei ol komanmen blong God.
-
Givim seves long God mo ol narawan.
-
Stanap strong kasem en. (Luk long lesen 4.)
Yu save serem hemia:
Taem yumi kasem baptaes yumi witnes long fored blong [God] se [yumi] mekem wan kavenan wetem hem, bae [yumi] wok blong hem mo obei ol komanmen blong hem.’ Taem yumi mekem kavenan ia, Hem i promesem se bae Hem i ‘kapsaetem Spirit blong hem fulap moa long [yumi]’ (Mosaea 18:10).”
Invitesen blong yu blong kasem baptaes i mas spesel mo tok stret. Yu save talem:
“?Bae yu folem eksampol blong Jisas Kraes mo kasem baptaes tru long wan we oli bin odenem blong mekem odinens ia? Bae mifala i helpem yu rere from baptaes. Mifala i biliv se bae yu rere long [deit]. ?Bae yu save yu rere blong kasem baptaes long deit ia?”
Olsem wetem evri narafala invitesen we yu givimaot, promesem ol bigfala blesing we ol pipol bae oli kasem taem oli akseptem invitesen blong kasem baptaes mo kipim ol kavenan we i go wetem. Serem testemoni blong yu abaot ol blesing ia.
Tijim se baptaes mo konfemesen oli no faenol ples blong yumi. Be, oli wan poen blong folem long rod blong fasin blong jenisim laef we i givim hop, glad, mo paoa blong God moa fulwan insaed long laef blong wan man o woman (luk long Mosaea 27:25–26). Afta we ol pipol oli kasem baptaes mo konfemesen, oli save glad blong wet from kam tabu tru long Spirit taem oli progres folem rod blong kavenan.
Sapos i posibol, invaetem ol olgeta we yu stap tijim blong kam long wan baptaes seves mo wan sakramen miting taem wan i kasem konfemesen.
Ol Aedia blong Invitesen blong Kasem Baptaes
Tingting blong stap ridim stori insaed long skripja abaot Jisas we i kasem baptaes (luk long Matiu 3:13–17). Yu save soem tu Bible video we i stap soem baptaes blong Sevya o Book of Mormon video abaot ol disaepol blong Sevya we oli stap kasem baptaes.
Yu save ridim tu stori blong Nifae abaot baptaes blong Jisas (luk long 2 Nifae 31:4–12). Ol stori blong Laef Bakegen long Ded blong Jisas Kraes oli save helpem yu blong andastanem se i minim wanem blong stap laef bakegen long ded.
Stadi long Ol Skripja
Stadi long ol skripja ia:
Raetem wan sot stori blong wanem we yu bin lanem.