Tē vai rā ānei te mau ’ōpanira’a i roto i te ravera’a i ’ohipa i roto i te ’Ēkālesia nō te mau melo e parau nei e homo’āpeni rātou ’aore rā, ’o tē nā roto nei i te fa’ahina’arora’a ta’ata nō tō rātou iho ’āpeni ?

« Te tahi ta’ata e ha’apa’o nei i te fa’aturera’a nō te vi’ivi’i ’ore—e ta’ata e ha’apa’o nei i te mau fafaura’a ’e te mau ture, te mau ha’api’ira’a o te ’evanelia a te Mesia, noa atu ē penei a’e tē vai ra tōna fa’ahina’arora’a i te ta’ata nō tōna iho ’āpeni—’aita mau e tumu ’aita e ti’a ia rātou ’ia rave i te mau ’ohipa ato’a, ’e ’aita e tumu e’ita tā rātou e nehenehe e riro ’ei melo ti’a mau nō te ’Ēkālesia ’e ’ia mau i te mau pi’ira’a ’e ’ia paraparau ’e ’ia tomo i roto i te hiero ’e ’ia tāvini i reira, ’e ’ia fāna’o i te tahi atu mau rāve’a ’e te mau ha’amaita’ira’a ato’a e nehenehe e tae mai nā roto i te ti’ara’a melo o te ’Ēkālesia.

« Tē vai nei te mau hi’oraa nō te reira i rotopū i te mau melo o te ’Ēkālesia. E rave rahi hi’ora’a. ’E noa atu ē ’aita e ta’ata e parau nei ē e mea ’ōhie i te mau taime ato’a, tē tūtava nei tātou pā’āto’a ’ia tāpe’a i te reira fa’anahora’a ’e ’ia ha’apa’o i tā tātou mau fafaura’a. ’E tei roto tātou pa’ato’a i te hō’ē ā pahi, hō’ē ā feiā horopahī. Nō reira tē parau nei au ē e rave rahi, e nehenehe e parau, ’o tē ’ite nei i taua manuia ra i roto i tō rātou orara’a ’e taua ’oa’oa ra » (D. Todd Christofferson, « Purpose of This Website [Te fā a teie tahua natirara] », ChurchofJesusChrist.org).