« E mea ti’a ānei iā’u ’ia parau i te mau melo homo’āpeni ’e tō rātou ’utuāfare ’ia haere e fārerei i te tahu’a fa’aa’o (conseil professionnel) ? » Te fa’ahina’arora’a ta’ata nō tōna iho ’āpeni : Feiā fa’atere o te ’Ēkālesia (2020)
« E mea ti’a ānei iā’u ’ia parau i te mau melo homo’āpeni ’e tō rātou ’utuāfare ’ia haere e fārerei i te tahu’a fa’aa’o (conseil professionnel) ? » Te fa’ahina’arora’a ta’ata nō tōna iho ’āpeni : Feiā fa’atere o te ’Ēkālesia
E mea ti’a ānei iā’u ’ia parau i te mau melo homo’āpeni ’e tō rātou ’utuāfare ’ia haere e fārerei i te tahu’a fa’aa’o (conseil professionnel) ?
E nehenehe te rapa’aura’a e pa’epa’e i te hōho’a fa’anahora’a maita’i nō te orara’a
’Eiaha te mau metua, te feiā fa’atere ’aore rā te mau tahu’a fa’aa’o e tīa’i ’aore rā e tītau i te tauira’a o te huru fa’ahina’arora’a ta’ata ’ei hope’ara’a. Teienei rā, tē ’imira’a i te mana’o o te hō’ē tahu’a fa’aa’o, e tāpa’o ïa te reira nō te pūai ’e te ha’eha’a. Mai te mea e mā’iti te hō’ē ta’ata ’ia ani i te reira huru tauturu, e mea ti’a ia vetahi ’ē ’ia fa’atura i tōna ti’ara’a ’ia fa’ata’a i te mau hope’ara’a e hina’arohia.
I te tahi mau taime, e mea huru fifi nō te mau ta’ata ’ia hi’o pāpū ia rātou iho. E nehenehe te tītaura’a i te mana’o o te tahu’a fa’aa’o e tauturu e rave rahi tuha’a o te orara’a—mai te huru ravera’a i te fa’aturumara’a ’e te mana’o pe’ape’a ē tae roa atu i te ha’apūaira’a i te fa’aipoipora’a. Mai tā Elder Jeffrey R. Holland i parau, e nehenehe te tauturu a te ta’ata tōro’a, i te tahi taime, e riro ’ei mea faufa’a mai te tauturu pae vārua (hi’o « Mai te ’āu’a i pararī ra », Liahona, Novema 2013, 40-42).
’Ia ’imi ana’e te ta’ata i te rapa’aura’a, tē fa’aitoito nei te ’Ēkālesia i te huru arata’ira’a ’o tē fa’atura i te « fa’aotira’a a te ta’ata iho ». Te aura’a ra, e ti’ara’a tō te ta’ata ’ia fa’ata’a i te mau hope’ara’a e hina’arohia, ’e e mea ti’a i te feiā rapa’au ’e te feiā a’o ’ia fa’atura i tōna mau hina’aro. Nō te hō’ē ta’ata e nā roto i te fa’ahina’arora’a ta’ata nō tōna iho ’āpeni, ’aore rā, ’o tē parau iāna ’ei homo’āpeni, e nehenehe te fa’aa’ora’a e tauturu i te ta’ata ’ia hi’o i tōna oraraa ’āpeni ma te mā ’e te ruperupe a’e. Terā rā, e ’ere te mau ta’ata ato’a tei hina’aro i te ’āparaura’a ’e te rapa’aura’a.
Noa atu e nehenehe e tupu, ’e tē tupu nei iho ā te tauira’a orara’a ’āpeni nō te tahi mau ta’ata, e mea ti’a ’ore ’ia rōtahi te rapa’aura’a a te tahu’a fa’aa’o i ni’a i te mana’o ē e tupu ’aore rā e mea ti’a ’ia tupu te tauira’a i roto i te hia’ai pae ’āpeni. Fa’ahou ā, tei te ta’ata te ti’ara’a ’ia fa’ata’a mai i te hope’ara’a tei hina’arohia.